A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

mesucuméntu mesincuméntu

mesudí, mesudía mesadí

mesudiànu , nm Definitzione genia de istrégiu: mesu tianu Sinònimos e contràrios lebbreri, scifedha, tavania Terminologia iscientìfica stz.

mesudíe mesadí

mesudínta , nf Definitzione unu colore pagu càrrigu, craru.

mesugàltu , nm Definitzione medida, su mesu de unu cartu / pl. mesugaltos Ètimu srd.

mesugànna mesagànna

mesugràna , nf Definitzione orrobba tinta cun su ranedhu (frutu de granadilla), de colore orrúbiu cotu Sinònimos e contràrios grana Ètimu srd. Tradutziones Frantzesu étoffe écarlate Ingresu scarlet cloth Ispagnolu escarlatina Italianu panno scarlatto Tedescu scharlachroter Wollstoff.

mesuía , nm Definitzione mesu de sa bia, in mesu, ananti: própriu su tretu inue si depet passare Frases totu custa cosa in mesuia nos faghet fintzas rúere e cheret franta! Ètimu srd.

mesuídha , nm Definitzione su coro de una bidha, orrugas e bighinaos de mesu, is prus aintru, is prus in mesu Sinònimos e contràrios introevidha.

mesulànu , agt Definitzione de mannària o grussària a metade tra su prus mannu e su prus piticu, tra su prus e su prus pagu; nau de angione pesau, chi est naschiu a trigadiu (essindho s'ierru) e portat po cussu lana curtza Sinònimos e contràrios mesulinu, ràsinu Ètimu srd.

mesulínu , agt Definitzione nau de mannària (de carena, de tempus), chi est a metade Sinònimos e contràrios mesulanu / cdh. mizulinu Frases ant ghiradu una sacajedha mesulina a si la còghere Ètimu srd.

mesulítru , nm Definitzione aina po medire su tanti de sa metade de unu litru; est fintzes su tanti de sa cosa media Frases su crabaxu teniat sa taca po mesurai su lati, ca a tempus de prima litru e mesulitru no ndi portànt 2. in su tzilleri si at fatu pònnere mesulitru de binu niedhu Terminologia iscientìfica ans.

mesulúna , nf Definitzione ferru po pistare peta; mescamente aina de coghina cun atza segante fata a mesa luna e de pigare a duas manos po fàere a orrughedhos petza, chibudha o àtera cosa passandhodha in pitzu a tzantzigadura Terminologia iscientìfica ans Ètimu itl. mezzaluna.

mesumésu , avb Definitzione in mesu giustu giustu Sinònimos e contràrios perraberra Frases si est fadhidu mesumesu Ètimu srd. Tradutziones Frantzesu en plein Ingresu completely Ispagnolu de lleno Italianu in pièno Tedescu mitten.

mesunòte, mesunòti, mesunòtis mesanòte

mesúra , nf: misura Definitzione istrégiu o aina po medire; su tanti chi est sa cosa media (e fintzes bestimentu fatu); manera de fàere is cosas chentza ndhe perdimentare, chentza ndhe pònnere (o nàrrere) prus de su chi tocat o chentza crabbu / a./c. sa misura de is laores prena a oros pigat chimbe litros Sinònimos e contràrios addeda, medida / arrispàrmiu Maneras de nàrrere csn: m. a cucurru, o a cúcuru = prena prus de a oros, acucurrada de fàghere a muntone in mesu, bundhante; m. a oros = a rasu, a paris de sos oros, zusta Frases mastru chentza mesura, mastru de cadragula ◊ cun metro misura e pesa mesuras, pesas e medis… 2. a su póberu dhi benit dogna misura 3. sa misura est bella in dogna cosa: biadu chini dha scit usai (Taccori) Sambenados e Provèrbios smb: Misura / prb: in murus e in crasura is fuedhus a mesura ◊ in domu chi no dhoi at mesura, dónnia sienda pagu durat Tradutziones Frantzesu mesure Ingresu measure Ispagnolu medida Italianu misura Tedescu Maß.

mesuràda , nf Definitzione su misurare; sa móvia de sa manu, s'ingestu o movimentu chi si faet cun sa manu coment'e po iscúdere o bolendho fàere calecuna cosa Sinònimos e contràrios manigiada, tramesada 2. si mi faghet sa mesurada che li do a subra! ◊ a sa mesurada de su fuste no si ndh'at bidu mancu s'alluta! (G.Ruju) Ètimu srd.

mesuradòre, mesuradòri , agt, nm: misuradore Definitzione chi o chie medit, pigat is misuras Sinònimos e contràrios ammadidori, suradore Ètimu srd. Tradutziones Frantzesu mesureur Ingresu measurer Ispagnolu medidor Italianu misuratóre Tedescu Meß…, Messer.

mesuradúra , nf: misuradura Definitzione su medire, su misurare, su averguare su tanti de calecuna cosa, o fintzes cantu cosa cabet Sinònimos e contràrios ammisitadura, medidura, mesuramentu Frases sa pressioni sua àrtziat e calat intr'e una mesuradura e s’àtera Ètimu srd. Tradutziones Frantzesu mesurage Ingresu measuring Ispagnolu medición Italianu misurazióne Tedescu Messung.