A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

elegàntzia , nf Definizione prus che àteru, su èssere bellos, dechidos de bestimentu Sinonimi e contrari dechidesa, ermosura, galania | ctr. legesa.

eleilò! , iscl Definizione isclamu, tzérriu de cuntentesa.

èlema , nf Definizione genia de erba chi faet in oros de mare in terra salamata e chi ponent po chistire imbodhigada sa birímbua cota orrostia o budhia: cun cust'erba faent sa merca Sinonimi e contrari atzibba, elimedha Terminologia scientifica rba, Atriplex portulacoides Traduzioni Francese pourpier des mers Inglese kind of vervain Spagnolo verdolaga marina Italiano porcellana di mare Tedesco eine Salzmeldesorte.

elementàre, elementàri , agt Definizione simple ma importante, chi pertocat is elementos prus importantes, de fundhamentu, de una cosa, argumentu o chistione / istrutzione e. = sa chi imparat a lígere e a iscríere, is fundhamentos de sa matemàtica e àteru.

eleméntu , nm Definizione css. cosa, bista mescamente coment'e parte chi cun àteras ndhe cumponent una prus manna o diferente; in chímica, css. sustàntzia elementare chi no si podet sighire a istagiare de àtera diferente; foedhandho de un’isciéntzia, su fundhamentu, cuncetu simple ma de importu mannu, datos e fatos chi s'ischint e chi podent serbire a si fàere un'idea segura cun fundhóriu; foedhandho de personas, una bastu chi siat ma pentzada coment'e pagu de bonu; is fortzas de sa natura Sinonimi e contrari fiadu, pegus, traste / foltza Frasi su ferru est un'elementu chímicu inditadu cun su símbulu "Fe" ◊ no tenzo elementos pro ti poder nàrrere s'idea mia de cussa chistione 2. bellu elementu, mih, s'amigu!… 3. tota píghida est s'aera, urulendhe sunt sos bentos e totu sos elementos narant: - Rendhe sa vida! (G.A.Cossu)◊ Deus dóminat cun podere totu sos elementos ◊ daghi sos elementos resúscitant sos mortos cun sas trumbas, dae totos bator bentos tzedit sa terra e si abberint sas tumbas Traduzioni Francese élément Inglese element Spagnolo elemento Italiano eleménto Tedesco Teil, Element, Grundlagen (Pl.).

èlemo èlamu

elencadúra , nf Definizione su elencare Etimo srd.

elencàre , vrb Definizione fàere s'elencu, sa lista, contare cosas a numenatis a boghe o in iscritu Sinonimi e contrari allistai.

eléncu , nm Definizione cosas iscritas o nadas, fintzes deasi chentz’órdine, su númene ebbia e una aifatu de s’àtera / e. telefónicu = de is chi tenent telèfono Sinonimi e contrari catàlagu, lista.

èlere , nm Definizione a logos, sa edra Sinonimi e contrari èdola, eravera, folladedha, follaera Terminologia scientifica mt.

elessiòne , nf: eletzione, eletzioni Definizione su isceberare o fàere essire de is candhidaos faendho a votos candho si depent giare incàrrigos a manera demogràtica Frasi sas eletziones si fuint fatas cun candhidados noos ◊ funt acanta is eletziones e caras allirgas essint in televisione po cumbínchere sa gente a dhos votare ◊ candu eletzionis ci at comunalis, oi ca ci funt in bidha mia, medas amigus si feus rivalis! (G.Zedda) Traduzioni Francese élection Inglese election Spagnolo elección Italiano elezióne Tedesco Wahl, Wahlen (Pl.).

eletívu , agt Definizione chi si faet a votos.

eletoràle, eletoràli , agt Definizione chi reguardat o pertocat is eletores, s'eletzione, is votatziones.

eletòre, eletòri , nm Definizione chie tenet su diritu de betare votu, de votare Frasi ant abertu sa cassa a is eletoris, ocannu puru fendi a modu antigu: parant is latzus…◊ bi at eletores chi votant a unu bastu chi siat: bi ndhe at chi votat a chie li at impromissu cosa Traduzioni Francese électeur Inglese elector Spagnolo elector Italiano elettóre Tedesco Wahlberechtigte, Wähler.

eletricísta , nm Definizione maistu chi connoschet su chi pertocat su manígiu de s'elétricu, pruschetotu po su chi podet reguardare is impiantos Terminologia scientifica prf.

elétricu , nm, agt Definizione una de is 'formas' de s'energia: si podet agatare firma (istàtica) o a currentina, podet èssere positiva o negativa, contina o alternada; coment'e agt., chi est addatu a portare currente, chi andhat a currente / a e. = a currente, cun sa currente elétrica Sinonimi e contrari currente 1 Frasi s'abba currente e s'elétricu bi sunt in totu sas domos ◊ ómine, cun s'elétricu atrividu no sias: no lu toches, mancu proes si su filu est nudu o male bestidu! 2. sos filos elétricos depent èssere de metallu chi lassat colare cun fatzilidade sa currente e bestidos o muntesos cun isolante Traduzioni Francese électricité, électrique Inglese electricity electric, electrical Spagnolo electricidad, eléctrico Italiano elettricità, elèttrico Tedesco Elektrizität, elektrischer, elektrisch.

eletrificàre , vrb Definizione pònnere s'elétricu, fàere andhare o funtzionare a currente, pigare sa currente, istèrrere is línias elétricas, is filos de sa currente a unu logu.

eletrificatziòne , nf Definizione su pònnere o fàere andhare a currente, pigare sa currente, istèrrere is línias elétricas a unu logu.

eletritzidàde , nf: eletritzitate Sinonimi e contrari currente 1, elétricu.

eletritzitàte eletritzidàde