A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

montícru , nm: montígiu, montigu, montiju, montiscru, montixu, montricu, montrigu, muntiju, muntricu, muntrigu Definitzione genia de montighedhu piticu, bàsciu bàsciu (a bortas dhu narant monte etotu in logos de basciuras) Sinònimos e contràrios cúcuru, frunchizolu, sedha Frases sos montígios si sunt assacarrendhe d'erva ◊ in cussu montigu si apubat una cresiedha ◊ sas arveghes che sunt pigadas a su montiju ◊ arrèssati un'azicu supra de carchi montricu! ◊ bi at montes artos e montiscros ◊ su babbu at datu duas lampitzatas in supra de su muntricu ◊ abberindhe s'istrada, pustis de duas chidas de triballu ant àpidu su nodu frimmu de su montrigu de Sa Corona ◊ bestint de ulia e laru ogni montrigu ◊ bi at bidhas inghiriadas de montigos Terminologia iscientìfica slg Ètimu ltn. montic(u)lus Tradutziones Frantzesu colline, coteau, monticule Ingresu hill, hillock Ispagnolu colina Italianu collina, còlle, monticèllo Tedescu Hügel, kleiner Berg.

montigàrgiu monticàrzu

montígiu, montígu, montíju, montíscru, montíxu montícru

montizólu , nm Definitzione tretu in artu, a cúcuru a bisura de monte Ètimu srd.

montò , agt Definitzione calidade de pira.

montoàre mantovàre

montogàda mandagàda

montogàre mantovàre

montóu, montóvu mentóvu

montovàre mantovàre

montraxía , nf Definitzione is campagnitos, gente chi faet abbitu e trebballat in su sartu Ètimu srd.

montràxu montàlzu

montrechèdha , nf: muntrechedha, mustrechedha Definitzione una calidade de mudegu chi faet bàsciu, terràngiu, prantaritinu Sinònimos e contràrios mudéciu Frases cussas terras sont agrestatas e prenas de mutrechedha e de gardu Terminologia iscientìfica mt, Cistus salviaefolius Ètimu srd.

montrícu montícru

montríga , nf Definitzione in logu de erriu, passadórgiu a sa bona fatu coment'e ponte cun cambos de linna grussa e sida Sinònimos e contràrios giampadorzu, pontica*.

montrígu montícru

montúra , nf Definitzione su bestimentu o divisa de is militares Ètimu itl. montura Tradutziones Frantzesu uniforme Ingresu uniform Ispagnolu uniforme (m) Italianu divisa, unifórme Tedescu Uniform.

monumentàle , agt Definitzione nau de cosa o òpera, chi est mannu meda e de importu, coment'e monumentu.

monuméntu , nm Definitzione genia de fràigu piticu chi si faet (a bortas fintzes cun istàtua, iscultura) po arregodu de calecunu fatu o de ccn. Sinònimos e contràrios molimentu* Tradutziones Frantzesu monument Ingresu monument Ispagnolu monumento Italianu monuménto Tedescu Denkmal, Monument.

mònza mògna