tzístu , nm Definitzione genia de móvia cun sa manu, o sa conca, coment'e bolendho nàrrere calecuna cosa Sinònimos e contràrios acinnira, ammiada Frases mi faghet de tzistu po mi acosiare e che li andho acurtzu.
tzistúpu , nm Definitzione arma de isparare, fosile Sinònimos e contràrios fosile, isciapete, iscopeta, trumboni Frases curre cun canes e cun su tzistupu (P.Pisurzi) Terminologia iscientìfica rms Ètimu itl. schioppo.
tzíta , nf Definitzione
avisu a su pretore, a tribbunale po calecunu pretu; avisu de pagamentu e fintzes genia de singiale de su chi depet acontèssere / dare tzitas = atzitzare, ispuntorzare, donai ocasioni, dare aggheju
Sinònimos e contràrios
tzitu 2
Frases
su marisciallu che giughet una carta de bullu cun sa tzita a sa giustíssia pro li fàghere su dibbatimentu ◊ a candho est sa tzita pro cussu dibbatimentu?
2.
si no farto, custa tzita est cosa de pagare! ◊ custa est sa tzita de pagamentu de sa lughe
3.
Pascualinu dabat tzitas a su socronzu a mandhare su telegramma ◊ Chischedha possediat unu giosso in domo de su connau e non liu aiat mai chérfiu tzèdere: pro cussu fint sèmpere a fustes ritzos e dàndhesi tzitas
Ètimu
spn.
cita
Tradutziones
Frantzesu
sommation de payement
Ingresu
summons,
payment advice
Ispagnolu
citación,
apremio,
premonición
Italianu
citazióne,
avviso di pagaménto,
premonizióne
Tedescu
Vorladung,
Zahlungsanzeige.
tzitàde, tzitàdi , nf: citade* Definitzione logu de abbitu mannu, de gente meda, ue dhue funt is cumandhos mannos / lampione de tzitade = nau a befa, unu chi dhu'est a mustajone, in debbadas (e chi mancari si credet puru) Frases triballade, triballade, o pòveros de sas bidhas, pro muntènnere in tzitade tantos cadhos de istalla!…(F.I.Mannu) 2. lampione mannu de tzitade, aite bi ses, a ti zogare a su pudhu ’e casta?!
tzitadínu , nm, agt: citadinu* Definitzione sa persona po cantu est e istat coment'e parte de un'istadu sugeta a is leis suas, a diritos e doveres; chi est de citade, chi pertocat sa citade.
tzitài, tzitàre , vrb: atzitai, citare*, tzitare Definitzione pònnere in giustítzia a unu po calecunu iscórriu, ofesa, dannu; fintzes tzerriare cun paperi iscritu comente faet s'autoridade Sinònimos e contràrios carelare, cramari, denuntziare Frases poita no tzitat a tziu Lallu, si dh'at morta issu?! 2. no ti as a crere unu Garibaldi a ti pònnere fatu milli volontàrios e gai los tzitas a cumbatimentu!…
tzítara , nf: tzítera Sinònimos e contràrios bibbigorra, cantaganta, chíchela, cicirida, cixigraxa, sitzigarra*, sitzigolla, tzitarra Terminologia iscientìfica crp.
tzitàre tzitài
tzitàrra, tzítarra , nf Definitzione genia de bobboi a bisura de musca manna meda chi in s'istade, mescamente a oras de basca, istat sèmpere cantandho Sinònimos e contràrios bibbigorra, cantaganta, chíchela, cicirida, cixigraxa, sitzigarra*, sitzigolla, tzítara Terminologia iscientìfica crp, tibicen plebejus.
tzítera tzítara
tzitíre , vrb: citiri* Definitzione abbarrare o istare citiu; fàere istare mudu, fàere chellare Sinònimos e contràrios assamudare, atzitare, atzitire, cagliare | ctr. faedhare Frases si fint tzitios unu mamentu coment'e bintos de su mudore 2. annusocru lu brigavat e peri comare lu tzitiat.
tzítu , agt: citu* Definitzione chi no est foedhandho / pònnere su tz. a unu = fàere citire, fàere istare mudu, nàrrere a si chellare Sinònimos e contràrios mudu / cagliadu, citiu Frases commo mi as a pònnere su tzitu tue, apo a èssere briva de apèrrere buca!…◊ dae candho ses abbitandhe chin cussa zente l'imbenit chi ti cheres picare s'ampramanu de mi pònnere su tzitu!◊ ti navant "tzitu!" e devias tzitire!
tzítu 1 , nm: citu* 1 Definitzione dinare, nau in su sensu de pagu cosa Sinònimos e contràrios sodhu, tzentésimu.
tzítu 2 , nm Definitzione su tzitare, prus che àteru nau po tzerriada, mutia Sinònimos e contràrios ciamada, ciamu, giàmida, mutia, tzita*.
tzítula tzíntzalu
tzítza , nf: tiza* Sinònimos e contràrios fita, istilliada Frases giuchet sos otzales chi parent duas tzitzas de chipudha postas supra de sos ocros ◊ si at picatu duas tzitzas de pane chin sarditza.
tzitzàina tzintzània
tzítzala tzíntzalu
tzitzània tzintzània
tzítzela tzíntzalu