A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

mésmu mélmu

mesòni majòne

mesorèdha , nf Definitzione una mes'ora, agiummai mes'ora.

mèssa , nf Definitzione su messare, su trebballu de ndhe segare su laore a messadura; su tempus chi s'istat messandho Sinònimos e contràrios messera, messóngiu, messura Frases sa messa dh'apo fata totu a solu, no apo cricau is àteros! Terminologia iscientìfica msg Ètimu srd. Tradutziones Frantzesu moisson Ingresu reaping (time) Ispagnolu cosecha Italianu mietitura Tedescu Mähen, Mahd, Erntezeit.

mèssa 1 mènsa 1

messadòlza , nf: messadorza, messadoza Definitzione aina segante po messare laore (a dentes finedhedhas) o fintzes erba (a lama chentza dentes); tempus de messare Sinònimos e contràrios falche / messera / ttrs. missadògia Frases ant a incannare su messonzu cun d-una messadolza Terminologia iscientìfica ans Ètimu srd. Tradutziones Frantzesu faucille Ingresu scythe Ispagnolu segadera Italianu falce messòria Tedescu Sense.

messadòre, messadòri , nm: messatore Definitzione chie messat; una genia de bobboi chi faet in s'abba e narant andaciana o pischeri Sinònimos e contràrios ttrs. missadori Frases a mesudí is messadoris si firmànt e si setziant in s'umbra Ètimu srd. Tradutziones Frantzesu moissonneur Ingresu reaper Ispagnolu segador Italianu mietitóre Tedescu Mäher, Schnitter.

messadòrza, messadòza messadòlza

messadúra , nf Definitzione su messare, ma nau pruschetotu de una manera de segare a meda, coment'e candho si messat / loris a m. = trigu, órgiu, avena Sinònimos e contràrios ttrs. missadura Ètimu srd.

messàgiu massàgiu

messài massài

messàju massàgiu

messalzàre , vrb Definitzione piscare ambidha (in is errios faendho messarzu) Ètimu srd.

messàlzu , nm: messarzu Definitzione muru a istúturu in is errios po pònnere sa nassa a cassare su pische, logu inue si parant is nassas po piscare Sinònimos e contràrios nassàrgiu*, pischera Terminologia iscientìfica pscd Tradutziones Frantzesu barrage Ingresu weir Ispagnolu corral Italianu pescàia Tedescu Flußwehr.

messàre, messàri massài

messarítzia , nf Definitzione prus che àteru, totu su chi est trebballu de campu po fàere laores, ma fintzes is fainas de sa massaja in domo Sinònimos e contràrios laorera, laoronzu, laurantza Frases sa messarítzia de is féminas abbisòngiat de un'ómini chi portit a domu, sa messarítzia de is óminis bolit fortzas e resisténtzia a su trabballu (G.Cossu)◊ custu logu at pigau fama po sa messarítzia Tradutziones Frantzesu agriculture Ingresu agriculture Ispagnolu agricultura Italianu agricoltura Tedescu Landwirtschaft.

messàrzu messàlzu

messatòre messadòre

messàu , pps, agt Definitzione de messare; chi ndhe ant messau su laore, chi est messau Tradutziones Frantzesu moissonné Ingresu reaped Ispagnolu segado, cosechado Italianu mietuto Tedescu gemäht.

messè , nf Sinònimos e contràrios gràcia, piachere Frases Signore, bos dimandho una messè si acasu in su cantare apo faltadu.