A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

isambesciàdu , agt: isciambesciadu, isciumbesciadu, isombessadu, sciumbesciadu Definizione chi est iscumbessu, malegónciu, andhau male Sinonimi e contrari imbelédhidu, ispaporedhau / iscumbessu, malacónciu Frasi custos sunt muros isambesciados ◊ ancora mi piaghet de godire, mancari sia totu isombessadu e andhe a sos muros arrambadu Traduzioni Francese croulant, grossier, gauche Inglese unseemely, clumsy, falling Spagnolo ruinoso, decrépito, chocho Italiano cadènte, sguaiato, gòffo Tedesco hinfällig, unmanierlich, plump.

isambrulídu , agt Definizione chi costumat a nàrrere isambrúlios, isciolórios Sinonimi e contrari illeriadu, irbentiadu, sciloriau Frasi e adhia, tue puru ses de cussos isambrulidos?! ◊ in domo narant chi nois vetzos semus isturudhados, innotoriados, isambrulidos, e fora no contamus piús nudha! Terminologia scientifica ntl.

isambrúliu , nm Definizione cosa chentza sustàntzia chi si narat Sinonimi e contrari bambura, ibbàmbiu, isabóriu, lollúghine, lolluine, sciapidóriu, tronia Frasi cantu l'azis pagadu cust'incruvu pro nàrrere isambrúlios e machines? Traduzioni Francese idiotie Inglese stupidity Spagnolo sosería Italiano scempiàggine Tedesco Dummheit.

isaminadúra , nf Definizione su isaminare Etimo srd.

isaminaméntu , nm: isanimamentu Definizione ischinnitzu de istògomo de chie est arrefinau de su fàmene, genia de fàmene, de apititu forte o chi s'intendhet forte Sinonimi e contrari afinamentu, afinu, fàmene, francusina, isanimadura, sfinighimentu Frasi sa mammaluca mi gustabat ma apustis mi picabat a isanimamentu ◊ zuto su coro andhendhemindhe de s'isanimamentu! Etimo srd. Traduzioni Francese creux à l'estomac Inglese pangs of hunger Spagnolo languidez de estómago Italiano languóre di stòmaco Tedesco Gefühl der Leere im Magen.

isaminàre , vrb: asaminai, esaminai*, ixaminare Definizione fàere s'isàminu, imbistigare, osservare po averguare coment'est una cosa, ite ischit unu o àteru deasi Sinonimi e contrari iscodrignare Frasi sa giuria at ixaminadu prus de chimbanta òperas.

isaminàu , agt Definizione nau de ccn.., chi est a ischinnitzu de istògomo, arrefinau de su fàmene, sentindho apititu forte.

isàminu , nm: asàminu, esàmene*, ixàmene, ixàmina, ixàminu Definizione totugantu su chi si osservat de una cosa, de una chistione po ischire it'est, po dhu nàrrere o acrarire, o chi si dimandhat a unu po averguare ite istúdiu o capacidade tenet o ite ischit Sinonimi e contrari perrogu / anàlisi Frasi in sos ixàminos apo aggoltu cantu aia semenadu istudiendhe ◊ ti as fatu s'isàminu: cufessa!

isamméntu , nm: isarmentu, isermentu, isirmentu Definizione canna o pértiga de bide, is cambos noàdiles chi faet su fundhu de sa bide Sinonimi e contrari bide, gialmentu, rubbanu, salmentu*, tiva 1, tràica Frasi s'isermentu ndhe cheret collidu innantis de tzapare o de arare in binza ◊ s'isermentu est linnighedha addata pro arrustire pische ◊ est frundhidu umpare a foza sica e a isarmentu ◊ chie no abbarrat cun megus, che isermentu segadu si sicat Traduzioni Francese sarment Inglese wine-branch Spagnolo sarmiento Italiano tràlcio Tedesco Rebling.

isamorídu , agt Definizione chi no at o no sentit istima, amore Sinonimi e contrari disamorau Frasi zente bàrbara, isamorida pro interessu Etimo srd.

isancàda , nf Definizione su isancare; fintzes cropu chi si giaet istirandho sa camba a s'ingrundha Sinonimi e contrari iscalcanzada 2. iscudet un'isancada, si ndhe fichit, s'ispau s'istirat e si truncat Etimo srd.

isancaisànca , avb: isanchisanchis Definizione andhare i. = andai cerri cerri, a s'innàiga innàiga, sedatzandho is nàdigas Sinonimi e contrari cerrixerri Frasi si los ponent in apretu, ch'essint isancaisanca e palabala! ◊ Arega si nchi andat cun sa broca in conca isanchisanchis, ma segura ca s'ómini est castiendidedha Etimo srd.

isancàre , vrb Definizione segare is ancas, fèrrere a is cambas Frasi si li ferit su fartzone, comente bi che l'at iscutu a cambarinu, l'isancat! ◊ si est gai t'isanco e t'irrugo sas costas puru! Etimo srd.

isancàtu, isancàu , pps, agt Definizione de isancare; chi sufrit a is cambas, chi andhat a tzopu 2. penniat semper a un’ala che ómine isancatu.

isanchisànchis isancaisànca

isandhalàdu , agt Definizione chi andhat o istat tropu abbellu faendho sa cosa Sinonimi e contrari cagallente, cojanesu, dasianu, immajonadu, présiru, trajanu | ctr. coidadosu, lestru Traduzioni Francese paresseux, lent Inglese lazy, slow Spagnolo perezoso, lento Italiano pigro, tardo, lènto Tedesco faul, träg, langsam.

isanedhàre , vrb Definizione bogare o pèrdere s'anedhu (nau fintzes de s'afiliverradura de is mannales) Etimo srd.

isangràre Definizione bogare sàmbene, sangrare Sinonimi e contrari sangrai Etimo srd.

isangrulàre , vrb Definizione iscúdere a is ungas, a is manos Sinonimi e contrari isungiare Etimo srd.

isanimadúra , nf Definizione ischinnitzu de istògomo, genia de fàmene, de apititu forte o chi s'intendhet forte / èssere a i. = (fintzas) èssere chentza fortzas Sinonimi e contrari afinamentu, afinu, fàmene, francusina, isaminamentu Frasi seo a isanimadura e mi paret ca nosi dhu betaus unu tzichighedhu de cosa! Etimo srd.