A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

isanimaméntu isaminaméntu

isanimàre , vrb Definitzione leare s'ànimu, su coràgiu, fàere pèrdere de ànimu Sinònimos e contràrios desanimai, disalentai, isarcare | ctr. animare, audire Frases su risu chin sa befe est un'arma pro isanimare s'àteru!◊ unu bisonzu lezítimu no si depet isanimare!

isantalàdu, isantalàu, isantelàu , agt Definitzione nau de ccn., chi abarrat prantau acoment'e atontau, chentza cumprèndhere, abbabbalucau, coment'e pentzandho in àteru, coment'e chi no dhue siat Sinònimos e contràrios ammammalucadu, atambainadu, atolondrau, sculubiau Frases ite ses fachendhe gai isantalau o timendhe ses? ◊ padentes e tupas mi parent pupas isantaladas chene alenu ◊ chene chinnire ocru, fit isantalau pompiandhe sa fotografia de sa muzere in sa tumba ◊ fit abbarrau isantalau, abbenenau che gatu agreste ◊ isse pariat isantaladu, nachi fit atuendhe ma non ischiat mancu inue ciughiat sos pes! Ètimu srd. Tradutziones Frantzesu raide et droit comme un piquet, étourdi, absent Ingresu stiff, dazed, away from Ispagnolu encandilado Italianu impalato, stordito, assènte Tedescu kerzengerade, betäubt, zerstreut.

isantiadúra , nf Definitzione giagarare, fàere fuire o istesiare a giagaradura, de mala manera Sinònimos e contràrios istesiada Frases a unu che l'ant bogadu a isantiadura, de una domo.

isantiàre , vrb Definitzione fàere fuire, fàere istesiare, giagarare Sinònimos e contràrios istanare Frases a isse che l'ant isantiadu dae sa domo 2. po istare cun fizu o fiza anzena coment'e unu cane isantiadu menzus ti che andhes a Domo Serena (P.Zedda).

isantzinàda , nf Definitzione cropu, iscutulada de abba, próida forte Sinònimos e contràrios abbísciu, istrugalada, sciusciada Frases oe at fatu un'isantzinada de abba.

isapiàre isabiàre

isapidòre , nm: ixapidore Sinònimos e contràrios isabidóriu, isapidoria Ètimu srd.

isapidoría , nf Definitzione cosa chi si narat o chi si faet chentza sabiesa, chentza sustàntzia Sinònimos e contràrios bambiore, bambura, isabidóriu, isambrúliu, isapidura, sciabóriu Ètimu srd. Tradutziones Frantzesu insipidité, fadeur (fig.) Ingresu foolishness Ispagnolu sosería Italianu insipidità, stupidàggine Tedescu Fadheit, Dummheit.

isapidóriu isabidóriu

isàpidu , agt: isciàpidu, isciàpiru, issàpidu, ixàpidu, sciàpidu Definitzione nau de cosa de papare, chi no tenet sabore, o ndhe giughet pagu o de pagu contu; nau de gente, chi est de ideas metzanas, chi narat irbéntios, chi portat pagu giudítziu Sinònimos e contràrios issaltzidu / babbaocu, bacocu, bambarru, bambu, illavadu, isaliadu, issemechiau, làvinu, nuscentri | ctr. sàbiu Frases de cantu est durche est fintzas isàpidu 2. mi ant dadu unu maridu coconeri, issàpidu e lezeri chi mi contat donzi cosa ◊ cussa est una vida issàpida e metanza ◊ est a s'arrejona arrejona contendhe calchi istrallera ixápida Ètimu itl. sciàpito Tradutziones Frantzesu fade, sot Ingresu insipid, fool Ispagnolu soso Italianu insìpido, sciòcco Tedescu fad, dumm.

isapidúra , nf: isciabidura, isciapidura, issabidura, ixapidura, sciapidura Sinònimos e contràrios bambiore, bambura, illériu, isabidóriu, isapidoria, sciabóriu Frases no so dendhe su costúmene de mama pro isapiduras o istravíscios: lu so dendhe pro bisonzu! Ètimu srd. Tradutziones Frantzesu insipidité Ingresu insipidity Ispagnolu sosería Italianu insipidità Tedescu Fadheit.

isàpiu , nm Definitzione genia de erba velenosa chi faet in is errios, genia de udhúrigu Sinònimos e contràrios bidhuri, búdharu, gudhútulu, pudimanu Terminologia iscientìfica rba Ètimu srd.

isarbiadúra , nf Definitzione su isarbiare, su colore de unu isarbiadu Sinònimos e contràrios arbiore, groghera Ètimu srd.

isarbiàre , vrb Definitzione nau de unu po su colore de sa cara, de sa pedhe, mudare su coloredhu orrúbiu in su sensu de iscolorire Sinònimos e contràrios incerai, ilbiadire, isarbolire Ètimu srd.

isarbolíre , vrb Definitzione cambiare colore mescamente po timoria, fàere in cara che sa tela Sinònimos e contràrios incerai, irgrisire, scarafaciari Frases s'ammaghiatura sua fachiat isarbulire a chie l'ascurtabat ◊ s'angústia m'isàrbolit sa cara e su sàmbene mi tremet in su coro (A.Mura) Ètimu srd.

isarbolíu , agt, pps: isarvoriu, isarvuliu Definitzione de isarbolire; chi est in cara mala che sa tela, de colore malu, nau de unu Sinònimos e contràrios ammitalladu, irbisuriu, iscarugiu, ispanàciu, livastrinu, spannàciu 2. li torrant sos alentos e s'ischidat, ma est totu isarbuliu ◊ so débbile che seda, isarboliu: no ndhe poto prus! ◊ fit unu zovanedhu bellu, pilibbrundhu, chin sa cara isarbulia ◊ cudh'ómine fit isarvuliu e iscazau in suores Tradutziones Frantzesu pâle Ingresu pale Ispagnolu palidecer Italianu sbiancato, pàllido Tedescu bleich, blaß.

isarbulíre isarbolíre

isarcadítu , agt Definitzione nau de unu, chi si disànimat cun facilidade Sinònimos e contràrios | ctr. animosu, isperansciadu Terminologia iscientìfica ntl.

isarcàdu , pps, agt Definitzione de isarcare; chi no ischit prus comente fàere, chi pentzat de no si dha fàere prus Sinònimos e contràrios disarcadu, afiguriu, isporadu | ctr. animosu 2. rutu no ses, pro chi neras, ne isarcadu in su totu in su mentres ch'isperas (Limbudu)◊ ndhe so male isarcadu de no bi la fàghere, si no mi azuat calicunu! ◊ mamma ndhe fit sempre isarcada pro su tempus chi li cheriat samunendhe e tapulendhe Tradutziones Frantzesu découragé, abattu Ingresu downhearted Ispagnolu desanimado Italianu sfiduciato Tedescu verzagt.