ampriòi , nm Definition su èssere ampru, largu, nau de is cosas, de su logu Synonyms e antonyms amplària, amplesa, amprura, lalghesa, lalgura, largària.
amprósu amplósu
àmpru àmparu
amprúa , nf: ampua 1 Definition una genia de orrobba, de tela / laras de a. = de coradhu, arrúbias Sentences apo téssidu prammu e mesu de amprua ◊ una mata de rosa bocat frore de amprua… ◊ si li est fata sa cara che a s'amprua Scientific Terminology ts Etymon ctl. filampua.
amprudhiàre , vrb rfl Definition
essire a primma, su si ofèndhere
Synonyms e antonyms
abbrodhiare*,
abbrufulai,
abbudhai,
abbuscinare,
acasidhare,
annicare,
atrafudhai,
pirmare,
pudhare 1
| ctr.
cuntentai,
prexai
2.
seo amprudhiada po cumente as tratau a tzia mia!
Translations
French
faire la moue,
bouder
English
to sulk
Spanish
enfurruñarse
Italian
imbronciarsi
German
schmollen.
amprúra, àmprura , nf Definition
su èssere ampru, logu ampru, largu meda: is ampruras de su mare, de s'aera
Synonyms e antonyms
amplària,
amprioi
Etymon
srd.
Translations
French
étandue
English
roomyness
Spanish
espaciosidad
Italian
spaziosità
German
Weite.
ampúa , nf Definition
disígiu arrabiau de fémina (o de ómine), de mascu
Synonyms e antonyms
debusia,
lusca,
sua 1
Etymon
srd.
Translations
French
volupté,
luxure
English
sensual pleasure
Spanish
voluptuosidad,
lujuria
Italian
voluttà,
libìdine
German
Wollust,
Lüsternheit.
ampúa 1 amprúa
ampuàda , nf: ampulada Definition
su artziare, andhare a in artu; logu chi faet andhandho e artziandho, faendhosi prus artu; cambiamentu chi faet sa persona candho creschendho cumènciat a tènnere disígiu de fémina (o de ómine), lompimentu o cumpridura sessuale
Synonyms e antonyms
alciada,
altzadòglia,
ficada,
muntada,
picada,
pigadorza,
pontinsusu,
pugiada
| ctr.
cabada,
falada
Scientific Terminology
slg
Etymon
srd.
Translations
French
montée
English
slope
Spanish
subida
Italian
salita
German
Aufstieg.
ampuadòre , agt Definition
chi dhi praghet in manera esagerada a cobèrrere
Synonyms e antonyms
budheri,
coallutu,
culeri,
pissineri,
tzurrosu
Etymon
srd.
Translations
French
libidineux,
voluptueux
English
lecherous
Spanish
libidinoso
Italian
libidinóso,
voluttuóso
German
lüstern,
wollustig.
ampuadúra , nf Definition
su èssere inganios a fémina (o a ómine)
Synonyms e antonyms
arretamentu,
ingrillimentu,
insoadura,
insuamentu,
lusca,
sciovadura,
suacione
/
cdh. cammariola
Etymon
srd.
Translations
French
concupiscence
English
concupiscence
Spanish
concupiscencia
Italian
concupiscènza
German
Lüsternheit.
ampuài, ampuàre ampiài
ampuàre 1 , vrb Definition
cumprire is capacidades sessuales, cosa chi lompet a fúrriu de is tréighi, batórdighi annos (dipendhet de s'unu a s'àteru) candho a sa fémina dhi cumènciant a crèschere is titas, mascu e fémina comènciant a impilire in s'oru de sa natura (a s'ómine dhi essit sa braba puru e cumènciat a bogare)
Synonyms e antonyms
aputzare
Sentences
su pisedhu est cumintzandhe a ampuare
Etymon
srd.
Translations
French
mûrir sexuellement
English
to mature
Spanish
alcanzar la madurez sexual
Italian
maturare sessualménte
German
reifen.
ampuàu , pps Definition de ampuai, -are; fintzes chi est prantau 2. margiani est a coa ampuada.
ampúdha , nf, nm: ampulla,
ampullu Definition
genia de istrégiu (de imbidru, de plàstica) de calecunu litru: largu in bàsciu, in su fundhu, sa parte de pitzu est a bisura de imbudu covecau, sèmpere prus istrinta fintzes a sa buca (dhue ndh'at chi funt totue paríviles e s'impiticant totinduna in s'oru de sa buca); genia de bubburuca prena de abbadúgia chi si faet in sa pedhe abbruxada / partes de un'ampudha: su fundhu, is costaos, su tzugu o tuturigu, sa buca; min. ampudhita, ampullita, ampullitedha / un'ampulla irguzada = istrugada, chi dhi ammancat su tuturigu, a tzugu segau
Synonyms e antonyms
àmbula,
impudha
/
bobbollonca,
fiodha
Sentences
sunt bufendhe su binu in su conzu sentza chircare ne ampulla e ne tatza! ◊ mamma, pongat sa mesa, sa tialla e s'ampudha! ◊ apu agatau cust'ampudha, prena: is atras funt buidas ◊ cherjo amigos cuntentos irboidendhe tassas e ampullas ◊ s'intendhet su fiagu de su binu travasadu in ampullos
2.
innantis de si fàghere su callu si faghet s'ampudha prena de abbaduza
Scientific Terminology
stz
Etymon
ltn.
ampulla
Translations
French
bouteille
English
bottle
Spanish
botella
Italian
bottìglia
German
Flasche.
ampudhíta, ampudhítu , nf, nm: ampullita Definition
min. de ampudha, ampulla minoredha, chi leat pagu (a pònnere profumos, campiones de licores, o àteru)/ min. ampudhitedhu
Synonyms e antonyms
ambuledha,
ambulita,
ampulledha,
butigliedhu,
flacone
Sentences
ci no arreiant abba in buca no arrenesciant a prènnere s’ampudhitu
Translations
French
petite bouteille
English
small bottle
Spanish
ampolla
Italian
bottigliètta
German
Fläschchen.
ampuecàla , nf Synonyms e antonyms alcialivala, pighefala Sentences no tenia gana de abarrai fadendi s'ampuecala in sa passillada Etymon srd.
àmpula àmbula
ampulacàrru , nm Synonyms e antonyms bantzicallera, bantzigannella, sanciainedha Scientific Terminology ggs Etymon srd.
ampulacélu , nm Definition giogu chi si faet a su pipiu piticu pesandhodhu in artu iscapu e aguantandhodhu comente cumènciat a calare Scientific Terminology ggs Etymon srd.