A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

arribbíu , agt Sinònimos e contràrios arrennegadu Ètimu srd.

arribbíu 1 , pps, agt Definitzione de arribbiri; nau de tubbu o àteru deasi, chi est prenu meda, chi no dhue cabet o passat prus nudha, tupau de sa cosa chi dhu’est etotu Sinònimos e contràrios pienu, tupadu 2. cun is tumbinus arribbius, si proit si allagant is arrugas ◊ portat sa brenti arribbia ◊ custu lavandinu no calat, s'iscàrrigu est arribbiu ◊ is arrugas fiant arribbias de genti passillendi ◊ in s'arriu arribbiu de malesa candu proit meda s'àcua nci essit a foras Tradutziones Frantzesu engorgé Ingresu clogged Ispagnolu atascado Italianu ostruito Tedescu verstopft.

arribbotài arrebbotàre

arríbbu , nm Definitzione su arribbare 1; sa cosa chi si chistit Maneras de nàrrere csn: pònnere in a. = costoire; bestimenta de a. = de càstigu, bona Frases za est malu su ispèndhere a tropu, ma s'arribbu puru, lampu!…◊ faghent s'arribbu pro sa betzesa ◊ aiant cosa collita e dinari de arribbu puru ◊ fit bestita chin sos pintzos de arribbu fintzas in diatòglia Ètimu srd. Tradutziones Frantzesu conservation Ingresu kept by Ispagnolu el guardar algo Italianu sèrbo Tedescu Aufbewahrung.

arríbbu 1 , nm: arrivu Definitzione su arribbare, s'ora, su momentu chi si arribbat Sinònimos e contràrios lómpida | ctr. andada, tucada Tradutziones Frantzesu arrivée Ingresu arrival Ispagnolu llegada Italianu arrivo Tedescu Ankunft.

arribbucàda , nf Sinònimos e contràrios aciunta, ammerada Ètimu srd.

arribbucadúra , nf Definitzione su arribbucare Sinònimos e contràrios ammeradura Ètimu srd.

arribbucàre arrebbucàre

arribbugíu arrabbugíu

arribbuscài , vrb Sinònimos e contràrios bruscare.

arribbussàre arrabbussài

arribiédhu , nm Definitzione genia de macarrones tundhos fatos a manu cun casu o arrescotu friscu Sinònimos e contràrios malladedhu, cicione Terminologia iscientìfica mng.

arribugíu arrabbugíu

arricài , vrb: erricai Definitzione ammuntonare o fàere interessu, siendha, essire erricu Sinònimos e contràrios inrichire | ctr. impoberai, impoberire Frases unu babbu teniat custu piciocu impromítiu a su tiau e aici si fut arricau ◊ cun s'iscruxoxu custa borta si arricaus! Sambenados e Provèrbios prb: su pòberu, candu arricat, fintzas a su babbu bicat ◊ chini bivit de su trabballu suu no si arricat mai Ètimu itl. Tradutziones Frantzesu s'enrichir Ingresu to become rich Ispagnolu enriquecer Italianu arricchirsi Tedescu reich werden.

arricàmu , nm: recramu* Definitzione genia de trebballu chi si faet prus che àteru a manu e a punt’e agu po fàere prus bellu unu trastu de orrobba cun figuras fatas cun filu de diferentes colores Sinònimos e contràrios abbordau, bordadura, borderia, obru.

arricàre , vrb Definitzione pònnere prantau, istrantagiau Sinònimos e contràrios arritzare, ficare, stantarxai Frases si che torrat a acatare rutu in terra e si ne arricat istorronadu (M.Gattu Soddu)◊ su poledhu fit rutu, gàrrigu, ma no bi aiat modu de ne lu fàchere arricare (G.Delogu)◊ su pitzinnu fiat semper séitu, ma li beniat sa gana de si pònnere ritzu, de si arricare.

arricàtu , nm Definitzione genia de fura chi si faet cun fortza armada e faendho tímere a unu male peus; cuncàmbia fortzada contr’a sa volontade de unu Sinònimos e contràrios istasina, imbargu 1, scicuta Frases at fatu carchi morte o arricatu, o pessones e domos irrobbadu? Tradutziones Frantzesu extorsion Ingresu extorsion Ispagnolu chantaje, extorsión Italianu estorsióne Tedescu Erpressung.

arricàu , pps Definitzione de arricai Sinònimos e contràrios arrichiu, arricu.

arrichèsa , nf: errichesa, irrichesa, richesa* Definitzione bene chi si possedit, mescamente si est in cantidade manna Sinònimos e contràrios asiendha, interessu, propiedade | ctr. bisóngiu, poberesa Tradutziones Frantzesu richesse Ingresu wealth Ispagnolu riqueza Italianu ricchézza Tedescu Reichtum.

arrichillínu arlichínu