A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

elegàntzia , nf Definitzione prus che àteru, su èssere bellos, dechidos de bestimentu Sinònimos e contràrios dechidesa, ermosura, galania | ctr. legesa.

eleilò! , iscl Definitzione isclamu, tzérriu de cuntentesa.

èlema , nf Definitzione genia de erba chi faet in oros de mare in terra salamata e chi ponent po chistire imbodhigada sa birímbua cota orrostia o budhia: cun cust'erba faent sa merca Sinònimos e contràrios atzibba, elimedha Terminologia iscientìfica rba, Atriplex portulacoides Tradutziones Frantzesu pourpier des mers Ingresu kind of vervain Ispagnolu verdolaga marina Italianu porcellana di mare Tedescu eine Salzmeldesorte.

elementàre, elementàri , agt Definitzione simple ma importante, chi pertocat is elementos prus importantes, de fundhamentu, de una cosa, argumentu o chistione / istrutzione e. = sa chi imparat a lígere e a iscríere, is fundhamentos de sa matemàtica e àteru.

eleméntu , nm Definitzione css. cosa, bista mescamente coment'e parte chi cun àteras ndhe cumponent una prus manna o diferente; in chímica, css. sustàntzia elementare chi no si podet sighire a istagiare de àtera diferente; foedhandho de un’isciéntzia, su fundhamentu, cuncetu simple ma de importu mannu, datos e fatos chi s'ischint e chi podent serbire a si fàere un'idea segura cun fundhóriu; foedhandho de personas, una bastu chi siat ma pentzada coment'e pagu de bonu; is fortzas de sa natura Sinònimos e contràrios fiadu, pegus, traste / foltza Frases su ferru est un'elementu chímicu inditadu cun su símbulu "Fe" ◊ no tenzo elementos pro ti poder nàrrere s'idea mia de cussa chistione 2. bellu elementu, mih, s'amigu!… 3. tota píghida est s'aera, urulendhe sunt sos bentos e totu sos elementos narant: - Rendhe sa vida! (G.A.Cossu)◊ Deus dóminat cun podere totu sos elementos ◊ daghi sos elementos resúscitant sos mortos cun sas trumbas, dae totos bator bentos tzedit sa terra e si abberint sas tumbas Tradutziones Frantzesu élément Ingresu element Ispagnolu elemento Italianu eleménto Tedescu Teil, Element, Grundlagen (Pl.).

èlemo èlamu

elencadúra , nf Definitzione su elencare Ètimu srd.

elencàre , vrb Definitzione fàere s'elencu, sa lista, contare cosas a numenatis a boghe o in iscritu Sinònimos e contràrios allistai.

eléncu , nm Definitzione cosas iscritas o nadas, fintzes deasi chentz’órdine, su númene ebbia e una aifatu de s’àtera / e. telefónicu = de is chi tenent telèfono Sinònimos e contràrios catàlagu, lista.

èlere , nm Definitzione a logos, sa edra Sinònimos e contràrios èdola, eravera, folladedha, follaera Terminologia iscientìfica mt.

elessiòne , nf: eletzione, eletzioni Definitzione su isceberare o fàere essire de is candhidaos faendho a votos candho si depent giare incàrrigos a manera demogràtica Frases sas eletziones si fuint fatas cun candhidados noos ◊ funt acanta is eletziones e caras allirgas essint in televisione po cumbínchere sa gente a dhos votare ◊ candu eletzionis ci at comunalis, oi ca ci funt in bidha mia, medas amigus si feus rivalis! (G.Zedda) Tradutziones Frantzesu élection Ingresu election Ispagnolu elección Italianu elezióne Tedescu Wahl, Wahlen (Pl.).

eletívu , agt Definitzione chi si faet a votos.

eletoràle, eletoràli , agt Definitzione chi reguardat o pertocat is eletores, s'eletzione, is votatziones.

eletòre, eletòri , nm Definitzione chie tenet su diritu de betare votu, de votare Frases ant abertu sa cassa a is eletoris, ocannu puru fendi a modu antigu: parant is latzus…◊ bi at eletores chi votant a unu bastu chi siat: bi ndhe at chi votat a chie li at impromissu cosa Tradutziones Frantzesu électeur Ingresu elector Ispagnolu elector Italianu elettóre Tedescu Wahlberechtigte, Wähler.

eletricísta , nm Definitzione maistu chi connoschet su chi pertocat su manígiu de s'elétricu, pruschetotu po su chi podet reguardare is impiantos Terminologia iscientìfica prf.

elétricu , nm, agt Definitzione una de is 'formas' de s'energia: si podet agatare firma (istàtica) o a currentina, podet èssere positiva o negativa, contina o alternada; coment'e agt., chi est addatu a portare currente, chi andhat a currente / a e. = a currente, cun sa currente elétrica Sinònimos e contràrios currente 1 Frases s'abba currente e s'elétricu bi sunt in totu sas domos ◊ ómine, cun s'elétricu atrividu no sias: no lu toches, mancu proes si su filu est nudu o male bestidu! 2. sos filos elétricos depent èssere de metallu chi lassat colare cun fatzilidade sa currente e bestidos o muntesos cun isolante Tradutziones Frantzesu électricité, électrique Ingresu electricity electric, electrical Ispagnolu electricidad, eléctrico Italianu elettricità, elèttrico Tedescu Elektrizität, elektrischer, elektrisch.

eletrificàre , vrb Definitzione pònnere s'elétricu, fàere andhare o funtzionare a currente, pigare sa currente, istèrrere is línias elétricas, is filos de sa currente a unu logu.

eletrificatziòne , nf Definitzione su pònnere o fàere andhare a currente, pigare sa currente, istèrrere is línias elétricas a unu logu.

eletritzidàde , nf: eletritzitate Sinònimos e contràrios currente 1, elétricu.

eletritzitàte eletritzidàde