A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

antibítzu , nm: antipitzu, antítzipu Definitzione su antibitzare, cosa chi si narat o si giaet innanti Sinònimos e contràrios cabarra Frases donzi manzanu daghi si ndhe pesant daent un'antipitzu de sa die: Die de bentu!… Die de sole!… Tradutziones Frantzesu avance Ingresu anticipation Ispagnolu anticipación, adelanto Italianu antìcipo Tedescu Verfrühung.

anticàmera , nf Sinònimos e contràrios passadissu, pàtiu Tradutziones Frantzesu antichambre Ingresu anteroom Ispagnolu antecámara Italianu anticàmera Tedescu Vorzimmer.

antichidàde , nf: antighidade Definitzione tempos de s'istória colaos de meda Sinònimos e contràrios anticóriu Tradutziones Frantzesu ancienneté Ingresu antiquity Ispagnolu antigüedad Italianu antichità Tedescu Altertum.

anticipài antebitzàre

anticóriu , agt, nm, nf: antigória, antigóriu Definitzione chi est de is tempos passaos de meda, is tempos de s'istória passaos dae meda Sinònimos e contràrios anticu / antichidade Frases semper gai est istadu dae tempos anticórios ◊ iscurtaio su nàrrere antigóriu pro connòssere is logos de su logu 2. si bestint comenti fiant in s'antigória ◊ custa istatuedha fiat una raresa de antigória ◊ a torrare a s'anticóriu no si podet (L.Pusceddu) Ètimu spn. antigor Tradutziones Frantzesu très ancien, antiquité Ingresu ancientness Ispagnolu muy antiguo, antigüedades Italianu mólto antico, antichità Tedescu sehr alt, Altertum.

anticòru antecòru

anticristàre , vrb: antigristare Definitzione nàrrere o pònnere male de s'àteru Ètimu srd.

anticrístu , nm: antigristos Definitzione pessone mala meda, animiniedhu Sinònimos e contràrios mostre Ètimu ltn. antichristus Tradutziones Frantzesu antéchrist Ingresu antichrist Ispagnolu anticristo Italianu anticristo Tedescu Antichrist.

antícu , agt, nm: antiglu, antigu Definitzione chi est de is tempos passaos de meda / antigu tempus, antigu ’e tempus (antighedempus) = antigamente; in s'antiglu = in s'antigóriu Sinònimos e contràrios anticóriu | ctr. nobu, modernu, rechente Frases cantu ndh'as are bistu giovonedhas in is antigas èpocas passadas ballandho a mantighedhu e a gunnedha!…◊ cussus parint tempus antigus ma dhus eus connotus nosu!◊ is nuraxis tenint unu o prus aposentus abbovidaus, a tholos comenti narànt is Gregus antigus 2. is antigus teniant su dinai cuau in is murus e is matzamurrus conosciant is giassus acantu dhui fuant is iscusòrgius 3. custa cosa ingunis dhui est de antigu tempus Ètimu ltn. anticus Tradutziones Frantzesu ancien Ingresu ancient Ispagnolu antiguo Italianu antico Tedescu antik.

anticuàriu , nm Definitzione genia de museu, logu inue si arregollent, chistint e ponent, cun critériu po dhas bíere, cosas de s'antigóriu.

anticuàu , agt Definitzione chi no si usat prus ca est de un'àteru tempus, de is tempos passaos Tradutziones Frantzesu vieilli, désuet Ingresu obsolete Ispagnolu anticuado Italianu antiquato Tedescu veraltet.

antidiluviànu , agt Definitzione antigu meda, de unu tempus innanti de su dilúviu universale…, nau de cosa bècia meda, chi no s'impreat o no andhat prus Tradutziones Frantzesu antédiluvien Ingresu antediluvian Ispagnolu antediluviano Italianu antidiluviano Tedescu vorsintflutlich.

antífona, antífuna , nf Definitzione parte de sa missa, ma nau agiummai solu in su sensu de calecuna fata, nada in cobertantza o manera de fàere chi giaet a cumprèndhere ite unu si depet ibertare Frases candho at intesu s'antífona at cambiadu idea!

antifúrtu , nm Definitzione imbentu chi serbit de seguresa contr'a is furas Tradutziones Frantzesu antivol Ingresu antitheft Ispagnolu antirrobo Italianu antifurto Tedescu Diebstahlschutz.

antigàdu , pps, agt Definitzione de antigare 1 Sinònimos e contràrios anticu 2. su retratu de giaja tua in costúmene antigadu totu in seda fioradu in su zostre che lu cua! (G.A.Cossu)

antigàle , agt Sinònimos e contràrios anticu.

antigàlla , nf Definitzione cosas betzas, antigas Sinònimos e contràrios antigúmine Ètimu itl. Tradutziones Frantzesu antiquailles Ingresu junks Ispagnolu antigualla Italianu anticàglie Tedescu Altwaren.

antigamènte, antigamènti , avb Definitzione in s'antigória, unu tempus Sinònimos e contràrios antighedempus Frases antigamenti de cussas cosas si ndi agatàt, ma immoi no prus ◊ Otana fit Otana, antigamente: miradebbolla coment'est torrada!

antigàre , vrb rfl Sinònimos e contràrios antziare, pesare Frases est rutu e no si antigat prus Ètimu srd.

antigàre 1 , vrb Definitzione essire antigu, istare in crica de cosas antigas; èssere de moda / genia de frastimu: ancu no ti antighes piús! = chi no imbetzes mai!; no si ndhe antigat piús = no est prus de moda, no andhat prus Ètimu srd.