Ditzionàriu in línia
de sa limba e de sa cultura sarda

afaúndia, afaúndiu , nf, nm Sinonimi e contrari assolocada, matana Traduzioni Francese agitation, fatigue Inglese chill Spagnolo cansancio Italiano scalmana Tedesco schwere Anstrengung.

bataría , nf Definizione pelea, múngia chi si pigat o chi si faet pigare faendho calecuna cosa trebballosa o difícile Sinonimi e contrari cadha, cària, inzotu, pelea / batúliu, carralzu, tréulu Frasi mi at dadu bataria a tizirire su mànigu ◊ est dogni annu cun custa bataria: li deghet una làpide pro s'apostoladu ◊ si l'at leada issa sa bataria de balminare sa lana ◊ za mi ndhe at dadu de bataria, s'ebba!…◊ custa est zente chi daet bataria, mala a dominiare Traduzioni Francese fatigue Inglese intense strain Spagnolo fatiga Italiano strapazzo Tedesco Anstrengung, Strapaze.

irfórtzu , nm: isforsu, isfortzu, issórciu, issortzu, sforsu Definizione impreu de fortza, prus fortza; trebballu o cosa prus manna de su chi si podet fàere cunforma a is fortzas / min. irfortzighedhu, isfortzaredhu; fàghere donzi i. = fai totu su possíbbili Sinonimi e contrari sfortzamentu Frasi s'àinu, gàrrigu meda, faghiat un'isfortzu mannu pro avassare in cudh'abba alta de su riu ◊ fato un'isfortzu pro mi sabèschere! ◊ bi cheriat irfortzu mannu pro no si lassare falare carchi làgrima candho tucaiat un'emigradu ◊ dae s'àrvore che so achirrau chena issórciu 2. faghindhe isfortzu apo segadu sa màniga de su picu Traduzioni Francese effort Inglese strain Spagnolo esfuerzo Italiano sfòrzo Tedesco Anstrengung.

ispabógliu , nm: ispabolzu, ispaborzu, ispaporju, ispaporzu, ispavolzu, ispobolzu, ispravorzu Definizione foedhu chi narant sèmpere in su sensu de cosa peleosa, difícile, chi faet sufrire, istare male, ma chi iat a èssere nau in cobertantza, ca iat a bòllere nàrrere gosu, comodidade, pàusu, asséliu, ispàssiu Sinonimi e contrari ispregolzu Modi di dire csn: fàghere una cosa a malu i. = a pelea, a inzotu; manigare a s'i. = a meda, fintzas a no bi ndhe istare prus; a i. = cun paga lughe Frasi già l'apo s'ispaborzu cun tegus!…◊ già mi ndh'at dadu de ispaborzu, cussa criadura! Assiat! (G.Ruju)◊ ite ispaborzu sa betzesa!…◊ incomintzat luego s'ispaborzu de sos profumos sos piús rafinados…: sulos púdidos, rutos isfogados che candho manigadu ant in mortorzu (Grolle)◊ in cussa domo da bi l'ant s’ispabógliu, ant postu sos ferros a su fizu! 2. no apo ispabolzu in logu (P.Casu)◊ si aia àpiu una dàlia po s'abbutonadorzu fipo istau s'ispaporzu de sos pitzinnos! (A.Cucca)◊ suta a cumandhu anzenu no mi drommio a bonu ispravorzu 3. semper mi ne so pesadu, mancaris a malu ispobolzu (M.Monterra)◊ at fatu totu a malu ispaborzu, gherrendhe chin prunetza e ruedhu ◊ siscura, est a malu ispravorzu, morindhe e chentza mòrrere! ◊ istant tota die tibbitabba sas feminedhas cun totu ispabolzu, samunendhe ◊ za apo dormiu ma a malu ispaporju Etimo ltn. ex + pauper Traduzioni Francese sacré travail Inglese hard work Spagnolo tute, zurra (f) Italiano faticàccia Tedesco schwere Anstrengung.

istrípa 1 , nf Definizione pelea manna / picare un'i. Sinonimi e contrari antua, cadha, cària, cumbata, impodha, inzotu, istimpida, matana, mugna, pista, pistapone, podha Frasi cuss'afuta e s'istripa chi nos amus picau nos at catzau su sonnu Etimo srd. Traduzioni Francese sacré travail Inglese bad strain Spagnolo tute Italiano faticàccia Tedesco schwere Anstrengung.

múgna , nf: múngia, munza Definizione pelea manna, arrebbentu; totu is fainas de domo, su trebballu, su frutu chi giaet su bestiàmene Sinonimi e contrari cadha, cària, dimazu, fadiori, frica, impodha, matana, pista, rebbatu / trabballu Modi di dire csn: m. de suore, de prantu, de tzacu; àcua de m. = abba pro samunare; giare una mugna a ccn. = donai una surra, una carda Frasi s'assessore faedhanne s'afutat e achicat po sa munza (A.Cossu)◊ solu tue mi ses de cunfortu e m'illébias sa munza ◊ die e note peleo pro sas munzas chi mi leo ◊ betat s'arzola cun tribàgliu e munza ◊ l'apo leada crispa, sa munza, chirchendhe unu fiadu! 2. me is bidhas genti meda bivit de sa múngia de masoni ◊ s'àcua serbit meda po is múngias de domu ◊ su de cumpònnere s'orrostu est múngia de is ómines Etimo ltn. munia Traduzioni Francese fatigue, grande fatigue, surmenage Inglese weariness, strain Spagnolo reventón, paliza Italiano affaticaménto, strapazzo Tedesco Strapaze, Anstrengung.

munziàda , nf Definizione su munziare; pelea manna, múngia Sinonimi e contrari arrebbentu, cadha, frica, istrachidúdine, strachímini Etimo srd. Traduzioni Francese réprimande, semonce, savon (fam.) Inglese scolding Spagnolo reventón, paliza Italiano strapazzata Tedesco Überanstrengen, Strapaze, Anstrengung.