V , nf: (vu) Definitzione sa de binti líteras de s'alfabbeto est unu sinnu chi si manígiat po su sonu fricativu labbiodentale sonoru chi si faet bogandho sa boghe cun is dentes de pitzu acostias tocandho a sa lavra de asuta: essendho sonu fatu a lavras, che a sa /b/ (chi si faet cun ambas lavras, e che a sa /f/ chi si faet a sa matessi manera de sa /v/ ma cun sa diferéntzia chi si ponet po sonu 'surdu' ca prus de sa boghe s'intendhet su frigóngiu), dhue at foedhos chi cun lítera de cuménciu cun d-una de custas cunsonantes podent arresurtare variantes de su matessi significau (es. vènnere/bènnere, vinu/binu, voche/boche, voe/boe, vonu/bonu, vuca/buca) e in fonética sintàtica est sa muda de su fricativu labbiodentale surdu in cuménciu de foedhu apustis de vocale (es. su fogu = nr. suvógu, de ferru = nr devérru). Iscriendho no serbit mai a dh'addopiare ca no dhue at mai de distínghere unu matessi sonu 'longu' de unu lébiu o 'curtzu': si cambiamentu faet est a unu sonu e a una lítera diferente deunudotu: /f/ (fricativu labbiodentale surdu, es. avitziai/afissiai) o /b/ (bilabbiale sonoru, es. avesu/abesu, abiai/aviare, avuzu/abuzu). In is números romanos sa V balet chimbe.
vàca , nf Definitzione genia de pischighedhu de mare Sinònimos e contràrios bachixedha Frases ammisturu prupu, sépia cun pagellu, gallinetas cun sorellu, vacas, òrgunus… una bella cassola! Terminologia iscientìfica psc, serranus scriba Ètimu ctl. vaca.
vàca 1 , nf: baca* Definitzione sa fémina de su pegus de bulu Maneras de nàrrere csn: vaca ’e corru = zenia de cocoi; andhare a vacas = bandulai, andhare a s'afaiu chentza ischire a ue Frases non depes pònnere a triballare sa prima anzada de sas vacas tuas ◊ tziu Bachis est contipizandhe su late de sas vacas ◊ at bistu pastores istéssitos pasanne sa carena murta che tita de vacas aortitas Sambenados e Provèrbios smb: Vacca.
vacacórru , nm: bacacorru Definitzione a logos, su tzintzigorru Sinònimos e contràrios babbacorra, cocoi, corrobaca, croca, pissigorru 1, sicigorru, tabacorra Frases vacacorru, vacacorru, voca sos corros! Ètimu srd.
vacadívu , agt, nm: bacadibu*, vacatiu Definitzione si narat de su bestiàmene chi no at angiau, de persona chi no s'est cojuada; die nódida, de festa, chi no si trebballat Sinònimos e contràrios bachianu, irgaitzu, solteri | ctr. cojadu 2. sas dies de vacatiu istaiamus annanne e beninne ◊ ajó e piantadechela, mudàdevos cudha cara de sas dies de vacadivu!
vacagliàre , vrb: bacarzare* Definitzione pàschere, atèndhere is bacas, fàere su pastore de bacas.
vacàgliu , nm: bacàgiu*, vacàrgiu, vacarju Definitzione chie pastórigat bacas Sambenados e Provèrbios smb: Vaccargiu.
vacàniu , agt, nm: bachianu*, vachianu, vagianu, vajanu Definitzione nau de s'ómine, chi o chie no s'est cojuau Sinònimos e contràrios bacadibu, irgaitzu, solteri / cdh. vagghianu | ctr. cojadu Frases sa fiza est galu vachiana, in domo de su babbu.
vacantía , nf Definitzione tràila, magiola chi no at improssimau, istóiga.
vacantíu , nm: bacantinu* Definitzione tretu de terrenu abbarrau o lassau chentza semenau, buidu.
vacàntza, vacàntzia , nf: bacàntzia Definitzione
su tempus chi unu abbarrat iscabbúlliu de su trebballu, de s'istúdiu
Sinònimos e contràrios
féria
Frases
so partidu pro sas vacàntzias de istiu ◊ candu femu istudenti torramu a domu po is vacàntzias ◊ sas dies sunt torrados sos assessores friscos e pasados de sas vacàntzias ◊ candho istei piús mannita, mama e sorres mias si mi basaiant si paltia o torraia pro sas vacàntzias ◊ lunis su cocòi, martis sa fogatza, mércuris vacantza, gióbia arregàbudu, cenàbara e sàbudu sèmpiri piscau! (R.Locci)
Ètimu
itl.
Tradutziones
Frantzesu
congé,
vacances
Ingresu
holiday
Ispagnolu
vacación
Italianu
vacanza
Tedescu
Urlaub.
vacànza , nf: baganza Definitzione fémina chi no si est cojuada Sinònimos e contràrios bacadiba, bachiana | ctr. cojada.
vacànzu , agt, nm: bacanzu* Definitzione ómine chi no si est cojuau Sinònimos e contràrios bacadibu, bachianu, irgaitzu, solteri | ctr. cojadu.
vacarèdha , nf: bacaredha* Definitzione birilla, pícula (fintzes cudha chi faet su crechigione) Sinònimos e contràrios ballina, biríglia, dhàdhara Frases is vacaredhas si ndi abbastant de sa mata de orròali po giogari.
vacàrgiu, vacàrju vacàgliu
vacatíu vacadívu
vachèta , nf: facheta Definitzione cuadhu fémina; pruschetotu dhu narant de sa pedhe conciada de boes e bacas Sinònimos e contràrios aca, acheta 2. compraiaus sa vacheta po si fai is crapitas ◊ cussa vacheta fait solu de allamiera!…
vachianíu , nm: bachiania* Definitzione su èssere o istare bagadios Frases pro picare muzere gai mi ndhe avio achicadu de vachianiu a costas!…
vachiànu vacàniu