A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

fascellàu , nm Definitzione genia de parastàgiu minore, apicau, po chistire sa fascella (is pratos) Sinònimos e contràrios apicaverràmini, barastazu, piatera Frases in domu de nonna mia nci fut su fascellau cun totu is pratus Terminologia iscientìfica mbl.

fascéllu , nm Definitzione in is festas, barraca inue bendhent cosa Sinònimos e contràrios parada Frases cíxiri a galiatzu bendint in su fascellu… de sa vida chi fatzu apenadindi, bellu! Tradutziones Frantzesu marché forain Ingresu stall Ispagnolu tenderete, puesto callejero Italianu bancarèlla Tedescu Verkaufsstand.

fascèta , nf Definitzione anedhu chi s'ómine donat a sa fémina candho si faent a isposos Sinònimos e contràrios manafidi, maninfiore Terminologia iscientìfica prd Ètimu itl. fascetta.

fàsche, fàschi, fàschia fàsce

faschíle , nm Definitzione fasca de acapiare in chintzu.

faschína , nf, nm: fascina, fascinu Definitzione fasche de sida, a naes longas Sinònimos e contràrios falcinu Frases l'ant garrigadu in fascinas de sida e che l'ant gitu a domo sua ◊ su pastore teniat su passiale fatu a faschinas de chessa ◊ su forru s'alluit cun is fascinus de linna fini Ètimu ltn. fascina Tradutziones Frantzesu fagot Ingresu faggot Ispagnolu fajina, cinta Italianu fascina Tedescu Reisig.

faschizòla , nf: fassigiola Definitzione min. de fasche, fasche no tanti manna, una bartzada Ètimu srd.

fàsci, fàscia fàsce

fàscia 1 fàsca

fasciadúra fascadúra

fasciài fascài

fascículu , nm Definitzione pagas pàginas de cosa iscrita, genia de líbberu finedhedhu Frases o fascículu bellu, ti legia fatu de s'ama, cantendhe (A.Cossu).

fascigàdu , agt Definitzione its, foscigadu? Frases si s'annada fit mala no si ndhe bogaiat mancu su sèmene, su ranu fit sicu e fascigadu e tandho fit fàmine seguru.

fascína faschína

fascinàda , nf Definitzione unu tanti de faschinas po fàere aprigu Ètimu srd.

fascinàju , nm Definitzione chie segat linna e faet a faschinas Frases s'intendiat su tzàchidu de is ferrus de is cuadhus de is fascinajus udesus ◊ fascinaju bonu, cussu: si acàpiat trexentus fascinas in d-una diri! Ètimu srd.

fascínu faschína

fasciòla , nf Definitzione fasca po pipios piticos Sinònimos e contràrios fasca, sciasca.

fasciólu , nm Definitzione genia de lóriga de pedhe inue s'intrat sa timona de s'arau o de su carru in is giuales Sinònimos e contràrios agione, fatzolu 1, sesuja.

fasciòni , nm: fassone, fassoni Definitzione genia de barca pitichedha, a punta a una bandha fata cun matzos de una genia de erba (Schoenoplectus tabernaemontani, itl. falasco) chi narant fenu, mama de sèssini e chi assimbígiat unu pagu a sa buda ma chi, fintzes si faet su matessi in logu de abba, est a cambighedhu tundhu, prus arta e cun su pigiolu prus tostau Frases me in su stàinu immoi faint sa currera de is fassonis ◊ in mesu mare bi apo unu fassone Terminologia iscientìfica trps Ètimu srd.