A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

fascísmu , nm Definitzione idea política antidemogràtica, amantiosa de is ditaduras Frases in bidha in su tempus de su fascismu dhu'iat un'ingegneri chi fiat unu esiliau políticu ◊ su Federali iat donau órdini a is fascistas de no dhi lassai aberri buca, a Lussu, candu beniat a bidha.

fascísta , agt: fassista, fassistu Definitzione amantiosu o cumbintu de su fascismu, chi pertocat su fascismu Frases a dommo fiant benios tres de custos fassistos e m'iant nau ca mi depio iscríede a sa fàssiu.

fascíta , nf Definitzione min. de fàscia 1; tira de paperi po aguantare ccn. cosa; fintzes anedhu, fasceta Sinònimos e contràrios anedhu 2. sa lóriga o fascita est su nòmini de s'anedhu chi s'ómini donat a sa fémina chi at aggradéssiu sa pregunta Tradutziones Frantzesu bande de papier Ingresu wrapper Ispagnolu faja Italianu fascétta Tedescu Bändchen.

fascítu , nm Definitzione min. de fasci; matzu de cosa Tradutziones Frantzesu petite gerbe, petite botte, petite brassée Ingresu small band Ispagnolu haz pequeño Italianu fascétto Tedescu Bündelchen.

fasciúdu , agt: fasciuru, fassudu Definitzione nau pruschetotu de su laore, chi at bogau cambos meda, tipiu, chi est bellu a fundhu mannu, imbénnidu; nau de gente, chi est de carena forte; si narat fintzes de su tempus Sinònimos e contràrios acambadu, afundhadu 1 Frases su trigu ocannu est fasciudu 2. fassudu o de pagu isetu, unu, s'isetore fit semper prontu a leare (G.A.Mura) 3. ocannu est fendi un'ierru fasciudu, frius e tempus mau sempri Ètimu srd. Tradutziones Frantzesu tallé Ingresu headed Ispagnolu amacollado Italianu accestito Tedescu bestockt.

fasciughèsa , nf Definitzione su èssere fasciugu, su tènnere pagu gana Sinònimos e contràrios dirgana.

fasciugósu , agt Definitzione nau de ccn., trancuillone, fintzes mandrone, chi si leat is cosas a discóidu, cun pagu contivígiu Sinònimos e contràrios discoidosu, trascuradu | ctr. apinnicadu, pinnicosu Ètimu srd.

fasciúgu , agt, nm Definitzione chi est metzanu, malu, fintzes chi si dha leat tropu a lecuancas, tropu abbellu, faendho sa cosa po mandronia; istrobbu, cosa chi istrobbat, giaet ifadu; a logos, pentzamentu, arraolu / fai una cosa a f. = azigu, a pelea; pàrrere f. = pàrrere dolu in su sensu de no àere gana Sinònimos e contràrios bassineri Frases custa est arrobbixedha fasciuga 2. si serrant su nasu narandu ca dhis fait fasciugu su fragu malu ◊ issu a betiri figumorisca no bandat poita est preitzosu e dhi pigat fasciugu 3. chine tenet fasciugu no drommit Ètimu ctl. feixuc Tradutziones Frantzesu trivial Ingresu vulgar Ispagnolu vulgar Italianu volgare Tedescu vulgär.

fasciúru fasciúdu

fascónzu , nm Sinònimos e contràrios fascada, fascadura, fascamentu Frases custu fasconzu de su bratzu dórchidu andhat bene Ètimu srd.

fàse , nf: fasi 1 Definitzione parte, pasia de su tempus necessàriu po fàere una cosa, po acontèssere unu fenòmenu (es. in is motores a iscópiu podent èssere duas o bàtoro) Sinònimos e contràrios pasia Frases candho est sa fase de cumpressione devet giugher sas vàlvolas serradas ca, si una bi ndh'at chi no favorit, no tirat su motore e si ndhe morit (Sale).

fasédhu , nm Definitzione una calidade de pisu: fasolu brent'e mòngia, corru de craba o fintzes pisolu faci de ómini Sinònimos e contràrios fasoluniedhu, pisedhu 2, pisighedhu Terminologia iscientìfica rbzc, Vigna unguiculata.

fasfarúza fafarúza

fàsi , prep Definitzione in fasi de… = a su postu o in parte de… Sinònimos e contràrios pasa 2.

fàsi 1 fàse

fasíu , agt Definitzione chi no est impreau, chi no est postu a calecuna cosa; nau de animale o de gente, chi no est trebballandho Sinònimos e contràrios ibbàidu, irgaitzu / disabbutu, disimperau, disocupadu, istóbbile, líbberu | ctr. impitzadu Frases no ant agatau una mesa fasida po si pònniri (M.Porru)◊ cantu su babbu si fut mortu, sa fígia est torrada fasia e at cumenciau a agiudare is pòberos 2. est unu pagu de tempus chi tenzo su molente fasiu e po cussu si dha pigat a zogu! ◊ sa mulleri est sempri fasia e comenti dha telèfonat si allichidit e partit Tradutziones Frantzesu disponible Ingresu avalaible Ispagnolu disponible Italianu disponìbile Tedescu verfügbar, disponibel.

fasolàda , nf Definitzione papada de fasolu, de pisu; isciolóriu Sinònimos e contràrios bambiore, bambura, ibbàmbiu, isapidóriu Ètimu itl. fagiolata.

fasolédhu , nm: basoledhu, faxuledhu Definitzione min. de fasolu, nau po su pisu modhe de còere a tega Sinònimos e contràrios corriciolu, teghiciolu.

fasólu , nm: basolu, faxolu Definitzione unu de is alegúmenes prus connotos, cotu a friscu e a sicau: faet a cambigiolu longu e fine, in terra e mescamente in artu (si est arraigau), e bogat tegas longas chi faent unos cantu granos; nau de ccn., chi est un'iscimpru / f. de arreiga = basolu chi faghet sirba longa, chi cheret arraigadu Sinònimos e contràrios faiseta, faita, pisu 1 Frases tui ses sempri coxinendi minestra de fasolu a brenti niedha ◊ apu fatu s'arreiga po su fasolu ◊ dhoi tengu s'indívia, s'àpiu, su fasolu e sa patata 2. petz'e fasolu, baidindi! Terminologia iscientìfica lrs, Fhaseolus vulgaris Ètimu ltn. phaseolus Tradutziones Frantzesu haricot Ingresu bean Ispagnolu judía Italianu fagiòlo Tedescu Gartenbohne.

fasolumòngia , nm Definitzione una calidade de pisu chi si coet a granu e corgiolu e chentza mancu che dhi bogare su filacitu ue isperrat sa tega (bastat a che dhi segare tenaghe e culatzu) Terminologia iscientìfica lrs, Phaseolus sphaericus.