A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

mincidiósu , agt, nm: minciriosu Definitzione chi o chie acostumat a nàrrere fàulas, cosas chi no funt / bogai m. a unu = bogàrelu a faularzu, nàrrere cun totugantos chi est faularzu Sinònimos e contràrios fabularzu, fingiu, impostore, mincidiàrgiu Frases funt diventaus malignus, birbantis ispaciaus, minciriosus, imbrollionis, paparoris e trogheris isfaciaus Terminologia iscientìfica ntl Ètimu srd. Tradutziones Frantzesu menteur Ingresu liar, false Ispagnolu mentiroso Italianu mentitóre, mendace Tedescu lügnerisch, Lügner.

mincidíssu mentzitíssu

mincídiu micídiu

minciòne minchiòne

mincionería , nf Definitzione su èssere minchiones Sinònimos e contràrios balossímini, boveria, tonteria Tradutziones Frantzesu couillonnerie Ingresu stupidity Ispagnolu credulidad Italianu minchionerìa Tedescu Dummheit.

minciòni minchiòne

mincipillàcu , nm Definitzione giogu, a intzintziedhare sa cara cun berdone abbruxau.

mincíri , vrb Definitzione nàrrere chi (ccn. cosa) no fut o no est berus, chi fut totu fàula, chi no fut deasi, fintzes andhare male, giare un'arresurtau chi no est su chi s'ibertaiat Sinònimos e contràrios denegare, necare, sminciri Ètimu srd.

minciriósu mincidiósu

minciríssu mentzitíssu

mincíu , pps, agt Definitzione de minciri; nau de unu, chi est légiu, andhau male, chi est làngiu làngiu.

minciúdu , agt: mincrudu, mincudu Definitzione nau de ómine, chi est càrrigu meda, chi portat 'trastu' mannu (sa natura manna meda); dhu narant fintzes in su sensu de mascu Sinònimos e contràrios pissetone Ètimu srd.

minciúle , nm Definitzione sa natura de su porcu mascu Sinònimos e contràrios selire Ètimu srd.

míncra mínca

mincrallígru , agt, nm Definitzione chi o chie dhi praghent is féminas, chi andhat a féminas Sinònimos e contràrios feminari Ètimu srd.

mincríle , nm Definitzione sa natura de s'ómine, de su mascu Sinònimos e contràrios bilga, minca, mindrónguru, selire, sira / cdh. minchili Ètimu srd.

mincròne minchiòne

mincrúdu, mincúdu minciúdu

mínda, míndha , nf: ammindha, minna Definitzione su terrenu tentu a pàsculu, su pàsculu puru (su chi creschet a solu e fintzes su semenau); a logos est una fune longa po acapiare su cuadhu a manera de pòdere pàschere / min. mindhighedha; prèndhere (su mannale) a mindha = trobeire o prèndhere a cadena de no istesiare; nàsciri a minda = a meda Sinònimos e contràrios cunsolza, musungili, paschidórgiu, pastura Frases no dhue iat mancu unu cantu de minna pro amminnare s'àinu ◊ su pastore deviat dare contu a unu fiotedhu de fiados berveghinos in sa mindha 2. in citadi nascint is domus coment'e su cardulinu a minda! Terminologia iscientìfica pst Tradutziones Frantzesu pâture Ingresu grazing (land) Ispagnolu pasto, dehesa Italianu territòrio a pàscolo Tedescu Weideland, Trift.

mindhafutía , nf Definitzione manera de fàere, a sa mi ndhe afuto, abbitúdine de chie pagu e nudha si ndhe importat de is cosas e chistiones, discóidu mannu Sinònimos e contràrios descuidu, afutinzu, trascura | ctr. contibizu, incuru Frases pro sa mindhafutia bostra est andhendhe totu innoromala! Ètimu srd. Tradutziones Frantzesu je-m'en-foutisme Ingresu don't-give-a-damn attitude Ispagnolu pasotismo Italianu menefreghismo Tedescu Gleichgültigkeit.