A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

carduchínu calduchínu

cardudingiósu , nm Definitzione genia de erba (bona a papare, is pigiones e fintzes sa fògia) Sinònimos e contràrios arrodedha, bardumatzone, cardedonna, carduanzoninu 1, carduarràngiu, cardubuntzosu, mammaràida, sperragaltzones Terminologia iscientìfica rba, Eryngium campestre Ètimu srd.

cardudingiósu 1 , nm Definitzione una genia de erba chi faet arta fintzes de tres metros: dhi narant deosi ca faet bene a unas cantu maladias de sa pedhe e di narant puru cima de pani ca su cambu modhe est bonu a papare Sinònimos e contràrios bardana 1, cardajoni, curcusone, isprone 1, pigabighedhu 1 Terminologia iscientìfica rba, Arctium lappa.

cardudúfu, cardudúva, cardudúvu , nm Definitzione àtera calidade de cardu chi narant puru gardu iloche, cardu túvuru, cima de cardu, gardu de corte, a fògias mannas ingespiadas de biancu: faet meda in is cuiles e mescamente su cambu, grussu e tuvudu, est bonu a papare ispuligau Sinònimos e contràrios cardubbiancu 2, carduduvudu, cardusantu Terminologia iscientìfica rba, Silybum marianum Ètimu srd. Tradutziones Frantzesu chardon-Marie Ingresu milk-thistle Ispagnolu cardo mariano, cardo lechal Italianu cardo macchiato Tedescu Mariendistel.

carduduvúdu, cardudúvuru , nm Definitzione àtera calidade de cardu chi narant puru cima de cardu, gardu de corte, a fògias mannas ingespiadas de biancu: faet meda in is cuiles e mescamente su cambu, grussu e tuvudu, est bonu a papare ispuligau Sinònimos e contràrios cardubbiancu 2, cardudufu, cardusantu Terminologia iscientìfica rba, Silybum marianum Ètimu srd.

carduéru , nm: cardureu, carduvreu, garduleu Definitzione de totugantos is cardos, su chi prus si assimbígiat a sa cranciofa, bonu meda po alimentu (sa crosta, su cambu e su canciofitu, chi però est prus ispinosu) Sinònimos e contràrios bardueru, cardugureu, gureu Frases a su carduvreu no li andhat meda s'aspríghine: menzus sa fava Terminologia iscientìfica rba, Cynara cardunculus ssp. cardunculus Ètimu ltn. carduus verus Tradutziones Frantzesu artichaut sauvage Ingresu wild artichoke Ispagnolu cardo de Castilla Italianu carciòfo selvàtico Tedescu spanische Artischocke.

cardufàri , nm: carduvare, carduvari Definitzione chinisu, su chinisu budhiu asuta de sa braxa Sinònimos e contràrios calduchinu, fadhisa, fairivàiri Ètimu srd. Tradutziones Frantzesu cendre sous la braise Ingresu hot ash Ispagnolu rescoldo Italianu cinìgia Tedescu heiße Asche.

cardugabídhu , nm: bardugabidhu Sinònimos e contràrios mixurida, musciuríglia Ètimu srd.

cardugandhèla , nm Definitzione una calidade de cardu Sinònimos e contràrios carduvustiga, spinabra Terminologia iscientìfica rba, Carlina corymbosa Ètimu srd.

cardugannítzu , nm Definitzione una genia de cardu: gardu aininu o cima molentina Sinònimos e contràrios cardusantu 1, barduniedhu, cardumolentinu, cimojana, garduaininu Terminologia iscientìfica rba, Onopordum illyricum Ètimu srd. Tradutziones Frantzesu pet d’âne d’Illyrie Ingresu Illyrian thistle Ispagnolu cardo borriquero Italianu onopòrdo Tedescu Illyrische Eselsdistel.

cardugúcuru , nm Definitzione orrúmbulu chi si faet cun totu sa carena ponendho su cúcuru in terra, faendho su corpus agiummai a lómboru, e giaendho un'ispinta cun is peis po che orrumbulare Sinònimos e contràrios concurumbedhu, cucurifitu, cucurinculu, cucuriscàrgiu, cucuruvichidu, furriagallu, trodhulone Terminologia iscientìfica ggs Ètimu srd.

carduguréu , nm Sinònimos e contràrios bardueru, cardueru, gureu Terminologia iscientìfica rba, Cynara cardunculus ssp. cardunculus.

càrdula , nf: gàrdula Definitzione genia de erba chi no portat clorofilla, dhue ndh'at calidades bonas a papare e àteras velenosas Sinònimos e contràrios antunna, cardolinu, corrorinu, cucumedhu, tontonniu, tugnu, túvara 1 Terminologia iscientìfica rba, rbz, rbzc Ètimu srd.

carduléu , nm Sinònimos e contràrios bardueru, cardueru*, cardugureu, gureu Frases de totu sos cardos, su prus saboriu est su carduleu.

cardulína cadrallína

cardulínu cardolínu

cardulinubbónu , nm Definitzione una de is calidades prus bonas de codrolinu: cardulinu biancu, de petza, beru, tugnu biancu Sinònimos e contràrios antunnaera, corrorinebetza, cardulinueru Terminologia iscientìfica atn, Pleurotus eryngii Ètimu srd.

cardulinuéru , nm Definitzione una de is calidades prus bonas de codrolinu: cardulinu biancu, de petza, tugnu biancu Sinònimos e contràrios antunnaera, cardulinubbonu, corrorinebetza Terminologia iscientìfica atn, Pleurotus eryngii Ètimu srd.

cardúmbulu , nm: cardumpu, cardúnfulu Definitzione genia de essidura, de fruschedha (su de còere) Sinònimos e contràrios cabruncu* Frases su cardumpu chi dhu pighit! Terminologia iscientìfica mld.

cardúmbulu 1 cadrúmbulu