A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

fartzòne faltzòne

fartzónzu , nm Definitzione su fartzare, messóngiu de su fenu totu pínnigu po dhu chistire a su bestiàmene Frases sas dies de fartzonzu e de imballonzu ti las pago a tantu Ètimu srd.

fàrtzu fàlsu

fàru , nm Definitzione genia de lantione chi po comente est fatu (a isprigu cofudu) giaet una lughe arregorta e che dh'iscudet atesu, mescamente cussu de is màchinas, de is portos de mare Sinònimos e contràrios lantione Frases sos faros de sas màchinas che lampant sa lughe atesu Tradutziones Frantzesu feu, phare Ingresu lighthouse Ispagnolu faro Italianu faro Tedescu Scheinwerfer, Leuchtturm.

farzía , nf: frazia 1, varzia Definitzione pilloni de santa Crara, una genia de orrúndhine chentza peis bonos po camminare e prus niedha: a sa prus connota dhi narant pantzaniedha, a un'àtera pantzabbianca (apus melba) Sinònimos e contràrios alighefórtighe, babbarotu, ibbirru 1, níghiri Frases in bolus de farzias ricamu pensamentus fundudus chei su mari… Terminologia iscientìfica pzn, apus apus Ètimu ctl. falzía Tradutziones Frantzesu martinet Ingresu swift Ispagnolu vencejo común Italianu rondóne Tedescu Mauersegler, Mauerschwalbe.

fàsa , nf: vasa* Definitzione su giare is cartas, giogandho, fintzes is cartas chi si pigant a borta a borta, unu giru in giare o in pigare.

fasallumía , nf Definitzione su chi unu si paret a cara, po comente si arregodat fintzes chentza dhu giúghere ananti Sinònimos e contràrios bisura, fasumia, pinta 1.

fàsca , nf: fàscia 1, fassa, frasca 2 Definitzione tira de orrobba larga e longa calecuna passa, prus che àteru po imbodhigare in chintzu a criaduras de naschidórgiu: sa fasca de garza est prus istrinta e meda prus longa; in calecunu logu, est sa fascadroxa, pinzos de acapiare in chintzu a deventale; fasca podet èssere fintzes una tira de pedhe (fasca de sola) o àtera cosa lada e forte inter duas orrodas po chi s'una movendhosi passet su movimentu a s'àtera; s'anedhu chi si donat a sa fémina Sinònimos e contràrios benda, fascada, fasciola, sciasca / fascadòrgia / tira / anedhu, fasceta Frases in sardu iscrio ca est sa limba mia chi apo imparadu dae candho in sa fasca ancora fia (G.Terrosu)◊ candho benit in fizos, issa corcat in letu e tue abbizu a fàghere fascas! ◊ zuchiat una manu fascada chin d-una fasca de frandha ◊ su síndhigu si at postu sa fasca pro abbojare sas autoridades Terminologia iscientìfica ts Ètimu ltn. fascia Tradutziones Frantzesu lange Ingresu bandage Ispagnolu faja, venda, pañales Italianu fàscia Tedescu Windel, Band.

fascàda , nf Definitzione su fascare Sinònimos e contràrios fasca, fascamentu Ètimu srd. Tradutziones Frantzesu bandage, emmaillottement Ingresu bandaging Ispagnolu fajadura Italianu fasciaménto Tedescu Verbinden.

fascadòrgia, fascadròxa , nf: frascadroxa Definitzione trastu de acapiare a chintzu postu a parte de ananti (a logos si ponet apitzu de su deventale), fintzas a bisura de fachile Sinònimos e contràrios antaledha, àntela, davantabi, fadreta, falda, fantallicu, frandha, panneananti, saúciu Frases eja, fustei fiat furendu, ghetendinci sa cosa a sa fascadroxa! 2. tocàt a dhi ponni sa fascadòrgia in faci a su molenti Terminologia iscientìfica bst Ètimu srd.

fascàdu , pps, agt: fascau Definitzione de fascare; chi est imbodhigau o acapiau cun fasca 2. sa fressura est fascada de assunza ◊ ndh'est essidu cun sos pes e sas manos fascadas ◊ ndh'est essidu de s'ispidale cun sa conca fascada.

fascadúra , nf: fasciadura Definitzione su fascare Sinònimos e contràrios bendhadura, fascamentu Ètimu srd. Tradutziones Frantzesu bandage, emmaillottement Ingresu bandaging Ispagnolu fajadura, vendaje Italianu fasciatura, bendàggio Tedescu Verbinden, Verband.

fascàgiu , nm Definitzione su trigu ammuntonau po dhu treulare o trebbiare Sinònimos e contràrios biga 1, muntone, partoxu, postura, remealzu.

fascài , vrb: fascare, fasciai Definitzione pònnere is fascas, acapiare o ammontare coment'e ponendho fascas, imbodhigare cun fascas (es. su pipiu de naschidórgiu) Sinònimos e contràrios bendhare, trogai / ammantedhai Frases sa néula at fascadu sas domos coment'e unu mantedhu ◊ sa criadura minuda cheret fascada ◊ depu fascai su pipiu ◊ l'ant fascadu su bratzu ca si l'at segadu 2. su coro si est fascadu de dolore (P.Cabras) Ètimu srd. Tradutziones Frantzesu langer Ingresu to bandage Ispagnolu fajar, vendar Italianu fasciare Tedescu verbinden.

fascaméntu , nm Sinònimos e contràrios fascada, fascadura, fasconzu Ètimu srd.

fascàre fascài

fascàu fascàdu

fàsce , nf, nm: fasche, faschi, fàschia, fasci, fàscia, fasse Definitzione bartzada manna de linna o de àteras cosas acapiadas impare / min. faschita Maneras de nàrrere csn: rúere totu a una fasche = ammaladiaisí in medas totus a una borta; fàghere fasche o fàscia in carchi cosa o cun ccn. = fàghere frasca, arrennèsciri, bínciri; fascitu de lori = tres manadas de laore messadu presas paris Frases candho ghiraiat isse, una fasche de linna a codhu no li mancaiat ◊ pro si campare bendhiat fasches de linna ◊ sos pisedhos ant carradu su sarmentu a fàscias mannas ◊ si fait su fàsciu totu a cambu a cambu ◊ at fatu duas fàschia de sida pro alabinna ◊ andastis cun babbu a portai fascis mannus de linna ◊ bae e acioca una fascixedhe de linna! 2. portat unu fasci de crais 3. sunt totugantos malàidos a una fasche ◊ no est chi su perígulu de morri totus a fascis siat passau! 4. cun isse no bi faghet fasche neune ◊ so andhadu a sa posta a pagare s'arga ma no bi apo fatu fasche de sa zente chi bi fit ◊ candho no bi ant pótidu fàghere fàscia, torrant a bolare Ètimu ltn. fasce(m) Tradutziones Frantzesu faisceau Ingresu bundle Ispagnolu haz Italianu fàscio Tedescu Bündel.

fascèdha faixèdha

fascèlla , nf: vascella* Definitzione cabidhada de istrègios de terra o lacinu a pònnere in mesa; carradedha pitica Sinònimos e contràrios móssia / carraciola, cubedha 2. po bufai e coxinai s’àcua unu tempus si comporàt de is óminis chi passànt cun su carretonedhu a burricu cun d-una fascella de linna.