A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

antiggàs , agt Definitzione nau de una genia de màscara, chi amparat de is gasos chi noghent.

antighedémpus , avb Definitzione in s'antigória, unu tempus, tempus meda innanti de como Sinònimos e contràrios antigamente Frases antighedempus faiant deosi ◊ antighedempus sos parentes cantànt su mortu Ètimu srd.

antighidàde antichidàde

antíglu antícu

antigòni , nm Definitzione frucàgiu chi si prantat ananti de su barracu po dhue pòdere apicare sa bértula e àteros trastos de su pastore, o fintzes una genia de gànciu de pònnere in frucàgiu po apicare cosa Sinònimos e contràrios anta, dule, iltatu, istante 1 Ètimu srd.

antigória anticóriu

antigorídu , agt Definitzione coment'e curpiu de s'anticoru, làngiu làngiu Sinònimos e contràrios istrimuzidu, mabagrabiu, maltratu, marriu Tradutziones Frantzesu squelettique Ingresu skeletal Ispagnolu esquelético Italianu scheletrito Tedescu zum Skelett abgemagert.

antigóriu anticóriu

antigristàre anticristàre

antigrístos anticrístu

antígu antícu

antigúmine , nm Sinònimos e contràrios antigalla Ètimu srd.

antíle, antíli , nm Definitzione cosciale de is gennas Sinònimos e contràrios antalire, cantalire, cantargiare, cosciale, istantalire, trempai Frases sos antiles de domo sunt de perda picada.

antíma , nf Sinònimos e contràrios calidade, piessignu.

antimài , vrb Definitzione giare un'antima, sinnalare, distínghere e isceberare is cosas in partes cunforma a is calidades, a su piessignu, su pecu o àteru Ètimu srd.

antimalàricu , agt Definitzione meighina, cura contra a sa malària Tradutziones Frantzesu antimalarique Ingresu antimalarial Ispagnolu antipalúdico Italianu antimalàrico Tedescu gegen Malaria wirksam.

antimóniu , nm Definitzione elementu chímicu de númeru atómicu 51 e pesu atómicu 121,76: est velenosu meda Tradutziones Frantzesu antimoine Ingresu antimony Ispagnolu antimonio Italianu antimònio Tedescu Antimon.

antíngiu , nm Definitzione su fedu naschiu mortu; in cobertantza, cosa andhada male, chentza lómpia, chentza cumpria Sinònimos e contràrios agurtidura, agurtinzu, aurtidura, istrumíngiu Ètimu srd.

Antiógu , nm Definitzione númene de ómine (de fémina, -a).

antioràriu , agt Definitzione nau de movimentu, chi andhat de destra a manca, a sa bandha contrària de comente girant is fritzas de s'arrellórgiu Frases sa Terra girat in sensu antioràriu.