A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

isambesciàdu , agt: isciambesciadu, isciumbesciadu, isombessadu, sciumbesciadu Definitzione chi est iscumbessu, malegónciu, andhau male Sinònimos e contràrios imbelédhidu, ispaporedhau / iscumbessu, malacónciu Frases custos sunt muros isambesciados ◊ ancora mi piaghet de godire, mancari sia totu isombessadu e andhe a sos muros arrambadu Tradutziones Frantzesu croulant, grossier, gauche Ingresu unseemely, clumsy, falling Ispagnolu ruinoso, decrépito, chocho Italianu cadènte, sguaiato, gòffo Tedescu hinfällig, unmanierlich, plump.

isambrulídu , agt Definitzione chi costumat a nàrrere isambrúlios, isciolórios Sinònimos e contràrios illeriadu, irbentiadu, sciloriau Frases e adhia, tue puru ses de cussos isambrulidos?! ◊ in domo narant chi nois vetzos semus isturudhados, innotoriados, isambrulidos, e fora no contamus piús nudha! Terminologia iscientìfica ntl.

isambrúliu , nm Definitzione cosa chentza sustàntzia chi si narat Sinònimos e contràrios bambura, ibbàmbiu, isabóriu, lollúghine, lolluine, sciapidóriu, tronia Frases cantu l'azis pagadu cust'incruvu pro nàrrere isambrúlios e machines? Tradutziones Frantzesu idiotie Ingresu stupidity Ispagnolu sosería Italianu scempiàggine Tedescu Dummheit.

isaminadúra , nf Definitzione su isaminare Ètimu srd.

isaminaméntu , nm: isanimamentu Definitzione ischinnitzu de istògomo de chie est arrefinau de su fàmene, genia de fàmene, de apititu forte o chi s'intendhet forte Sinònimos e contràrios afinamentu, afinu, fàmene, francusina, isanimadura, sfinighimentu Frases sa mammaluca mi gustabat ma apustis mi picabat a isanimamentu ◊ zuto su coro andhendhemindhe de s'isanimamentu! Ètimu srd. Tradutziones Frantzesu creux à l'estomac Ingresu pangs of hunger Ispagnolu languidez de estómago Italianu languóre di stòmaco Tedescu Gefühl der Leere im Magen.

isaminàre , vrb: asaminai, esaminai*, ixaminare Definitzione fàere s'isàminu, imbistigare, osservare po averguare coment'est una cosa, ite ischit unu o àteru deasi Sinònimos e contràrios iscodrignare Frases sa giuria at ixaminadu prus de chimbanta òperas.

isaminàu , agt Definitzione nau de ccn.., chi est a ischinnitzu de istògomo, arrefinau de su fàmene, sentindho apititu forte.

isàminu , nm: asàminu, esàmene*, ixàmene, ixàmina, ixàminu Definitzione totugantu su chi si osservat de una cosa, de una chistione po ischire it'est, po dhu nàrrere o acrarire, o chi si dimandhat a unu po averguare ite istúdiu o capacidade tenet o ite ischit Sinònimos e contràrios perrogu / anàlisi Frases in sos ixàminos apo aggoltu cantu aia semenadu istudiendhe ◊ ti as fatu s'isàminu: cufessa!

isamméntu , nm: isarmentu, isermentu, isirmentu Definitzione canna o pértiga de bide, is cambos noàdiles chi faet su fundhu de sa bide Sinònimos e contràrios bide, gialmentu, rubbanu, salmentu*, tiva 1, tràica Frases s'isermentu ndhe cheret collidu innantis de tzapare o de arare in binza ◊ s'isermentu est linnighedha addata pro arrustire pische ◊ est frundhidu umpare a foza sica e a isarmentu ◊ chie no abbarrat cun megus, che isermentu segadu si sicat Tradutziones Frantzesu sarment Ingresu wine-branch Ispagnolu sarmiento Italianu tràlcio Tedescu Rebling.

isamorídu , agt Definitzione chi no at o no sentit istima, amore Sinònimos e contràrios disamorau Frases zente bàrbara, isamorida pro interessu Ètimu srd.

isancàda , nf Definitzione su isancare; fintzes cropu chi si giaet istirandho sa camba a s'ingrundha Sinònimos e contràrios iscalcanzada 2. iscudet un'isancada, si ndhe fichit, s'ispau s'istirat e si truncat Ètimu srd.

isancaisànca , avb: isanchisanchis Definitzione andhare i. = andai cerri cerri, a s'innàiga innàiga, sedatzandho is nàdigas Sinònimos e contràrios cerrixerri Frases si los ponent in apretu, ch'essint isancaisanca e palabala! ◊ Arega si nchi andat cun sa broca in conca isanchisanchis, ma segura ca s'ómini est castiendidedha Ètimu srd.

isancàre , vrb Definitzione segare is ancas, fèrrere a is cambas Frases si li ferit su fartzone, comente bi che l'at iscutu a cambarinu, l'isancat! ◊ si est gai t'isanco e t'irrugo sas costas puru! Ètimu srd.

isancàtu, isancàu , pps, agt Definitzione de isancare; chi sufrit a is cambas, chi andhat a tzopu 2. penniat semper a un’ala che ómine isancatu.

isanchisànchis isancaisànca

isandhalàdu , agt Definitzione chi andhat o istat tropu abbellu faendho sa cosa Sinònimos e contràrios cagallente, cojanesu, dasianu, immajonadu, présiru, trajanu | ctr. coidadosu, lestru Tradutziones Frantzesu paresseux, lent Ingresu lazy, slow Ispagnolu perezoso, lento Italianu pigro, tardo, lènto Tedescu faul, träg, langsam.

isanedhàre , vrb Definitzione bogare o pèrdere s'anedhu (nau fintzes de s'afiliverradura de is mannales) Ètimu srd.

isangràre Definitzione bogare sàmbene, sangrare Sinònimos e contràrios sangrai Ètimu srd.

isangrulàre , vrb Definitzione iscúdere a is ungas, a is manos Sinònimos e contràrios isungiare Ètimu srd.

isanimadúra , nf Definitzione ischinnitzu de istògomo, genia de fàmene, de apititu forte o chi s'intendhet forte / èssere a i. = (fintzas) èssere chentza fortzas Sinònimos e contràrios afinamentu, afinu, fàmene, francusina, isaminamentu Frases seo a isanimadura e mi paret ca nosi dhu betaus unu tzichighedhu de cosa! Ètimu srd.