Ditzionàriu in línia
de sa limba e de sa cultura sarda

amorài ammoràre

amorajólu ammorajólu

amoràre ammoràre

amoràtu, amoràu ammoràdu

amòre , nm, nf: amori, more Definition sentidu e gosu de comunione e bonu fàere de istima e arrespetu, su bòllere bene Synonyms e antonyms afetu, apegu, istima / ammoronzu | ctr. ódiu, tírria Idioms csn: fàghere una cosa, leare a unu amore amore = cun delicadesa; pònnere a. a unu = ghetai istima; àere amore a ccn. = istimare a ccn.; fai s'amori = fastigiai, ammorare; amori de ogus = sentidu ebbia, itl. amóre platònico; a. de tocamentu = amore 'rassu'; andai in amori (nadu de sos animales) = èssere suados, àere gana de su mascru; èssiri in amori (nadu de laores) = sicau, cannemebi, in sa muta zusta pro ndhe lu messare Sentences como ti apo avisadu chi no ti tenzo amore pro ca tenzo in su coro àtera rosa (P.Mereu)◊ su coro màrghinas de chie, Nina, at postu amore a tie! (F.Sechi)◊ sas amores seguras sunt raras ◊ lu fato pro amore tua ◊ s'amori cosa miu est solu unu disígiu ◊ s'amore noa lassat sa betza 2. est abbassiada in s'onore pustis de tantos annos de amore 3. su trigu est in amori ◊ canno sa pasta est in amore, fachenne su pane, tanno sa fémina incomintzat s'aparitzu Surnames and Proverbs prb: si cheres chi s'amore si muntenzat cheret chi unu piatu andhet e unu benzat Etymon ltn. amore(m) Translations French amour English love Spanish amor, cariño Italian amóre German Liebe.

amoréntzia , nf Definition istima e contivígiu, sentidu carosu e atentu po s'àteru Synonyms e antonyms ternura Sentences pruschetotu is bècios tocat de dhos abbaidae cun amoréntzia Translations French tendresse English tenderness Spanish ternura Italian amorevolézza German Zärtlichkeit.

amòri amòre

amoríbbile, amoríbbili , agt: amorívile Definition chi ammostat afetu, amore, chi betat istima a s’àteru Synonyms e antonyms acaritu, afetzionosu, amorile, carosu, istimosu | ctr. odiosu, tirriosu Sentences zente amoríbbile ◊ fit zente amorívile e amàbbile ◊ afetu de frade, de amigu amorívile ◊ mamma, amoríbbili, si cantàt is cantzonis po arrí, po drommí Scientific Terminology ntl Etymon srd. Translations French affectueux English loving Spanish cariñoso Italian affettüóso German liebevoll.

amoridàde , nf Synonyms e antonyms amorosidade Sentences in terra no che at piús amoridade! ◊ sa mastra mi cogliat chin amoridade.

amoríle , agt Definition chi ammostat afetu po is àteros, amore, chi betat istima Synonyms e antonyms afetzionosu, amoríbbile, carosu | ctr. odiosu, tirriosu Sentences est pitzinna amorile e virtudosa ◊ fit pisedhu bonu e amorile cun totu Etymon srd.

amorínzu , nm Definition su istare o èssere ammorandho ómine e fémina Synonyms e antonyms ammoronzu Sentences pitzinna, no ti fides in s'amore, mih chi est perigulosu s'amorinzu! Etymon srd.

amorívile amoríbbile

amorosidàde, amorosidàdi , nf Definition su àere amore, su èssere amorosu Synonyms e antonyms amoridade Sentences fusteti si ndi bolit abbusai de s'amorosidadi nosta!

amorósu , agt, nm: amurosu Definition chi sentit o provat amore po s'àteru; s'ómine (sa fémina: -a) chi si bolet bene po cojuare Synonyms e antonyms afàbbile, afetuosu, amistantziosu, fatitarzu, istimosu, ternurosu, tiernu / ammoradu, sposu Sentences gi est pagu amorosu acomenti arrispundit… parit espi terràina! ◊ chi no fumu istétia amurosa no m'iast istimau a ammachiadura! 2. si ti cheres cuntentu, basa s'amorosa! Etymon itl. amoroso Translations French tendre, affectueux English loving Spanish amoroso, cariñoso Italian amorévole, affettuóso German liebevoll.

amorrànas , nf pl: morrànias Definition afodhonadura de is venas de su budhale, in su pertusu, chi podet acabbare fintzes in sàmbene Synonyms e antonyms aliaga, murenas Scientific Terminology mld Etymon spn. Translations French hémorroïdes English hemorrhoids Spanish almorrana, hemorroides Italian emorròidi German Hämorrhoiden.

amóstu , nm Definition cosa ispantosa Synonyms e antonyms ispantu Etymon ltn. monstrum Translations French prodige English prodigy Spanish prodigio Italian prodígio German Wunder.

amotroxinaméntu , nm Definition su èssere o fàere coment'e immadoinaos Synonyms e antonyms allacanamentu, fiachesa Etymon srd. Translations French lassitude English weakness Spanish lasitud Italian fiacchézza German Schwäche.

ampài , nm Synonyms e antonyms compare.

ampànna , nf Synonyms e antonyms afórriu, impanna.

amparàda , nf Definition su amparare Etymon srd.