A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

ammascàe, ammascài , vrb: ammascare, mascai Definitzione pigare, afilare, cumenciare, provare a…, arriscare Frases lampu, candu ammascat a èssi bella!… teniat totu su chi podit tenni una bella picioca! ◊ po caridadi, custus óminis: candu ammascant a èssi!…(T.Dei)◊ lampu ca funt malus, cussus, ma su sardu puru candu ammascat a èssi intrautau!…◊ eus fatu cassa bona poita is pillonis ant ammascau ◊ mi portu arrobba grussa, ca ingunis fait frius, si su tempus ammascat.

ammascarài , vrb Definitzione imbrutare de mascara, de tzintziedhu; arrennegare meda, fàere niedhu o pèrdere sa bisura po s'arrennegu: nau de su tempus, isconciare, fàere tempus malu Sinònimos e contràrios intentiedhare 2. si mi lassas ammascarai ti dh'ongu dèu, su tanti!…◊ dh'apu bia ammascarara…, fiat cosa de timi! ◊ candu si ammàscarat su mari, balla, gi est cosa de dhui acostai!… 3. chi mi bit ammascarau, bai ca su piciochedhu nc'istupat debressi! Ètimu ctl. (en)mascarar Tradutziones Frantzesu se farder outrageusement Ingresu to soil oneself, to make up in an overdone way (oneself) Ispagnolu repintarse, enfadarse mucho Italianu imbrattarsi, truccarsi in mòdo esagerato Tedescu sich übermäßig schminken.

ammascàre ammascàe

ammascherài , vrb: mascarare* Definitzione bestire a màschera, divertire a carrasegare bestios a màschera; fàere fintas, passare po un'àteru o una cosa po un'àtera; nau de su tempus, fàere malu Sinònimos e contràrios caratzare, carotare, trusare / bovare, disfalsai 3. si su tempus si ammàscherat, de innòi tocat a si fuiri! Tradutziones Frantzesu se déguiser Ingresu to disguise oneself Ispagnolu disfrazarse Italianu travestirsi Tedescu sich verkleiden.

ammascheraméntu , nm Definitzione su si ammascherai e fintzes su bestimentu etotu chi unu si ponet po pàrrere un'àteru Sinònimos e contràrios mascaronzu Frases s'ammascheramentu a carrasegare no totus dhu faent uguale ◊ sas màscheras portiant àteros duos sentza de ammascheramentu pro cumpanzia Ètimu srd. Tradutziones Frantzesu déguisement Ingresu disguise Ispagnolu disfraz Italianu travestiménto Tedescu Verkleidung.

ammasciàre , vrb: ammascrare Definitzione fàere a mascu; (nau de pegus fémina) ingrassare a tropu e rèndhere pagu a late Sinònimos e contràrios ammascinare, ammascronare 2. sas berbeghes cherent maselladas primu chi si che ammascrent ◊ su late cheret tirau ca sinono sas crapas si ammascrant e s'irmalàdiant Ètimu srd. Tradutziones Frantzesu masculiniser Ingresu to masculinize Ispagnolu masculinizar Italianu mascolinizzare Tedescu vermännlichen.

ammascinàre , vrb Definitzione coment'e fàere a mascu, nau de sa bide in su sensu chi no bogat frutu; nau de sa chibudha, intzeurrare, bogare su sirione (cambu nou chi faet sa candhelita e su frore) Sinònimos e contràrios ammasciare.

ammascionài ammacionài

ammascràda , nf Definitzione su si ammascrare Ètimu srd. Tradutziones Frantzesu masculinisation Ingresu masculinization Ispagnolu masculinización Italianu mascolinizzazióne Tedescu Vermännlichung.

ammascràre ammasciàre

ammascronàre , vrb Definitzione fàere a mascu, nau de fémina in su sensu chi tenet cumportamentos che Sinònimos e contràrios ammasciare Ètimu srd.

ammascronàu , pps, agt Definitzione de ammascronare; nau de fémina, mascrulla, chi tenet calecunu piessignu de mascu.

ammàscu , nm Definitzione su ammascae, tanti de brovendha chi si giaet a is animales Sinònimos e contràrios addescu, musúngiu, pravenda Ètimu srd.

ammasedadúra , nf Definitzione su ammasedare Ètimu srd.

ammasedàe, ammasedài, ammasedàre, ammasedàri , vrb: ammaserai, ammasessare, ammasetare, ammasetzare, ammesetare, masedai Definitzione fàere a masedu, torrare o essire masedu; foedhandho de gente, essire de cumportamentu prus ammedhosu, chi si lassat chistionare o acortzire de prus Sinònimos e contràrios addonnare, ammavelare, domai | ctr. arestai, assirbonae Frases pro l'ammasetare l'at imbitzadu cun bucones licantzos ◊ cun sa bona manera si ammasetat onzi fera ◊ lupu e aes si ammasetant candho cantat isse 2. abbratzadu mi apo sas peleas ammasetendhe sas malas ideas pro abbarrare in su caminu deretu (F.Dedola)◊ ammasedau in galera siat, cussu! ◊ aici etotu ammasereis cussus corus traitoris! ◊ mancari tirriosa, tue puru as ammasetzau! ◊ cussos reberdes tocat a dhos ammasetzare o cun sas bonas o cun sas malas! Sambenados e Provèrbios prb: si disígias ammasedai pigadí mulleri! Ètimu ltn. ad+ma(n)suetare Tradutziones Frantzesu apprivoiser Ingresu to domesticate Ispagnolu amansar, domesticar Italianu ammansire, addomesticare Tedescu zähmen.

ammasedàu , pps, agt Definitzione de ammasedai, -are Sinònimos e contràrios addotziladu / cdh. ammasidatu Tradutziones Frantzesu apprivoisé Ingresu domesticated Ispagnolu amansado Italianu ammansito Tedescu gezähmt.

ammaserài, ammasessàre, ammasetàre ammasedàe

ammasétu , nm Definitzione su ammasedare, abbituare a èssere masedos, fintzes domadura.

ammasetzàre ammasedàe

ammasongilàe , vrb Definitzione fàere a masongile, ladamingiare su logu faendhodhoe crocare su bestiàmene su note Sinònimos e contràrios istrecorgiare Ètimu srd.