Ditzionàriu in línia
de sa limba e de sa cultura sarda

bría , nf: briga Definizione murrúngiu mannu fatu a tzérrios, foedhos malos e a bortas fintzes a cropos; cosa chi si narat a tzérrios a unu po ccn. cosa male fata / a./c. a logos faent su númene a mascu, brigu Sinonimi e contrari aciociada, aciocu, afarratóriu, atachizu, brionzu, certara, certu, chertaria, frustatzada, ghirta, pletu, sermonada, strúnciu 1 / cdh. ragadhia Modi di dire csn: èssere a b. = istai sempri certendi, certai fatuvatu; pesare, parai b. = pònnere cuvusione, brigare o fàghere brigare; dare una b. a unu = fai unu certu a unu; fàghere una cosa a b. míscia = impresse impresse e betendhe totu apare, chentza órdine Frasi mi ndi torràst imbriagu e insaras parasta briga! ◊ eo tzertu no cherzo intrare in briga, ca ndhe poto essire pali pistu! ◊ sa zente est galu bulluzata dae sas brias e dae sos afuscos ◊ maridu e muzere sunt sempre a briga: no si l'intendhent e bastat! 2. mi ndhe benit arrennegau e mi dat una briga chi mi at picau bibu e mi at lassau mesu mortu ◊ sa briga chi li at dadu… bi ndhe aiat pro isse e pro àtere! ◊ sa mama at dadu una briga a su fizu ca at istentadu in su cumandhu 3. sos mios sunt a briga ca no bi andho ◊ sunt a briga pro sa partimenta Cognomi e Proverbi smb: Bria, Brigas / prb: briga de frades briga de canes Etimo itl. briga Traduzioni Francese dispute, querelle, réprimande, savon Inglese quarrel, brawl, scolding Spagnolo pelea, contienda Italiano litìgio, divèrbio, altèrco, rissa, sgridata, sfuriata Tedesco Streit, Schlägerei, Schelte.

brigàda , nf Definizione su brigare, su certu chi si giaet a unu Sinonimi e contrari aciociada, aciocu, atachizu, bria, certada, certu, ghirta / cdh. briata Etimo srd. Traduzioni Francese sortie, réprimande, savon Inglese scolding Spagnolo bronca, reprimenda Italiano sfuriata, sgridata Tedesco Anschnauzer, Schelte.

certàra , nf Definizione su brigare, totu su chi si narat brigandho Sinonimi e contrari aciociada, aciocu, atachizu, bria, certu, ghirta, pletu Etimo srd. Traduzioni Francese querelle, réprimande Inglese strife, quarrel, scolding Spagnolo pelea Italiano contésa, litigata, sgridata Tedesco Streit, Schelte.

frustatzàda , nf Definizione su frustatzare Sinonimi e contrari bria, certu, istratallada, strúnciu 1 Etimo srd. Traduzioni Francese réprimande Inglese reprimand Spagnolo reproche Italiano rampógna Tedesco Vorwurf.

iscagatzàda , nf Definizione briga manna chi si giaet a unu Sinonimi e contrari atrumiolada, certu, bria Etimo srd. Traduzioni Francese réprimande Inglese severe reprimand Spagnolo reprimenda Italiano sevèra reprimènda Tedesco strenger Tadel.

iscamurriàda , nf Definizione briga manna chi si giaet a unu Sinonimi e contrari bria, chirella, isvrúdhiu Frasi li at dadu una bona iscamurriada in mesu a totugantos Etimo srd. Traduzioni Francese réprimande Inglese reprimand Spagnolo reproche Italiano rampógna Tedesco Vorwurf.

liscebbússu , nm Definizione genia de briga chi si giaet a unu Sinonimi e contrari bria, refàciu Etimo srd. Traduzioni Francese réprimande Inglese reprimand Spagnolo regañina Italiano rabbuffo Tedesco Verweis, Rüge, Tadel.

munziàda , nf Definizione su munziare; pelea manna, múngia Sinonimi e contrari arrebbentu, cadha, frica, istrachidúdine, strachímini Etimo srd. Traduzioni Francese réprimande, semonce, savon (fam.) Inglese scolding Spagnolo reventón, paliza Italiano strapazzata Tedesco Überanstrengen, Strapaze, Anstrengung.

strúnciu 1 , nm: istrónciu*, (strun-ci-u) Definizione su strunciai, disalabai o dispretziai una fata, un'idea, una manera de fàere Sinonimi e contrari bria, certu, frustatzada, istratallada, isvrúdhiu / cdh. riproa Frasi ajaja e ajaju andant de acórdiu meda: no dhus apu bius mai fendisí unu strúnciu ◊ su mairu dha pigat a strúncius e a cérrius ◊ mairu e mullei funt sempri a mússius e a strúncius! Traduzioni Francese blâme, désapprobation, réprimande Inglese disapproval, scolding, blame Spagnolo desaprobación, reproche, rapapolvo Italiano biàsimo, disapprovazióne, sgridata, rampógna Tedesco Tadel, Mißbilligung, Schelte, Verweis.