Legenda Incurtzaduras | Legenda Sìmbulos

annúntziu, annúntzu , nm: núnciu Definitzione cosa chi si giaet a ischire innanti, cun tempus, su giare a ischire una nova Sinònimos e contràrios avisu, nova, sceda Frases camminànt chini murrungendi, chini prexau po su fragu de mari chi fiat coment'e s’annúntziu de sa torrada (F.Carlini)◊ candho apedhant is canes totu paris, annuntzu malu est! (I.Patta) Tradutziones Frantzesu annonce Ingresu announcement Ispagnolu anuncio, aviso Italianu annùnzio Tedescu Mitteilung.

bandhíre , vrb: bandiri, bannire Definitzione betare su bandhu; fàere ischire, nàrrere sa cosa a totus, a gente meda / b. in sas bàtoro contonadas = dare a ischire sa cosa a totugantos, iscandhulizire una cosa Sinònimos e contràrios bandhizare, gridai, trumbitai / isprubbicare Frases su benniolu est banninne frófighes e pètenes ◊ at bandhidu pumatas friscas a piatza Ètimu itl. Tradutziones Frantzesu crier une annonce Ingresu to announce Ispagnolu pregonar Italianu bandire, pubblicizzare Tedescu bekanntmachen.

bàndhiu , nm: bandhu, bandu, bannu 1 Definitzione cosa, segurtade chi si giaet a ischire a sa bidha (es. de cosa a bèndhere); cosa chi si giaet a ischire chentza si dèpere / betare, betàrendhe, ghetai, detai su b. = dare a ischire introidha, dare a ischire cosa chi no si depet o chentza bisonzu, dare a ischire a zente meda Sinònimos e contràrios grida, pragoni Frases ant betadu su bandhu chi bi at pische friscu in piatza ◊ ant datu tocamentu chin su bannu ◊ su síndhigu at fatu betare su bandhu chi serrant s'abba ◊ su síndigu at mandau su bandidori a detai su bandu 2. comente l'at ischidu, luego ndh'at betadu su bandhu! ◊ como no betes su bandhu, mih, chi est curpa nostra cussu dannu! Sambenados e Provèrbios smb: Bandos, Bandu Terminologia iscientìfica sntz Ètimu itl. Tradutziones Frantzesu avis, annonce Ingresu announcement Ispagnolu pregón Italianu bando, annùncio Tedescu Bekanntmachung.

grída , nf Definitzione boghe arta meda de chie abbóghinat po dolore o bisóngiu mannu, o fintzes cuntentesa; cosa chi si giaet a ischire a sa gente peri is carrelas, a boghes / ghetai sa g. = dare o betare su bandhu, nadu fintzas in suspu in su sensu de lendhare, dare a ischire cosas chi no si depet Sinònimos e contràrios abboghiada, addorojada, boche, cérriu, corrúxinu, gràliu, ingrídulu, irgràmiu, pabada / bandhu Frases s'intendhiant sas gridas de sa zente acudida a bídere su dannu ◊ sas gridas chi at betadu? pariat chi lu fint bochindhe! 2. no eis inténdiu sa grida de bivi totus in paxi de immui innantis? ◊ e si ghetat sa grida: chini bollit comporai patata e pisu, andai a pratza ca dhui est su bendiou! 3. nos contaiant de tzente nostra chi aiat bocatu grida, ma oramai coment'e sinnos chene formas, iscraricatos e malos a ne fàchere impreu ◊ no timast, ge no apu a ghetai sa grida Tradutziones Frantzesu cri, annonce Ingresu annoncement Ispagnolu grito, bando Italianu grido, bando Tedescu Schrei, Bekkantmachung.

scèda , nf: isceda*, scera 2 Definitzione cosa chi si mandhat a nàrrere o chi si benit a ischire de calecuna chistione, de unu cumandhu, arresposta a una dimandha Sinònimos e contràrios apolta, arraspusta, assunta, noa, segurtade, segurtànsia Maneras de nàrrere csn: mandai, torrai sa s., tènniri s. ca..., de...; mi ndi eis a torrai sa s.! = mi ndhe azis a torrare sos contos!, azis a bídere s'antzua!, de seguru at a andhare male ca sa chistione est comente so nendhe deo! Frases est arribbada sa sceda lègia de sa spaciada sua ◊ torraimí sceda de cudha chistioni! ◊ mi at preguntau scedas de mammai ◊ depeus torrai sceda a chini si at mandau ◊ su cantadori campidanesu prus antigu chi s'iscínt scedas seguras est Nàssiu Deplanu ◊ ndhe allegamus e tra duas cidas torrais ca bosi torramus scera ◊ at fatu sa pregunta e aspetat a dhi torrai sceda ◊ est lómpia sa scera trista de sa morti sua 3. ni cun santus, ni cun tiaus no nci brulleis meda: assinuncas oi etotu ndi eis a torrai sa sceda e si apu a biri a bacedhus, fatus a cancarroni! Tradutziones Frantzesu renseignement, nouvelle, annonce, avis Ingresu information, response, news Ispagnolu información, noticia, anuncio Italianu informazióne, notìzia, respònso, annùncio Tedescu Information, Nachricht, Antwort, Mitteilung.

«« Torra a chircare