A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

iscassuletàdu iscassoletàdu

iscassuletàre iscasciuletàre

iscastadúra , nf Definizione su iscastare Etimo srd.

iscastàre , vrb Definizione cambiare genia, casta, essire diferente, de arratza prus metzana, nau fintzes in su sensu de iscrizeniare, essire o èssere diferente Sinonimi e contrari irratzare / chilzeniare, disgeniare, imburdiri, ischilziniare, iseniare / cambiai, mudai | ctr. arraciai, istripai Frasi sos sonos de una peràula a bortas iscastant, càmbiant de una bidha a s'àtera ◊ potet peri dare chi cussu pitzocu iscastet dae s'arratza sua ◊ deo apo arratzau a is meos e in parte fortzis apo iscastau 2. in sa faedhada nois Torpinos nos iscastamus meda fenas dae sos Pasadinos (G.Chessa) Etimo srd. Traduzioni Francese changer de race, s'abâtardir Inglese to degenerate Spagnolo mestizar Italiano dirazzare Tedesco entarten.

iscastedhàre , vrb Definizione bogare fora, bogare de unu logu de cumandhu, de unu podere Sinonimi e contrari caciare, irbersulare Etimo srd. Traduzioni Francese déloger Inglese to dislodge Spagnolo desalojar Italiano sloggiare Tedesco ausweisen.

iscasumài , vrb: scasumai Definizione foedhare cun calecunu de calecuna cosa, cricare de s'iscusare, de nàrrere motivos, giare a ischire cosas delicadas, personales Sinonimi e contrari faedhare, iscobiare, scasumiri Frasi su pastori iat cicau de s'iscasumai in totu is maneras, ma is barrucellus no iant ascurtau peruna tzimia e iant tenturau su bestiàmini! 2. comenti s'est iscasumada, castiendi sa partida e fendi tifu, at biu sa genti istesiendisindi, po su pudesciori!…

iscasumòne iscajumòne

iscàta , nf: ischeta, scata Definizione àstula prus che àteru de pedra, imbidru e cosas deasi; genia de àstula, pígiu tostau a bisura de unga in sa pedhe de su pische, tostada e matuca cantu s'unga o pitichedhedha e fine segundhu su pische; su pigighedhu chi che andhat a sa pedhe de conca; cantu de cosa / pische de i. = lissa (ma fintzas àtera creze, bona); i. de arràmini = biculaza de ràmine bona pro dare su colore birde a s'istanzadura de sa terralla; i. de ferru = biculaza de ferru pro dare su colore de castanza a sa terralla Sinonimi e contrari alciuza, àstua, atiza, isciapa, schedra / crosta Frasi cussa linna che andhat totu a iscatas ◊ su bidru si segat a iscatas 2. su pische si arrustit cun s'iscata, ma pro lu fàghere a budhidu che li cheret catzada 3. a is pipios s'iscata dhis essiat in conca, comment'e una crosta bianca 4. a papae aiant chibudha, un'iscata de casu e sorugotu sicau ◊ m'iscràdiat che iscata de sabone dae manos Etimo ltn., ctl. *scatta, escata Traduzioni Francese écaille Inglese scale Spagnolo escama Italiano squama Tedesco Schuppe.

iscatàda , nf Definizione cuntratu de pastoriu, una genia de afitu de su bestiàmene Frasi a s'iscatada su cuntratu duraiat un'annu, a mie mi daiant tres chilos de casu a fiadu, su batorunu de sas anzones féminas pesadas e mi torraiant su matessi tantu de berveghes chi aio dadu.

iscatadòrza , nf Definizione aina po istrecare is leas de sa terra arada Sinonimi e contrari ingranzadorza, tràgiu 1, trinciaghélvia Frasi su malu lauradore no giughet iscatadorza Terminologia scientifica ans Etimo srd. Traduzioni Francese émotteuse, brise-mottes Inglese disk harrow Spagnolo roturador Italiano frangizòlle Tedesco Ackerschleppe.

iscatadúra , nf: scatadura Definizione su iscatare Sinonimi e contrari istozadura, scatamentu Etimo srd. Traduzioni Francese desquamation Inglese desquamation Spagnolo descamación Italiano desquamazióne Tedesco Desquamation.

iscatài, iscatàre , vrb: iscatzare 1, ischetare, scatai Definizione arrasigare s'iscata, bogare a iscatas, essire a iscatas o àstulas; fintzes ispistorare, nau de istrégiu de terra, imbidru o àteru deasi Sinonimi e contrari iscroare / spistorai Frasi pische mannu de còghere a budhidu o a cassola innanti s'iscatat, bene 2. sa morte ndhe at messadu sos fiores cun sas limbas de fogu inferotzias, ant ischetadu sas pedras lidhias (A.M.Pinna)◊ ses bufendhe s'abba in su cicherone iscatadu! Etimo ctl. escatar Traduzioni Francese écailler Inglese to scale Spagnolo escamar Italiano squamare Tedesco schuppen.

iscatarràre , vrb: scatarrai* Definizione bogare o fuliare catarru.

iscatasciài , vrb Definizione papare cun allurpimentu, a s'airada, imbresse; in cobertantza, foedhare de una cosa cun facilidade (matziai) Sinonimi e contrari acamufai, atafiai, gomiri, gorropentare, ingròmere, iscatuciare, mangiufai, scantusciai Frasi duus panis gei si dhus at iscatasciaus! 2. gei nd'iscatàsciat de italianu, fillu miu!… Traduzioni Francese dévorer Inglese to devour Spagnolo devorar, tragar Italiano divorare Tedesco fressen, verschlingen.

iscatàu , pps, agt Definizione de iscatare; chi che dh'ant arrasigau s'iscata, limpiau de s'iscata, nau de su pische Sinonimi e contrari cdh. isgatatu.

iscatavidài , vrb Definizione iscabbúllere, arrennèscere a lassare, a evitare calecuna dificurtade o impíciu (ma si narat fintzes in su sensu de iscorgiare unu pegus) Sinonimi e contrari irfrancare, iscabbúllere Frasi no est arrennésciu a si nd'iscatavidai ◊ comenti si fait po si nd'iscatavidai de s’infadu de is pastoris? 2. a sa mallora isperrumada nde dh'iscatavidant sa pedhi e dha spretzant.

iscatedhàre , vrb: iscatzedhare, scatzedhai Definizione leare is catzedhos a sa cane, bochíere su fedu piticu o àteru a ccn.; iscabbúllere de ccn. chi benit sèmpere aifatu, bogare o lassare a un'ala che catzedhu; fintzes illascare is pigionatzos chi torrant a naschire in is fundhales de is matas Frasi de is procedhedhus chi fait, sa mardi, calincunu s'iscatzedhat ca no dhus allatat totus 2. sa mama no est cosa de iscatedhare: cheret chi sos fizos la tenzant contu! ◊ in sa gara, nointamas de iscurtare, tzarrant, abbóghiant e currulant chi bi ndhe at de los iscatedhare! Etimo srd.

iscaticàre , vrb Definizione catzigare, incracare, fàere pesu apitzu Sinonimi e contrari abbaticare, acarcangiai, apatigai, apetillai, apeutare.

iscàticu , nm Definizione su iscaticare, nau in su sensu de su istare in istrintu, in medas, a cracu, cun pesu in pitzu Sinonimi e contrari càticu Etimo srd.

iscatíli, iscatílli , nm: scatí Definizione iscratza, arratza de ue unu dipendhet o est dipéndhiu Sinonimi e contrari arénsia, arrampile, arrépula, eréscia, iscratza, istripile / sambenadu Etimo srd.