A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

inferchíre iferchíre

inferenàu , agt Sinònimos e contràrios ifeloniu, infelloniu Frases tontus, gorbàglius, no cumprendeis nudha! - iscrillitàt sa maista inferenada (Z.Sanfilippo) Ètimu srd.

inférias iférias

inferioridàde, inferioridàdi , nf Definitzione su èssere de prus pagu contu, prus minores, prus pagu fortes, de prus pagu capacidade.

inferíri , vrb Sinònimos e contràrios iferchire, infèrriri.

infermedàdi , nf Definitzione su èssere malàidos Sinònimos e contràrios mabadia Ètimu spn. enfermedad.

infermèra ifermièra

inferméri ifermiéri

infermería ifermería

infernàle, infernàli , agt Definitzione de s'iferru, chi pertocat s'iferru Sinònimos e contràrios inferrorosu.

inferrài , vrb Definitzione pònnere is ferros, acapiare cun is ferros Sinònimos e contràrios acapiae, incadenai.

infèrrere, infèrri , vrb: infèrriri, insèrrere Definitzione imbàtere, lòmpere o andhare a calecunu logu (e si podet nàrrere fintzes de tempus), essire de sa làcana e intrare in àteros terrenos; foedhandho de matas, pònnere is ifertas in is truncos immuciurraos po fàere matedu méngius, o, foedhandho de meighinas, giare o fàere su vacinu po no pigare una maladia / pps. infertu / maneras de infèrriri una mata: a ogu, a cambu intr'e su croxu e su truncu, a pértia in su truncu isperrau Sinònimos e contràrios afèrrere, imbàtere / atumbae / iferchire, ifèrrere, incirai / aciúgnere Frases ch'est infertu in Gavoi a si comporare brocas ◊ custa borta parit ca nci dha inferrit: est sa de tres bortas chi donat s'esami! ◊ tuviduvi c'est infertu a incudheni ◊ l'at infertu un'istocada a petorras ◊ aundi nc'inferrit custu camminu? ◊ candu un'abi nc'inferit in logu chi dhoi at frori bandat a su casidhu e avisat is àteras ◊ apo infertu sos murros a su muru!◊ sa pompa inferrit s'àcua atesu, si dhui at pressioni ◊ chini no tenit funtana si depit inferri a un'àtera domu po s'àcua 2. nci at a inferri apustis de s'arragorta a torrai a acorrai su cuntzillu comunali ◊ a passai su cumbidu nci at a inferri a cras a merí 3. cussa mata de pirastu est chena de inferri ◊ is pillonàcius dhus inferint 4. si podet insèrrere una murga de orrobba a sa fardeta Ètimu ltn. inferre Tradutziones Frantzesu joindre, greffer Ingresu to reach, to graft Ispagnolu llegar, injertar Italianu giùngere, innestare Tedescu ankommen, veredeln.

inferrinzàdu , pps, agt Definitzione de inferrinzare; chi est prenu de orruina Sinònimos e contràrios ruinzadu 2. su frísciu de sa gianna fit tostu e inferrinzadu Tradutziones Frantzesu rouillé Ingresu rusty Ispagnolu herrumbroso Italianu rugginóso Tedescu rostig.

inferrinzàre , vrb Definitzione pònnere s'orruina Sinònimos e contràrios arrughinare Ètimu srd.

infèrriri infèrrere

inferritàre , vrb Definitzione pònnere su filuverru in su bruncu de su procu po no forrogare Sinònimos e contràrios afiliverrare, ferritare Ètimu srd.

inferronài , vrb Definitzione pigare carda de tzacu, de arrennegu Sinònimos e contràrios arrannegai, inchietae, infelai Frases non creit cantu mi seu inferronau candu apu iscípiu ca is pobidhas ant certau!

inferrorósu , agt Definitzione de s'iferru, chi est che in o de s'iferru Sinònimos e contràrios infernale Frases in d-unu trechetu inferrorosu de boghes e de prantu sos minadores si atapant e s'ispinghent a s'iscuru invochèndhesi a bios e a mortos, in miniera Tradutziones Frantzesu infernal Ingresu hellish Ispagnolu infernal Italianu infernale Tedescu höllisch.

inférru iférru

infertòri , nm Definitzione ómine pràtigu a fàere ifertas Sinònimos e contràrios iferchidore, innestadore Terminologia iscientìfica prf Ètimu srd. Tradutziones Frantzesu greffeur Ingresu grafter Ispagnolu injertador Italianu innestatóre Tedescu Veredler.