A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

istoràche , nm: storaci Definitzione tupighedha de linna fragosa Terminologia iscientìfica mt, Styrax officinalis.

istorbàre isdrobbàre

istórbu isdróbbu

istòrchere istòlchere

istorcòne , nm: istrocone Definitzione genia de ingestu fatu cun sa buca, a befa, po ndhe pigare fele a s'àteru, po dhi fàere tzacu, o fintzes po dolore chi si sentit Sinònimos e contràrios istróchidu, istrocu, stremu, strocidura, strocimentu, trastocu Frases canno si li bortaiant sos sentitos si li fachiat sa buca a istorcones ◊ est ridenne pro sos istorcones chi at bistu in cara de su babbu airatu Ètimu srd.

istòre, istòri , nm: astore* Definitzione cun custu númene si narant diferentes genias de pigiones petzarolos: astore, o stori columbinu (itl. astóre), stori de pudhas o leporaju, astoredhu, storixedhu o istore de tziudhia (itl. poiana), stori de Leonora o tzarpadheri Frases che unu trumu de arestes istores falant lestros a donzi marina (A.Casula)◊ che un'istore peso a totu vista subra de sos montes líbberu su bolu ◊ sa columba est timindhe chi bi apat calchi istore ◊ in cussu cúcuru faiant su niu s'untúrgiu e s'istore Terminologia iscientìfica pzn.

istória iltória

istoriadòri , nm Definitzione chie istúdiat, connoschet e iscriet s'istória Sinònimos e contràrios istoriàrgiu Frases s'istória de sa Sardínnia dh'ant iscrita is istoriadoris de is bincidoris (R.Boi) Tradutziones Frantzesu historien Ingresu historian Ispagnolu historiador Italianu stòrico Tedescu Historiker

istoriàre , vrb: storiai Definitzione prus che àteru, pintare sugetos, disegnare figuras; contare istórias, contos Frases tiu Tzicu teniat unu modu de contare securu candho istoriabat de su bene e de su male, chene pònnere "fortzis" in mesu (A.Satta) 2. po nosi nce colare s'ora nosi poniaus a istoriare.

istoriàrgiu , nm Definitzione chie costumat a contare contos, istórias Sinònimos e contràrios naradore Ètimu srd.

istóricu , agt, nm Definitzione chi pertocat s'istória, chi si est agatadu e fatu deabberu; chie istúdiat, connoschet e iscriet s'istória Sinònimos e contràrios istoriadori.

istorinàre , vrb: istorrinare, isturrinare Definitzione girare a sa bandha contrària una vite (o àteru deasi), po ndhe dha fàere essire; illascare e bogare de pare cosas firmadas a vites Sinònimos e contràrios istorinigliare, sturnai, sviai Tradutziones Frantzesu dévisser Ingresu to unscrew Ispagnolu desatornillar, destornillar Italianu svitare Tedescu abschrauben.

istorinigliàre , vrb Sinònimos e contràrios istorinare, sturnai, sviai Ètimu spn. destornillar.

istorínu , agt Definitzione de astore? / pudha istorina = ? Frases lah, sa pudha istorina: no cheret apaghiare, est sempre a gherrizu!

istoriòne, istoriòni , nm Definitzione genia de pische Terminologia iscientìfica psc, acipenser sturio.

istorítu , nm: astoritu*, storitu Definitzione pigione mannu papadore de petza Sinònimos e contràrios vedidore Terminologia iscientìfica pzn.

istorodhàre , vrb Sinònimos e contràrios ibentiare, illeredhiare, illeriare, sciolloriai Frases vae chi za ti apo cumpresu, ca mancari mi sia istorodhandhe no seo a cussu puntu! (T.Cherchi)

istoródhu , nm Sinònimos e contràrios allódhiu, ibbàmbiu, illériu, istrallóbbiu, laredha Frases sos pitzinnos sont ridendhe intendhendhe totu cussos istorodhos ◊ credites chi bi godo a intèndhere cussos istorodhos?! (T.Cherchi)◊ cussas domos noas sunt gai pro sos istorodhos de sos ingenieris Ètimu srd.

istorradòre, istorradòri , nm: storradori Definitzione cudhu chi in calecuna chistione si ponet in mesu o cricat de cumbínchere s'àteru a s'istorrare, a cambiare idea in su chi iat giai decídiu Ètimu srd.

istorrài, istorràre , vrb: storrai Definitzione torrare o fàere torrare agoa, torrare a pentzare a una decisione pigada o idea e decídere de àtera manera, cambiare idea, cambiare abbitúdine, bogare de cabu a calecuna cosa fintzes decídia; fintzes menguare, torrare a prus pagu / picioca istorrada = fidantzada chi si est lassada cun su fidantzadu Sinònimos e contràrios ibbortare, ilfurriare, stolli, tonchinare | ctr. cumbínchede Frases su bentu aiat istorradu sas naves de su viàgiu insoro ◊ andhamus candho cherimus, no nos at a istorrare s'ite de fàchere! ◊ sos coros istorrant de dolore ◊ che fia in sa de sorre mia pro ndhe l'istorrare de fàghere cussa lassapia a sa crésia (G.Ruju) 2. bòcali de capu, mira chi babbu at resone de no lu chèrrere e de t'istorrare! ◊ tue no as a istorrare de is paràulas chi as ispesu! 3. a bias tocat de istorrare sa fiama torrèndhela a iscaldire a fogu lentu pro li acontzare sa tèmpera ◊ su frumi in s’istadi istorrat a coreta Sambenados e Provèrbios prb: mellus a s'istorrai de s'àcua pagu Ètimu srd. Tradutziones Frantzesu dissuader, changer d'avis Ingresu to dissuade, to change one's mind Ispagnolu disuadir, cambiar de idea Italianu dissuadére, ripensare, recèdere, cambiare idèa Tedescu abbringen, seine Meinung ändern.