Ditzionàriu in línia
de sa limba e de sa cultura sarda

abbolótu , nm: abbulotu, afalotu, avolotu Definizione morigamentu, movimentu sentza un'órdine precisu siat de cosas e siat de gente, a bortas fatu apostadamente cun iscopu precisu; morigamentu fintzes de istògomo / pesare o pònnere a. = tzacare cuvusione Sinonimi e contrari abbatúliu, abbulútziu, alborotu, atrepógliu, avabotu, carralzu, sciumbullu, trambullu, tregollu, trepollu / abbulizu, baraundha, mamudinu, stragambullu, subuzu, tifitanu, tremutu | ctr. assébiu Frasi candu sa maista at bófiu isterri sa chistioni, insaras est cumentzau s'avolotu ◊ is féminas iant pesau un'avolotu po nci bogari su segretàriu cumunali ◊ sa paghe armoniosa as distrutu pro pònnere avolotu ◊ sentza bi àere motivu istas fachendhe abbolotu Etimo srd. Traduzioni Francese agitation Inglese tumult Spagnolo alboroto Italiano agitazióne, tumulto Tedesco Unruhe, Aufruhr.

apistichinzàre , vrb: apistighignare, apistighinzare, pistichinzare Definizione pònnere, pigare o tènnere pistighíngiu, arreolu Sinonimi e contrari afruscare 1, apensamentai Frasi custa màzine chi li ant presentau l'at apistichinzau ◊ candho at bidu chi su pisedhu no fit torradu ancora, su babbu comintzeit a si apistighinzare ◊ si apistichinzat pro sa salute Etimo srd. Traduzioni Francese s'agiter, être inquiet Inglese to crave Spagnolo zozobrar, estar intranquilo Italiano avére o méttere inquietùdine, smània Tedesco von Unruhe erfaßen werden, Unruhe verursachen.

disassusségu , nm Definizione mancàntzia o farta de assussegu Sinonimi e contrari pensamentu, pidinu | ctr. assussegu Etimo spn. Traduzioni Francese inquiétude Inglese anxiety Spagnolo desasosiego Italiano ansietà, inquietùdine Tedesco Unruhe.

franédiga , nf: franériga, frenédiga Definizione genia de gana e de presse meda o ispédhiu de fàere calecuna cosa Sinonimi e contrari afródhiu, bermegorru, férnia, furighíngiu, ischecherédhiu, schinitzu / cimbella, pedighinu, pedine, pestighinzu Frasi aiat sa frenédiga de ndhe betare cussa cara a ràfias cun sas francas (Ptz.Mura)◊ fit fémina de frenédiga manna e de tichírriu imberriosu, limbori e forroxosa fintzas amoratzendhe ◊ sa zente totinduna aiat leadu sa frenédiga Traduzioni Francese agitation, inquiétude Inglese restlessness, worry Spagnolo inquietud, agitación Italiano irrequietézza, preoccupazióne Tedesco Unruhe.

ischinítzu , nm: ischinnitzu, schinitzu Definizione genia de idea chi no lassat istare in pàusu, coment'e pistighíngiu po cosa chi si timet o chi si iat a bòllere a presse, chi no si biet s'ora de àere o de fàere Sinonimi e contrari afródhiu, arraolu, atitivollu, fazellu, finitzu, pestighinzu, pidinu, pistu Frasi cun s'ànima sempri in gherra, ses prenu de ischinnitzus ◊ teniat ischinnitzu de nci essiri ◊ chi ti pongu manu apitzus, piciochedha, ti passant is ischinnitzus e totu sa furighedha! Etimo srd. Traduzioni Francese inquiétude Inglese fidget Spagnolo desasosiego, desazón Italiano inquietùdine Tedesco Unruhe.

pedighínu , nm: pidighinu Definizione genia de pentzamentu / àere una cosa a pidighinu = tènniri iscinitzu po ccn. cosa Sinonimi e contrari apensamentu, apinnicu, arraolu, ischinitzu, pedine, pestighinzu / abbalàviu, atàviu, fazellu Frasi candho unu at su pidighinu de tucare chito no drommit ◊ su pidighinu chi ant sos de domo est su chi podet capitare cras (M.Bua)◊ su pidighinu chi aiat si apasigheit addaghi resesseit a si ammentare su càntigu Etimo srd. Traduzioni Francese agitation, mouvement Inglese restlessness Spagnolo inquietud, desasosiego Italiano irrequietézza, moviménto Tedesco Unruhe, Bewegung.

pedíne , nm, nf: pedinu, pidina, pidinu Definizione genia de pentzamentu chi si tenet po ccn. cosa Sinonimi e contrari apensamentu, apinnicu, arraolu, pedighinu, pestighinzu, revinu, solovu Modi di dire csn: est unu pedinu (nadu de unu) = ifadosu; fàchere una cosa a p. = bene, cun contivizu; intrare pedine = leàresi pessamentu Frasi tota addolimada est sa persone chi pro sa cura li ponet pedinu ◊ lu tenia a pidinu de andhare a fàghere cussu cumandhu ◊ si essis, tene pidinu de torrare! ◊ mama tua ti sighit a pedinu in s'isconsolu ◊ cun cussu pidinu in conca no resesso a drommire ◊ su dutore l'at bisitada cun cuidadu e mudu: in cara si li leghiat però sa pidina e unu belu de suore si est mudadu in gútios Cognomi e Proverbi prb: chie no at pedinu est ómine mischinu Etimo srd. Traduzioni Francese anxiété, hantise Inglese worry Spagnolo ansia, inquietud, angustia Italiano ànsia, assillo Tedesco Angst, angstvolle Unruhe.

schinítzu , nm: ischinitzu*, schinnitzu, sciníciu, scinitzu, sfinítziu, sfinitzu Definizione genia de idea chi no lassat istare in pàusu, coment'e oriolu po cosa chi si timet o chi si iat a bòllere a presse, chi no si biet s'ora de àere o de fàere, fintzes ifadu / malu sciníciu = impudu, arrepentimentu; s. de brenti, a s'istògumu = afinamentu, isanimamentu Sinonimi e contrari afródhiu, arraolu, fazellu, finitzu, franédiga, furighedha, pestighinzu, pidinu, pistu Frasi s'ispédhiu ponit scinitzu ◊ fillus mius, candu no seis in domu tèngiu unu schinitzu!…◊ allodhu torrau, no tenit assébiu: a ndi tenit de scinitzu! ◊ dh'ant portada a s'uspidali ma teniat giai su scinitzu de sa morti, e difatis si est morta una pariga de oras apustis ◊ de candu apu biu cudhu piciocu tenemu unu sciníciu e non poremu istai sentz'e dhu torrai a biri! 2. ti biu a bisura de fàmini: ita tenis, schinnitzedhu?! 3. at donau un'aderetzada a su coscinu ca dhi fait scinitzu Traduzioni Francese agitation, énervement Inglese eagerness Spagnolo desasosiego Italiano irrequietézza, smània Tedesco Unruhe, Aufregung.