A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

crabargínu , agt Definitzione de is crabàrgios, a sa manera de is crabàrgios.

crabàrgiu cabràrgiu

crabaríssa , nf Definitzione pigione, sa fémina de su conca de moru, est de colore de chinisu de totunu andhare (su mascu portat sa conca prus niedhuda): est pigionedhu chi istat fintzes aifatu de is crabas e che dhis papat bobbois chi portant Terminologia iscientìfica pzn.

crabaríssu , agt, nm Definitzione chi o chie est de Cabras, sa bidha de su Sinis Frases su ballu crabarissu Ètimu srd.

crabarzàre crabalzàre

crabàrzu cabràrgiu

crabatòri cabertòre

crabatóxu cobertógliu

crabatúra, crabatúri cabertúra

crabavígu calbuvígu

crabàvigu , nm Definitzione genia de erba ispinosa Terminologia iscientìfica rba.

crabaxía , nf Definitzione pastorigamentu de crabas Frases mi ant arregalau tres crabitus e de inguni apu cumentzau sa crabaxia.

crabàxu, crabàzu cabràrgiu

crabbàu calbàdu

crabbinéri carabbinéri

crabbosidàdi , nf Definitzione su èssere ammodau, crabbosu, àere una manera atenta in su fàere is cosas, in su tratare cun sa gente.

cràbbu , nm: garbu Definitzione manera de fàere, pru che àteru cun delicadesa, cun critériu Frases dhu teniat coment'e unu fígiu, po su figiolu fut sèmpere in bonu crabbu ◊ bivindho in malu crabbu ant pérdidu su valore.

crabèdha , nf Definitzione craba pitica; in cobertantza, males, chistiones, cosas chi un'àteru no depet ischire Sinònimos e contràrios crabita 2. onzunu ischit sas crabedhas suas.

crabédhu , nm Definitzione genia de anade, sa prus pitica de is arratzas europeas: faet abbitu in Sardigna prus che àteru in ierru e in beranu Sinònimos e contràrios anadone, circaredha Terminologia iscientìfica pzn, anas creca.

crabetínu , nm: crabitinu 1 Definitzione genia de andhadura de su cuadhu, candho incrubat sa conca, àrtziat is cúmburos e andhat a brinchidedhos che is crabitos (cun totu is bàtoro peis); cropu giau cun sa conca comente faent is mascos brebeghinos atumbandho Sinònimos e contràrios crabiola 1 / atróculu, tzumbada Frases su cadhu assuconadu si lis est pesadu a crabitinos e che los at betados a unu fossu ◊ su cadhu si est pesadu a crabitinos ruscendhe che dimóniu 2. su màsciu iscudet su crabitinu e mi che imbolat in mesu de su piúere ◊ mi pariant giogos, tribàglios, sonos, càntigos, ballos, búrulas, crabitinos e iscacàglios Tradutziones Frantzesu courbette Ingresu curvet Ispagnolu pirueta Italianu piroétta, corvétta Tedescu Kurbette.