A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

cardelíta , nf: gardulita Definitzione sa codronera, genia de pigionedhu chi portat sa conca orrúbia, su tzugu niedhu píghidu in su gatzile e biancu in su gúturu, is pinnias in pitzu in colore tanadu e biancas asuta cun sisias biancas e niedhas Sinònimos e contràrios cadrallina*, cardanera, carzolina, passarilinu Terminologia iscientìfica pzn, carduelis carduelis tschusii.

cardèlla cardèglia

cardellína cadrallína

cardèra , nf Definitzione istrégiu mannu a pònnere cosa meda a còere; genia de istrégiu a costas bàscias, a un'asa, po còere (mescamente fríere) cosa Sinònimos e contràrios cadhàrgiu, caldarone, labia / càcaba, fressonera, grassanera, ischiscionera, saltàina Terminologia iscientìfica stz Ètimu spn. caldera Tradutziones Frantzesu chaudron Ingresu pail Ispagnolu caldero (m) Italianu paiòlo Tedescu Kochkessel.

cardéri , nm Sinònimos e contràrios balminadore, caldadore, craminadore Terminologia iscientìfica prf Ètimu ctl., spn. carder, caldero Tradutziones Frantzesu cardeur Ingresu carder Ispagnolu cardador, pelaire Italianu cardatóre Tedescu Hechler.

cardéri 1 , nm Definitzione campu prantau a cranciofa Sinònimos e contràrios bardera, canciofera, cardali, iscartzofarju Ètimu srd.

cardétu , nm Definitzione una genia de erba ispinosa Terminologia iscientìfica rba.

cardía cadríga

càrdia , nf Definitzione callentamentu fintzes a fàere abbrigare su ferru o àteru de dhu pòdere assardare; sole forte Sinònimos e contràrios abbrigadura, abbrigamentu, ingrujadura 2. si bident sas domitas apicadas chi de istiu no timent sa càrdia, ma dai s'ierru sunt bene assaltadas! Ètimu srd.

cardiàda caldiàda

cardiàre , vrb Definitzione giare sa càrdia, callentare (ferru o àteru metallu) fintzes chi essit abbrigau agiummai de s'iscagiare Sinònimos e contràrios abbrigai, arrubiai, arrujire, cardigiai, ingrujare, orruviare 2. ti at a inchèndhere semper de piús a fundhu finas a ti cardiare sa cusciénscia (N.Puggioni) Ètimu spn. caldear Tradutziones Frantzesu chauffer au rouge Ingresu to make red-hot Ispagnolu caldear, calentar al rojo Italianu arroventare Tedescu zum Glühen bringen.

cardiàre 1 , vrb Sinònimos e contràrios abbadiai, castiai Frases si fiat inténdhiu unu miàulu disisperau e su mere fiat essiu a cardiare ◊ tia Orrosa si ndh'erridiat cardianno su pobidhu chi pariat macu (R.Sardella)◊ canno cun tue m'isposo ti càrdio a ogos fissos (L.Floris).

cardidhàri cadredhài

cardíga cadríga

cardigàda , nf Definitzione su tanti de cosa chi cabet totu a una borta in sa cardiga po fàere a orrostu Frases seu arrustendi una bella cardigada de pisci Ètimu srd.

cardigiadúra , nf Definitzione su cardigiai Sinònimos e contràrios abbrigadura, abbrigamentu, càrdia, ingrujadura Ètimu srd.

cardigiài , vrb Definitzione infogare su ferru, callentare a meda, fintzes a dh'abbrigare Sinònimos e contràrios abbrigai, arrubiai, arrujire, cardiare, incaldigai, ingrujare, orruviare, scadrigiai Frases su ferru si ponit a cardigiai po dhu trabballai ◊ su pisci si ponit po arrustiri candu sa cardiga est bèni cardigiada Ètimu ctl. caldejar.

cardiglína cadrallína

cardillòne, cardillòni cadillòni

cardillúniu , nm Definitzione cardu lúinu, basca de sole forte Sinònimos e contràrios cama, calammu Frases in su cardillúniu de s’istiu si tzetzit issuta de s’umbra de sos lumos.