A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

vangantziósu , agt: vengantzosu Definitzione chi acostumat a si pagare de su male chi dhi faent Sinònimos e contràrios avangativu, fengassionosu, fengativosu, svengamentosu Terminologia iscientìfica ntl Ètimu srd. Tradutziones Frantzesu vindicatif Ingresu revengeful Ispagnolu vengativo Italianu vendicativo Tedescu rachsüchtig.

vangelída vagellíra

Vangélu , nm: Banzéliu, Evagnelu*, Vanzéliu Definitzione is iscrituras sagradas chi contant su chi at nau e fatu Cristos, su foedhu, sa beridade de Cristos o Testamentu Nou; beridade assoluta / giurai apitzus de su V. = manera de zurare, prus porosa Frases no poto leare sas cosas chi naras tue che vanzelu! ◊ Cristus me in su vangelu at nau: Non si pigheis tropu pistighíngiu po is bènis de sa terra! 2. su chi ti narat isse est vanzelu e depes pònnere mente e bastat!

vanidàde, vanidàdi , nf Definitzione cosa de perunu o de pagu importu, chi benit e passat chentza imprastu, de pagu dura e de pagu valore; fintzes unu fàere, una manera de èssere e de pentzare chi giaet importu a cosighedhas de nudha, chi si perdet in cosas chentza imprastu (e mescamente chi giaet importu esagerau a iss'etotu) Sinònimos e contràrios alteriu, banesa, bantaxi, barrosia, blaga, magnosidade, pampallucheria, prejumu.

vanidadósu , agt, nm Definitzione chi o chie giaet importu a cosighedhas de pagu contu, chi mancari parent bellas ma no funt de sustàntzia; chi si credet, chi si giaet importu mannu, fintzes bellu meda Sinònimos e contràrios banosu, blagheri, creitosu, ispacone, pazaghe / cdh. vanaredhu 2. li ant fatu un'interru vanidadosu: unu muntone de grillandhas e de lussu bi aiat Tradutziones Frantzesu frivole Ingresu frivolous Ispagnolu frívolo Italianu frìvolo Tedescu eitel.

vantadòri , agt, nm: bantadore* Definitzione chie bantat (is àteros o a issu etotu) Sinònimos e contràrios bantageri, ventulanu.

vantagéri , agt: bantaxeri*, vantaxeri Definitzione chi si giaet bàntidos, chi dhi praghet a dhu bantare Sinònimos e contràrios bantaditu, bragosu, galaberosu, pageri, pagiosu, vantagiosu / cdh. vantaríciu.

vantagiólu , agt Sinònimos e contràrios bantageri, vantadori Ètimu srd.

vantagiósu , agt Definitzione chi o chie si credet meda, chi si bantat Sinònimos e contràrios banosu, bantaditu, bantageri, blagheri, bragosu, ispacone, pageri, pagiosu, ventulanu Frases bagaria vantagiosa, isciacuadidhus is peis…: no ti as a fai isposa mancu cun chi ti creis! ◊ bagariu vantagiosu, chi ti ant a biri isposu no at a èssi cun mei! Terminologia iscientìfica ntl Ètimu srd. Tradutziones Frantzesu présomptueux Ingresu presumptuos Ispagnolu presumido Italianu presuntuóso Tedescu eingebildet.

vantàgiu , nm: avantàgiu Definitzione su chi si ndhe tenet de una cosa, de bonu, de méngius, de prus Sinònimos e contràrios antavàgiu, conchistu Ètimu itl. vantaggio.

vantài , vrb: bantai*, vantare Definitzione giare is bàntidos, pònnere o nàrrere bene de unu, de una cosa Sinònimos e contràrios abbagianai, alabai, alabantzai | ctr. ilzenzare, spretziai Frases chini si vantat ricu est palleri.

vantàna , nf: fentana*, ventana Definitzione apertura pitica, a mesania de su muru, in is domos Sinònimos e contràrios balcone, bentana, fenesta Frases de sa vantana mia biu totu su mundu ◊ sentza mi abbèrrere ventana e ne gianna passo sa note ◊ iscanzate sos portillitos de sa ventana!

vantàre vantài

vantaxéri vantagéri

vantàzu vantàgiu

vantelícu , nm: fantallicu, ventalicu Definitzione genia de trastu de pònnere in ananti acapiau a chintzu po no s'imbrutare Sinònimos e contràrios antaledha, davantabi*, fadreta, falda, frandha, panneananti, saúciu.

vantícula , nf Definitzione chedha de gente, de cumpàngios Sinònimos e contràrios camarada, crimizone, cumarca, tribizone, trumulloni Ètimu itl. conventicola Tradutziones Frantzesu troupe, groupe Ingresu gang Ispagnolu pandilla, banda Italianu cricca, combrìccola Tedescu Clique.

vàntidu , nm: bàntidu* Definitzione su chi si narat de bonu po unu, ponendhosidhu a méritu, a prova, a balentia Sinònimos e contràrios abàntidu, bantu | ctr. inzenzu, menisprésiu.

vàntu , nm: bantu* Definitzione su chi si narat de bonu po unu, ponendhosidhu a méritu, vàntidu Sinònimos e contràrios abàntidu, bàntidu | ctr. inzenzu, menisprésiu.

vànu , agt Definitzione nau de ccn., chi est pagu sériu, vanidadosu Frases fémina risulana o est maca o est vana.