A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

minàta menèta

minatàre menentàre

minatéri , agt Definitzione chi ammeletzat, chi faet a tímere calecuna cosa Sinònimos e contràrios ammeleciosu, menetosu Ètimu srd.

minatósu menetósu

minàxi minàrzu

mínca , nf: míncia, mincra Definitzione de sa natura de s'ómine a sa parte de fora, sa parte chi inchíbberat e intèterat, grussita e longa / partes de sa m.: sa conchedha/-u o papu (sa punta, ue acabbat su cundhutu chi ndhe bogat s'orina de sa busciuca e fintzes su sèmene sessuale), s'iscrafudhu (pígiu de pedhe bundhante chi ammontat totu su papu candho sa m. est cédia o 'morta', e chi si arretirat innudandho su papu comente sa m. s'inchíbberat); s'inchibberare de sa m. = arretare, arritzare; m. morisca = zenia de antunna, bidhítziri (Cynomorium coccineum) Sinònimos e contràrios cozona, doddoredha, dòrrola, ghignu 1, pica 3, pillica, pigliona, piola 2, pisseta, pitzota Frases minca macaca, tue est chi mi as giutu a su casinu, tu'est chi mi as trazadu a s'ispidale! (P.Mereu) Terminologia iscientìfica crn, ssl Ètimu ltn. *mincla Tradutziones Frantzesu pénis Ingresu penis Ispagnolu pene Italianu pène Tedescu Penis, Schwanz (triv., salopp.).

mínche míche 1

minchellélu mianchélu

minchemòru , nm Definitzione cagalloni istrantaxu o cardulinu de mari, minca morisca, nada deosi po sa forma e su colore, est una genia de erba o codrolinu longhitu e grussu, in colore de castàngia cotu Sinònimos e contràrios bidhitzini, pidhíciu, sedhitzi Terminologia iscientìfica rba, Cynomorium coccineum Ètimu srd.

minchillòni , nm Sinònimos e contràrios mindrónguru, minciale.

minchionàre , vrb Sinònimos e contràrios imbovai, ingannai.

minchiòne , nm: mincione, mincioni, mincrone Definitzione chie si lassat ingannare o fàere totu cun tropu facilidade Sinònimos e contràrios calloni, minchilloni, mindrónguru, minciale Frases no as a chèrrere chi apare sas palas che mincione a sos corpos! Ètimu itl.

minchítu , agt, nm Definitzione nau de persona, chi est istrízile meda, cannàile, e tandho fintzes de pagu impita Sinònimos e contràrios finigosu, iltrízile, schirriolu, stinghiritzu Frases azua a sorre tua, ca cussa est minchita e si cambat, no bi la faghet a muntènnere sa tenta che a tie! Terminologia iscientìfica zcrn.

mínci , iscl Definitzione foedhu nau coment'e po tzacu, arrennegu: su santu chi t'at fatu!, chi t'at nàsciu! Frases minci chi t'at tachedhau, gei dh'asciutas sa cubedha!… (L.Matta)

mínci 1 , prn Definitzione mi + nci: miche 1, mindhe 1, prn. su primu e avb. s'àteru, impreaos ambos foedhos impare apustis de su vrb. in sa forma de s'impr. Frases lassaminci essí a pigai ària! ◊ lassaminci crocai pagu pagu! (A.Melas)

míncia mínca

minciàle, minciàli , nm Definitzione unu chi si lassat cullonare, chi totus dhu cullonant Sinònimos e contràrios babbaocu, baliodha, bichimmeo, bovo, bucalloto, gingiorre, minchilloni, minchione, mindrónguru, tolondro Frases nois semus sos sólitos minciales coglionados in modu diplomàticu ◊ mal'apat e mascu, sempri atumbendi: ma chi no t'iscorramu emu a èssi minciali! Tradutziones Frantzesu bête, sot Ingresu fool Ispagnolu bobo Italianu sciòcco Tedescu Dummkopf.

mincidiàre , vrb: mintzidiare, mintziriare Definitzione giare ocasione, fàere arrennegare Sinònimos e contràrios agghegiare, incidai, inciulai, insissiligai, intriscare, inzerrare, tinghitare Frases bae innorobbona, bae: continu mintzidiendhe a s'unu e a s'àteru! (G.Ruju)◊ isse candho lu mintzídiant no istat duiddui a rispòndhere male! ◊ est istadu vostè a nos mintzidiare: si ndhe acollet sa resessida! ◊ sos nemicos issoro no los ant mintziriatos prus Ètimu srd. Tradutziones Frantzesu provoquer Ingresu to provoke Ispagnolu provocar Italianu provocare Tedescu auslösen, hervorrufen.

mincidiàrgiu , agt, nm Sinònimos e contràrios fabularzu, fingiu, impostore, mincidiosu Ètimu srd.

mincidiosàtzu , agt, nm Definitzione mincidiosu, nau a disprétziu, cun arrennegu.