Ditzionàriu in línia
de sa limba e de sa cultura sarda

aflachiài , vrb: afrachiai Definizione èssere fracu, lenu, débbile, fartare in calecuna cosa, tènnere neghe / afrachiai in sa fidi = àere una fide no tantu frimma, pagu segura Sinonimi e contrari ifrachire Etimo srd. Traduzioni Francese être faible Inglese to be weak Spagnolo flaquear Italiano èssere débole, vacillare Tedesco schwach sein, schwanken.

allancàre , vrb Definizione su bènnere mancu de is benugos camminandho, po debbilesa, male, pecu o pesu tropu grae: si narat de àteru puru in su sensu de èssere cédiu, chentza fortzas, pèrdere fortza atrotigandho Sinonimi e contrari achinnae, annaigare, bantzicare, iscotzinare, istantonai, saidare, tambulare, tòmbere / indortigare Frasi calchi rampu allanca allanca a calchi carignu de su bentu si movet (P.Casu)◊ est caminendhe allanca allanca pro su pesu ◊ no at tentu peruna piedade pro cudhu, candho l'at bidu allancadu in terra, insambentadu e derrutu 2. sos puzones in su nie sunt morindhe de fàmine, abbaidendhe cun sos ojos allancados 3. sa nae est allanchendhe e si podet segare Traduzioni Francese chanceler Inglese to totter Spagnolo tambalearse Italiano barcollare Tedesco schwanken.

arreselài , vrb: reselai* Definizione su no giare fide, su àere bendha o duda Sinonimi e contrari dudai, suspetai / abbabbarrotai, addojare, adumbrai, assumbrai, umbrai | ctr. cunfiai, fidai Traduzioni Francese se méfier, hésiter Inglese to distrust, to totter Spagnolo recelar Italiano diffidare, tentennare Tedesco mißtrauen, schwanken.

arresélu , nm: arresséliu, arresselu, reselu* Definizione su istare a su time time, timendho, su tènnere calecuna duda (fintzes impudu, pentimentu) Sinonimi e contrari duda, suspeta, suspita, tròntzonu / arraolu, pistighinzu, timoria / assúmbridu, discunfiàntzia 2. in totu sa noti no femu arrennésciu a serrai ogu cun s'arresselu de mi ndi pesai chitzi ◊ ia circau de mi donai sa morti e a pobidhu miu dhu depiat àiri ghetau a terra… Arresséliu? Timoria? Umiliatzioni? Traduzioni Francese hésitation, méfiance Inglese distrust, hesitation Spagnolo recelo Italiano tentennaménto, diffidènza Tedesco Schwanken, Mißtrauen.

innaigài , vrb: innaigare Definizione indrúchere o abbasciare is naes càrrigas de una mata, tròchere o andhare de un’ala a s’àtera che is naes de is matas Sinonimi e contrari allancare, annaigare, bantzicare, iscotzinare, iscutuai, saidare, stontonai, tambulare, tòmbere Frasi innàigat una mata de pira pro ndhe betare a terra Etimo srd. Traduzioni Francese secouer, chanceler Inglese to shake, to stagger Spagnolo contonear Italiano scuòtere, barcollare Tedesco schütteln, schwanken.

istantonài , vrb: istontonare, istuntonare, stontonai Definizione andhare (e fintzes fàere andhare) a tòntonos, coment'e orruendho candho a un'ala candho a s'àtera, chentza si agguantare bene prantaos, comente faet unu imbriagu o pigau a illuinu / andhare istòntona istòntona = a su tàmbula tàmbula Sinonimi e contrari istontoleare, istontorrinare, stombi, tontonae Frasi leat a dereta istontonendhe e abbrunchendhe in s'impedradu iscumbessu ◊ cudhas lughes fuint istontonandhedhu peus de candho si est imbreagau Etimo srd. Traduzioni Francese vaciller, chanceler Inglese to sway Spagnolo vacilar, oscilar, tambalearse Italiano vacillare Tedesco schwanken.

màmula , nf Definizione genia de giogu: si faet a bíere de bòllere giare a s'àteru una cosa ma chentza si dha giare abberu, si dhi presentat e si ndhe torrat a pigare Sinonimi e contrari daellea, manlea, pichellassa Etimo spn. mamola Traduzioni Francese tergiversation Inglese wavering Spagnolo amago, finta Italiano tiremmòlla Tedesco Schwanken.

santziaméntu , nm: santzinamentu Definizione su tzantzigare, su istare tzantzigandho; in cobertantza, unu fàere cun pagu firmesa, prenu de dudas, pagu seguru Sinonimi e contrari bantzicadura, bantzigonzu, sànciu, santziadura, tzantzigamentu, tzàntzigu / arreselu 2. su suu est unu fàiri chi no ammitit santziamentus Etimo srd. Traduzioni Francese hésitation, méfiance Inglese distrust, hesitation Spagnolo titubeo Italiano tentennaménto Tedesco Schwanken, Mißtrauen.

stóntonu , nm: stóntunu Definizione su stontonai Sinonimi e contrari stantonamentu, tóntonu Frasi a stòntonus fúrriat a domu sua ◊ s'intendiat unu stóntonu, un'ammuinu pariat chi teniat una passada de callentura Etimo srd. Traduzioni Francese chancellement Inglese tottering Spagnolo tambaleo Italiano barcollaménto, barcollìo Tedesco Schwanken.

tontonàe, tontonài, tontonàre , vrb Definizione andhare a tòntonos, a su tàmbula tàmbula, coment'e orruendho candho a una parte candho a s'àtera, chentza arrennèscere a istare prantaos, comente faet un'imbriagu o unu pigau a illuinamentu, a sonnu (e si narat fintzes de sa possibbilidade de ibballiare, de fàere fartas, po farta de seguresa in su fàere); nau de apertura, serrare unu pagu, o de trastu a incrubau, pèndhere unu pagu a una parte / tontonare un'àrbure = saidare, sachedhare, tzantzigare Sinonimi e contrari bambulai, istantonai, istontorrinare, stombi, tambulare, tòmbere / ingalenare / imbarare Frasi cussu est grai, antzianu meda, si bit ca at tontonau e arrutu est ◊ a tie ti tòntonat su pede! ◊ mi soe tontonadu ca tenio sonnu 2. tontonanci sa porta, no passit cussa carroga mala! ◊ tontonancedha cussa fentana, ca nc'est currenti! 3. sa mesa tòntonat Cognomi e Proverbi prb: sa mata prus arta ist sa primu a tontonae Etimo srd. Traduzioni Francese chanceler Inglese to totter Spagnolo tambalearse Italiano barcollare, vacillare, traballare Tedesco schwanken, taumeln.

tzantziàre, tzantzicàre , vrb: sansiai, tzantzigare Definizione fàere o giare unu movimentu de andhetorra a cosa apicada o fintzes posta in terra ma de pòdere mòvere chentza dificurtade; iscutulare, mòvere a forte, a iscutuladura; busigare, giare incruescu, istrobbu Sinonimi e contrari bantzicare, chigliare, intzainnai, lachedhare, sachedhare / saidare, tzantzichedhare / busigare Frasi custa pitzinna ballendhe si tzàntzigat totu 2. sas frunzas de sas àrbures tzàntzigant comente andhat bentu ◊ bandhelas tzantzigadas dae frinas ◊ su bentu est tzantzighendhe sas àrbures 3. mih su dílicu, chi no si cheret tzantzicau! Etimo srd. Traduzioni Francese osciller Inglese to oscillate, to dangle Spagnolo oscilar Italiano oscillare, ciondolare Tedesco schwanken.

tzàntzigu , nm Definizione su bantzigare Sinonimi e contrari intzàntzinu, nànniga, santziamentu Frasi s'ajaja at apaigadu su nebode a tzàntzigos, leadu in coa Etimo srd. Traduzioni Francese balancement Inglese swinging Spagnolo balanceo, oscilación Italiano dondolaménto, oscillazióne Tedesco Schwanken.

tzillicàre , vrb Definizione èssere o istare pagu firmu, a su tòntona tòntona, tzanchitzanchi Sinonimi e contrari traculare, tzucurare Frasi sa banca tzillicat Etimo srd. Traduzioni Francese chanceler Inglese to wobble Spagnolo tambalearse Italiano pencolare, tentennare Tedesco schwanken.

tzucuràre , vrb: tzunculare Definizione èssere o istare pagu firmu, a su tzanchitzanchi Sinonimi e contrari itzucurare, traculare, tzillicare Etimo srd. Traduzioni Francese chanceler Inglese to be shaky Spagnolo tambalearse Italiano pencolare, traballare Tedesco schwanken.