A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

iscàrzu iscàgliu

iscasanàre , vrb Definizione istelare, fàere andhare o fuire atesu Sinonimi e contrari iscassedhire, istratallai Frasi cussos, ca sunt malos, che los depes iscasanare dae domo!

iscascàre , vrb Definizione arrèschere in su gúturu, nau de cosa ingurtindho papandho Sinonimi e contrari abèschere Frasi as iscascau… bíbeti unu pacu de abba! (G.F.Sedda)

iscàscaru , nm Sinonimi e contrari iscacagliada, iscacàgliu Frasi sas carrelas fint un'andha e beni de zente, de iscàscaros de risu, de comares giamendhe a comare ◊ fint tra risos e iscàscaros Etimo srd.

iscascedhàda , nf Frasi sa mòngia si acóstiat a Paulicu donandudedhi sa manu ma cussu no si sapit e circat una cadira: tandu sa fígia, acatandusí de s'iscascedhada, si acóstiat issa a dhi tocai sa manu Traduzioni Italiano gaffe

iscascedhàe, iscascedhài , vrb: iscassedhai, iscassedhare, iscassidhare, iscassellare, scascedhai Definizione mòvere, essire de su giustu (nau fintzes de cumportamentu), no àere manu firma faendho una cosa, fàere unu movimentu pagu precisu, illascinare (e si narat fintzes de sa cosa chi si manígiat), fartare; fintzes betare de cuadhu Sinonimi e contrari allescinai, iscassedhire, mòere / millire Frasi fui seghendi a lepa, mi at iscassedhau sa manu e mi seu ingortu ◊ mi at iscassedhau sa manu: mi ndi apu ghetau tropu, de binu! ◊ pudendi in bíngia, si bit ca mi at iscassedhau sa manu e babbu si ndi est acatau ◊ nanca benias a is otu e funt is otu e mesu: iscassedhada s'ora ti est?! ◊ mi est iscassedhau s'ollu: immoi custa cosa est tropu cundia! 2. est iscassidhau in s'iscamedhadorju Etimo srd. Traduzioni Francese déconner, jeter, démonter Inglese to be wrong, to throw Spagnolo equivocarse, temblar, desmontar Italiano sgarrare, sbalzare Tedesco nicht genau sein, nicht genau gehen, werfen.

iscascedhàre , vrb: iscassedhare 1 Definizione coment'e a essire de sa càscia, nau de errios prenos chi ndh'essint de su letu Etimo srd. Traduzioni Francese déborder Inglese to overflow Spagnolo desbordar Italiano straripare Tedesco überfließen.

iscàscia , nf Definizione sa càscia de su telàrgiu Frasi s'iscàscia atripat a cropu mannu e ndhe tesset su túturu de su pannu ◊ po fàere sa latzada in telàrgiu si usat s'iscàscia pitia po iscúdere sa trama a tibbu.

iscasciadórzu iscansadórgiu

iscasciàdu , pps, agt: iscassiadu, iscassiau, iscassatu Definizione de iscasciare / i. fatu = macu deretu Sinonimi e contrari ammachiau desessidu, dischissiau, disvariadu, fariadu, ilgiradu, ilvariadu, iscassoletadu, issentidu / cdh. scasciatu 2. che fit betzu: como fit un'àrvure iscasciada ◊ o coro iscasciadu, ite cheres chi ti feta pro ti bíere acuntentadu? ◊ sàltiant a brincos urulendhe che iscasciados ◊ si fit pesatu a boches che iscassatu ◊ comente est iscassiadu, est capatze chi fatzat una cosa gasi! ◊ o est su mundhu chi est girandhe a tortu o est iscasciada sa pessone! Traduzioni Francese fou (devenu) Inglese deviated, gone mad Spagnolo enloquecido Italiano deviato, impazzito Tedesco abgelenkt, verrückt geworden.

iscasciadúra , nf Definizione su iscasciare Frasi comintzeit a ríere a iscasciadura Etimo srd.

iscasciàre iscansàe

iscascinàre , vrb Sinonimi e contrari iscansae.

iscasciolàdu , pps, agt: iscassoladu, iscassolau, scassobau Definizione de iscasciolare; nau de ccn., chi est pagu giustu de conca Sinonimi e contrari iscassoletadu, schissiolau 2. sa genti iscassolada est tropu pastissera ◊ iscassolau dh’as a nàrrere a mamma tua!

iscasciolàre , vrb: iscasciulare Definizione matzigare comente faet chie no portat dentes; mòvere e pèrdere is dentes; essire iscioloriaos, pagu giustos de conca, foedhare a s'afaiu Sinonimi e contrari isdentigonare, scascialai / matulare / iscassuletare Etimo srd.

iscascioletàdu , agt Sinonimi e contrari iscassoletadu Frasi andhandhe pares iscascioletada girèndhedi a innantis e a secus.

iscasciólu , nm: iscassolu Definizione genia de prexu, de cuntentesa, o fintzes de machiore / a i. = a révudu, a satisfassione Sinonimi e contrari ispàssiu, iscàsciu / lochímini, lollúghine Frasi aizis cumpanzos in zogos de iscasciolu ◊ su giogu tandho li fit s'únicu iscasciolu, ca fit pisedhu Etimo srd.

iscàsciu , nm: (i-scà-sci-u) iscàssiu Definizione su iscasciare, su andhare macu po calecuna cosa, su essire fora de tinu, cosa de dilliriaos; cuntentesa manna Sinonimi e contrari ilvàriu, ischíssiu / allegria, cuntentesa, iscasciolu Frasi fit un'ómine iscunsertadu pro iscàsciu de conca ◊ cussos sunt iscàscios de lassare istare una bona vorta! 2. su pudhérigu fit s'iscàsciu de sos pisedhos ◊ a sa notíscia de s'armistítziu si fateit festa e tiu Bore passeit momentos de iscàsciu ◊ bi at zente chi in iscàsciu de passatempus est che furriola ◊ su sonu de dogni festa e dogni afidu féminas e màscios in dillíriu ponet e iscàscios (F.Sechi)◊ custu tenet s'iscàssiu pro una pisedha Etimo srd. Traduzioni Francese euphorie Inglese elation Spagnolo euforia Italiano euforìa Tedesco Euphorie.

iscasciulàre iscasciolàre

iscasciuletàre , vrb: iscassoletare, iscassuletare Definizione ammachiare, pèrdere su tinu / motocicleta iscasciuletada = iscusserta, guasta Sinonimi e contrari ammachiae, pichiare, sbelligiai, scatulai, vacillare, variai Frasi babbu tuo si nch'est iscassoletandhe de su totu, apessamentau ca su pitzinnu est galu a ghirare! Etimo srd.