A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

elíci , nm Definitzione pinna chi su pische portat acanta a sa coa, a manu de fundhu e assusu Terminologia iscientìfica crn.

éliga, élighe éliche

elighédu elichétu

élighi éliche

elighínu elichínu

elighínzu , nm: erighinzu, ilichinzu Definitzione duas calidades de una genia de linna chi faet a cannàile, a funes longas longas e fines e si che artzat apitzu de is matas Sinònimos e contràrios atzara, auciada, bidichinzu*, bilichinzu, ertessu, filichinzu, inteltzu, lutzara, medichinzu / alúsara, bentitzu, bintirinzu, mussòrgia, pidighinzu, reti, tintiritzu, tretzu Terminologia iscientìfica rbl, Clematis vitalba, C. cirrhosa.

elígi : elèzere

éligi éliche

eligíre , vrb Definitzione fàere is eletziones, votare po isceberare is candhidaos chi depent pigare un'incàrrigu / pps. eletu, elígiu Sinònimos e contràrios elèzere Tradutziones Frantzesu élire Ingresu to elect Ispagnolu elegir Italianu elèggere Tedescu wählen.

elígiri elèzere

élima èlamu

elimèdha, elimédhu , nf, nm Definitzione genia de erba chi faet in oros de mare in terra salamata e chi ponent po chistire imbodhigada sa birímbua cota orrostia o budhia Sinònimos e contràrios èlema, atzibba Terminologia iscientìfica rba, Atriplex portulacoides Tradutziones Frantzesu pourpier des mers Ingresu kind of vervain Ispagnolu verdolaga marina Italianu porcellana di mare Tedescu eine Salzmeldesorte.

eliminàre , vrb Definitzione bogare fora, ispèrdere, distrúere, cancellare Sinònimos e contràrios destrui.

elimóbbile , nm Definitzione genia de màchina de fantasia chi iat a camminare a bólidu.

élimu èlamu

élimu 1 , nm Definitzione genia de sentidu malu / fichire e. a ccn. = ficare ódiu a unu Sinònimos e contràrios angóniu, gormone, unca Frases bi apo élimu cun issu Tradutziones Frantzesu rancune Ingresu grudge Ispagnolu rencor Italianu rancóre Tedescu Groll.

elinzòne , nm Definitzione de sa farra, pruschetotu de su trigu, sa parte prus grussa, sa de fora de su granu Sinònimos e contràrios bilinzone, ghilingioni*, frúfere, gràngia, linzone, mussu, podhi, russarza, talau.

eliòne , nm: ilione, lione 1 Definitzione mola de cosa ispinosa (orruo, tetione, àteru), crispione mannu de malesa segada e fata coment’e a lómboru Frases in s'àidu bi cheret un'elione de rú pro no bi colare bestiàmine ◊ a sa craba mannalita su sero li ghiraiat un'elione de teti a manigare su note.

elisiòne, elisiòni , nf Definitzione su che bogare unu sonu e in s’iscritura una lítera a is foedhos, es.: ’e (= de), ’ene (= bene), ’ente (= dente), l'apo (= la apo, lu apo), cosa chi in sardu podet èssere fintzes in cuménciu de foedhu. A/c: est bonu chi custa elisione no si fatzat mai po una cunsonante in cuménciu de foedhu (aféresi), ma chi s'iscriat cun firmesa sèmpere su foedhu intreu, cun sa cunsonante de cuménciu (che candho dhu naraus a solu), fintzes candho in sa foedhada che dha bogaus (acontesset apustis de foedhu chi acabbat cun vocale); fintzes s'elisione po apòstrofo de una vocale est méngius a dha limitare cantu prus po méngius craresa de su chi s'iscriet e si liget (apostrofaos andhant bene sèmpere is art. su, sa, unu, una, is agt./pron. custu, cussu, cudhu) ma dhue at monosíllabbos chi apostrofaos si podent cunfúndhere s'unu cun s'àteru, e méngius sa craresa chi no s'arrespàrmiu Tradutziones Frantzesu élision Ingresu elision Ispagnolu elisión Italianu elisióne Tedescu Elision.

ellà , avb Sinònimos e contràrios ello Frases ellà, compà, si su cane aiat nuscadu, chin bois fit bénnidu?!