A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

iscàrzu iscàgliu

iscasanàre , vrb Definitzione istelare, fàere andhare o fuire atesu Sinònimos e contràrios iscassedhire, istratallai Frases cussos, ca sunt malos, che los depes iscasanare dae domo!

iscascàre , vrb Definitzione arrèschere in su gúturu, nau de cosa ingurtindho papandho Sinònimos e contràrios abèschere Frases as iscascau… bíbeti unu pacu de abba! (G.F.Sedda)

iscàscaru , nm Sinònimos e contràrios iscacagliada, iscacàgliu Frases sas carrelas fint un'andha e beni de zente, de iscàscaros de risu, de comares giamendhe a comare ◊ fint tra risos e iscàscaros Ètimu srd.

iscascedhàda , nf Frases sa mòngia si acóstiat a Paulicu donandudedhi sa manu ma cussu no si sapit e circat una cadira: tandu sa fígia, acatandusí de s'iscascedhada, si acóstiat issa a dhi tocai sa manu Tradutziones Italianu gaffe

iscascedhàe, iscascedhài , vrb: iscassedhai, iscassedhare, iscassidhare, iscassellare, scascedhai Definitzione mòvere, essire de su giustu (nau fintzes de cumportamentu), no àere manu firma faendho una cosa, fàere unu movimentu pagu precisu, illascinare (e si narat fintzes de sa cosa chi si manígiat), fartare; fintzes betare de cuadhu Sinònimos e contràrios allescinai, iscassedhire, mòere / millire Frases fui seghendi a lepa, mi at iscassedhau sa manu e mi seu ingortu ◊ mi at iscassedhau sa manu: mi ndi apu ghetau tropu, de binu! ◊ pudendi in bíngia, si bit ca mi at iscassedhau sa manu e babbu si ndi est acatau ◊ nanca benias a is otu e funt is otu e mesu: iscassedhada s'ora ti est?! ◊ mi est iscassedhau s'ollu: immoi custa cosa est tropu cundia! 2. est iscassidhau in s'iscamedhadorju Ètimu srd. Tradutziones Frantzesu déconner, jeter, démonter Ingresu to be wrong, to throw Ispagnolu equivocarse, temblar, desmontar Italianu sgarrare, sbalzare Tedescu nicht genau sein, nicht genau gehen, werfen.

iscascedhàre , vrb: iscassedhare 1 Definitzione coment'e a essire de sa càscia, nau de errios prenos chi ndh'essint de su letu Ètimu srd. Tradutziones Frantzesu déborder Ingresu to overflow Ispagnolu desbordar Italianu straripare Tedescu überfließen.

iscàscia , nf Definitzione sa càscia de su telàrgiu Frases s'iscàscia atripat a cropu mannu e ndhe tesset su túturu de su pannu ◊ po fàere sa latzada in telàrgiu si usat s'iscàscia pitia po iscúdere sa trama a tibbu.

iscasciadórzu iscansadórgiu

iscasciàdu , pps, agt: iscassiadu, iscassiau, iscassatu Definitzione de iscasciare / i. fatu = macu deretu Sinònimos e contràrios ammachiau desessidu, dischissiau, disvariadu, fariadu, ilgiradu, ilvariadu, iscassoletadu, issentidu / cdh. scasciatu 2. che fit betzu: como fit un'àrvure iscasciada ◊ o coro iscasciadu, ite cheres chi ti feta pro ti bíere acuntentadu? ◊ sàltiant a brincos urulendhe che iscasciados ◊ si fit pesatu a boches che iscassatu ◊ comente est iscassiadu, est capatze chi fatzat una cosa gasi! ◊ o est su mundhu chi est girandhe a tortu o est iscasciada sa pessone! Tradutziones Frantzesu fou (devenu) Ingresu deviated, gone mad Ispagnolu enloquecido Italianu deviato, impazzito Tedescu abgelenkt, verrückt geworden.

iscasciadúra , nf Definitzione su iscasciare Frases comintzeit a ríere a iscasciadura Ètimu srd.

iscasciàre iscansàe

iscascinàre , vrb Sinònimos e contràrios iscansae.

iscasciolàdu , pps, agt: iscassoladu, iscassolau, scassobau Definitzione de iscasciolare; nau de ccn., chi est pagu giustu de conca Sinònimos e contràrios iscassoletadu, schissiolau 2. sa genti iscassolada est tropu pastissera ◊ iscassolau dh’as a nàrrere a mamma tua!

iscasciolàre , vrb: iscasciulare Definitzione matzigare comente faet chie no portat dentes; mòvere e pèrdere is dentes; essire iscioloriaos, pagu giustos de conca, foedhare a s'afaiu Sinònimos e contràrios isdentigonare, scascialai / matulare / iscassuletare Ètimu srd.

iscascioletàdu , agt Sinònimos e contràrios iscassoletadu Frases andhandhe pares iscascioletada girèndhedi a innantis e a secus.

iscasciólu , nm: iscassolu Definitzione genia de prexu, de cuntentesa, o fintzes de machiore / a i. = a révudu, a satisfassione Sinònimos e contràrios ispàssiu, iscàsciu / lochímini, lollúghine Frases aizis cumpanzos in zogos de iscasciolu ◊ su giogu tandho li fit s'únicu iscasciolu, ca fit pisedhu Ètimu srd.

iscàsciu , nm: (i-scà-sci-u) iscàssiu Definitzione su iscasciare, su andhare macu po calecuna cosa, su essire fora de tinu, cosa de dilliriaos; cuntentesa manna Sinònimos e contràrios ilvàriu, ischíssiu / allegria, cuntentesa, iscasciolu Frases fit un'ómine iscunsertadu pro iscàsciu de conca ◊ cussos sunt iscàscios de lassare istare una bona vorta! 2. su pudhérigu fit s'iscàsciu de sos pisedhos ◊ a sa notíscia de s'armistítziu si fateit festa e tiu Bore passeit momentos de iscàsciu ◊ bi at zente chi in iscàsciu de passatempus est che furriola ◊ su sonu de dogni festa e dogni afidu féminas e màscios in dillíriu ponet e iscàscios (F.Sechi)◊ custu tenet s'iscàssiu pro una pisedha Ètimu srd. Tradutziones Frantzesu euphorie Ingresu elation Ispagnolu euforia Italianu euforìa Tedescu Euphorie.

iscasciulàre iscasciolàre

iscasciuletàre , vrb: iscassoletare, iscassuletare Definitzione ammachiare, pèrdere su tinu / motocicleta iscasciuletada = iscusserta, guasta Sinònimos e contràrios ammachiae, pichiare, sbelligiai, scatulai, vacillare, variai Frases babbu tuo si nch'est iscassoletandhe de su totu, apessamentau ca su pitzinnu est galu a ghirare! Ètimu srd.