A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

isarrogài, isarrogàre , vrb Definitzione fàere a sorrogu a su gúturu Sinònimos e contràrios arragai, arrughire, inserregare, sarracrare Frases isarrogadas túnciant suspirendhe ◊ acirrant a cantai isarroghendisí Tradutziones Frantzesu être enroué Ingresu to have a hoarse voice, to get hoarse Ispagnolu enronquecer Italianu far ràuco, avére raucèdine Tedescu eine heise Stimme haben.

isarrogàu , pps, agt: issorrogau Definitzione de isarrogare; chi est a boghe sorrogada Sinònimos e contràrios aggargastatu, arragatzau, arragau, arroghidu, sarragau Frases cun cust'arrefreu seo totu issorrogada!

isartigàdu , agt: esaltigadu Definitzione chi est a assúpidu forte po àere curtu meda / acudiri, cúrrere, pigare, andhare i. = andhare impresse meda Sinònimos e contràrios afaundadu, spentimau Frases addaghi li ant aporridu sa segurtànsia ndh'est bénnidu isartigadu fatu! (G.Ruju)◊ apo intesu su tzocu de sa ruta e che so curta isartigada ◊ a sas voghes sunt curtos isartigados totu sos bighinos Tradutziones Frantzesu essoufflé Ingresu breathless Ispagnolu jadeante Italianu trafelato Tedescu keuchend.

isartisàrti , avb Definitzione nau pruschetotu de sa manera de s'ischidare, a cropu, coment'e brinchidandho, apustis de unu bisu légiu chi faet assicare Sinònimos e contràrios sartissartis Frases a tira e tosta cun mortos e bios isarti isarti a bortas mi ndh'ischido (G.Ruju) Ètimu srd.

isarvàre irbarbàre

isarvoríu, isarvulíu isarbolíu

isasàre , vrb Definitzione segare o istacare s'asa de un'istrégiu Sinònimos e contràrios immanigare, ismaniciulare, isoriciolare | ctr. asare Frases at isasadu su fraschitu, sa broca, sa sartainedha Ètimu srd.

isasàu , pps, agt Definitzione de isasare; nau de istrégiu, chi est chentza s'asa, cun s'asa o is asas segadas Sinònimos e contràrios immanigadu, slorigau.

isaschilài, isaschilàre irdarcilàe

isasciàre , vrb: isascrare Definitzione nau de linna a truncu, bogare o fàere a ascras, a perras Sinònimos e contràrios astulai, isasciulare, isascruzare, scherdai Frases est che àrbure sica, a truncu de isascrare Ètimu srd. Tradutziones Frantzesu ébrécher Ingresu to splinter Ispagnolu hacer trizas Italianu scheggiare Tedescu zersplittern.

isàsciu , nm Definitzione su isasciare Sinònimos e contràrios isàsciulu, isascruzadura Ètimu srd.

isasciulàre , vrb Definitzione isperrare a fine sa linna grussa, fàere isàsciulu Sinònimos e contràrios isascruzare Ètimu srd.

isàsciulu , nm Definitzione su isasciulare; perra fine de linna Sinònimos e contràrios isàsciu Ètimu srd.

isascradúra , nf Sinònimos e contràrios ascradura, isascruzadura Ètimu srd.

isascràre isasciàre

isascruzadúra , nf Definitzione su isascruzare Sinònimos e contràrios isàsciu, isascradura Frases cussa linna àrrida che andhat a isascruzadura, paret bidru Ètimu srd. Tradutziones Frantzesu ébrèchement Ingresu splintering Ispagnolu el hacer astillas Italianu scheggiatura Tedescu abgesplitterte Stelle.

isascruzàre , vrb Definitzione bogare linna a gliescas, fàere o essire a àstulas Sinònimos e contràrios astulai, irdastulae, isasciare, isasciulare, sliescai Ètimu srd. Tradutziones Frantzesu ébrécher Ingresu to chip Ispagnolu astillar Italianu scheggiare Tedescu absplittern.

isàsinu , nm Definitzione cantidade manna, meda, aira Sinònimos e contràrios biaxi*, isciacada, isériu, isumésciu Frases pustis de un'isàsinu de annos, Fulanu, abbaidendhe a s'iscasumone, che at alluntzinadu su brunzitu in su cantaranu.

isastragàda , nf Definitzione su isastragare Sinònimos e contràrios | ctr. arregorada Ètimu srd. Tradutziones Frantzesu dégel Ingresu thaw Ispagnolu deshielo Italianu disgèlo Tedescu Auftauen.

isastragadúra , nf Definitzione su isastragare Ètimu srd.