A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

istesseràre isteressàre

istesseràu , vrb Definitzione de istesserare.

istèssere , vrb: stèssiri Definitzione isciusciare sa cosa téssia, bogare de pare, distrúere; ispiegare puru, iscapiare Sinònimos e contràrios istramai / isteressare | ctr. tèssere 2. custos tres si colloiant pro istèssere a sos àteros sa lutrina ◊ su nodu de sa limma si dhi est istéssiu e at foedhau a s'ischeta.

istessidúra , nf Definitzione su istèssere, su bogare de pare cosa.

istéssitu , pps, agt Definitzione de istèssere; coment'e iscónciu, bogau de pare Sinònimos e contràrios irbalesiadu, ispossibiu 2. fit chin sa carena istéssita dae su travàgliu de sa die innantis (A.Pau)◊ sa partòglia fit galu istéssita, chin sos fiancos abbertos che portale iscancaredhatu.

istestàre , vrb Sinònimos e contràrios isconcare.

istestulàda , nf Definitzione su istestulare, briga o foedhada a istruncadura, a iscontriadura Ètimu srd.

istestulàre , vrb Definitzione iscúdere a conca; foedhare male, arrespòndhere, giare una briga Sinònimos e contràrios abbruncai, arruncare, irmurrare, sbruncai 2. deo l'istéstulo, mancari siat prus mannu de a mie, si mi faedhat male!

istésu , agt Sinònimos e contràrios ispaltu, istérridu.

istesúra , nf Sinònimos e contràrios istrasura digràtzia, disagura.

istétiu istàdu

istetulàda , nf Definitzione ciafu iscutu a manimbesse Sinònimos e contràrios bussinada, iscaputzone, iscatulada, iscavanada, istuturada, mantuada Frases si creschiat suta de sas istetuladas de sos babbos, candho bi cheriant, e de sos ojos atentos de sas mamas (Z.Zazzu) Ètimu srd.

isteulàdu , pps, agt: isteulau, istiulau, staulau Definitzione de isteulare; chi est atolondrau de su foedhare; nau in cobertantza de unu, chi dhi mancat ccn. téula, chi no est tanti giustu de crebedhu, chi foedhat naendho cosas chentza fundhóriu Sinònimos e contràrios barrosu, irbentiadu, paraletadore / intolatu, istoladu, macu 2. fertu a cracu nanch'est, isteuladu, chi no giuchet apostu su cherbedhu.

isteulàre , vrb Definitzione abbarrare foedhandho naendho cosas chentza sustàntzia, naendho isciolórios, atolondrai, iscioloriare, fastidiare cun sa ciaciarra Ètimu srd.

isteulàu isteulàdu

istèva istèa

istevacàre istavacàre

istevèdhe istebèdhe

istèvene , nm Definitzione nau in cobertantza e a brulla, sa bentre, s'istògomo / Istèvene, Stèvini est númene de ómine Ètimu grcb. Stéphane.

istevíngiu , nm: istevinzu, istifinzu, istivignu, istivinzu, istravinzu 1, istrivinzu Definitzione cosa chi si narat in cobertantza ponendho a unu a intzertare ite est (ma a logos fintzes mutu, càntigu de pagos versos, divignu); númene chi si giaet a ccn. in cobertantza po no nàrrere su númene giustu, a befa, ingiúliu, o fintzes cantzone posta a befa, po erríere de ccn. o de calecuna cosa; fintzes díciu, provérbiu Sinònimos e contràrios abbisabbisa, annomíngiu, divinzu, incertu, indevinzu, istinzu / annomíngiu / cdh. stivignu Frases fint nendhe contos e calchi istivinzu ◊ sa gioventude cantat bellos istivignos ◊ s'istifinzu a chie bi mirat est ladinu ◊ a cantare sos istevinzos de mortu fiat un'usàntzia antiga 2. li aiant apitzigadu "Trabbananasu" a istivinzu ca teniat a vísciu de si forrojare su nasu ◊ a issu dhi ant postu istevíngiu ◊ su pastore cramaiat sas berbeghes suas totu cun istravinzos 3. ammèntadi s'istivinzu: su sórighe imbitzadu a su casu no lu lassat fintzas chi no bi lassat sa pedhe! Ètimu srd. Tradutziones Frantzesu devinette, pseudonyme Ingresu puzzle, alias Ispagnolu adivinanza, seudónimo Italianu indovinèllo, pseudònimo Tedescu Rätsel, Pseudonym.