A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

amorài ammoràre

amorajólu ammorajólu

amoràre ammoràre

amoràtu, amoràu ammoràdu

amòre , nm, nf: amori, more Definizione sentidu e gosu de comunione e bonu fàere de istima e arrespetu, su bòllere bene Sinonimi e contrari afetu, apegu, istima / ammoronzu | ctr. ódiu, tírria Modi di dire csn: fàghere una cosa, leare a unu amore amore = cun delicadesa; pònnere a. a unu = ghetai istima; àere amore a ccn. = istimare a ccn.; fai s'amori = fastigiai, ammorare; amori de ogus = sentidu ebbia, itl. amóre platònico; a. de tocamentu = amore 'rassu'; andai in amori (nadu de sos animales) = èssere suados, àere gana de su mascru; èssiri in amori (nadu de laores) = sicau, cannemebi, in sa muta zusta pro ndhe lu messare Frasi como ti apo avisadu chi no ti tenzo amore pro ca tenzo in su coro àtera rosa (P.Mereu)◊ su coro màrghinas de chie, Nina, at postu amore a tie! (F.Sechi)◊ sas amores seguras sunt raras ◊ lu fato pro amore tua ◊ s'amori cosa miu est solu unu disígiu ◊ s'amore noa lassat sa betza 2. est abbassiada in s'onore pustis de tantos annos de amore 3. su trigu est in amori ◊ canno sa pasta est in amore, fachenne su pane, tanno sa fémina incomintzat s'aparitzu Cognomi e Proverbi prb: si cheres chi s'amore si muntenzat cheret chi unu piatu andhet e unu benzat Etimo ltn. amore(m) Traduzioni Francese amour Inglese love Spagnolo amor, cariño Italiano amóre Tedesco Liebe.

amoréntzia , nf Definizione istima e contivígiu, sentidu carosu e atentu po s'àteru Sinonimi e contrari ternura Frasi pruschetotu is bècios tocat de dhos abbaidae cun amoréntzia Traduzioni Francese tendresse Inglese tenderness Spagnolo ternura Italiano amorevolézza Tedesco Zärtlichkeit.

amòri amòre

amoríbbile, amoríbbili , agt: amorívile Definizione chi ammostat afetu, amore, chi betat istima a s’àteru Sinonimi e contrari acaritu, afetzionosu, amorile, carosu, istimosu | ctr. odiosu, tirriosu Frasi zente amoríbbile ◊ fit zente amorívile e amàbbile ◊ afetu de frade, de amigu amorívile ◊ mamma, amoríbbili, si cantàt is cantzonis po arrí, po drommí Terminologia scientifica ntl Etimo srd. Traduzioni Francese affectueux Inglese loving Spagnolo cariñoso Italiano affettüóso Tedesco liebevoll.

amoridàde , nf Sinonimi e contrari amorosidade Frasi in terra no che at piús amoridade! ◊ sa mastra mi cogliat chin amoridade.

amoríle , agt Definizione chi ammostat afetu po is àteros, amore, chi betat istima Sinonimi e contrari afetzionosu, amoríbbile, carosu | ctr. odiosu, tirriosu Frasi est pitzinna amorile e virtudosa ◊ fit pisedhu bonu e amorile cun totu Etimo srd.

amorínzu , nm Definizione su istare o èssere ammorandho ómine e fémina Sinonimi e contrari ammoronzu Frasi pitzinna, no ti fides in s'amore, mih chi est perigulosu s'amorinzu! Etimo srd.

amorívile amoríbbile

amorosidàde, amorosidàdi , nf Definizione su àere amore, su èssere amorosu Sinonimi e contrari amoridade Frasi fusteti si ndi bolit abbusai de s'amorosidadi nosta!

amorósu , agt, nm: amurosu Definizione chi sentit o provat amore po s'àteru; s'ómine (sa fémina: -a) chi si bolet bene po cojuare Sinonimi e contrari afàbbile, afetuosu, amistantziosu, fatitarzu, istimosu, ternurosu, tiernu / ammoradu, sposu Frasi gi est pagu amorosu acomenti arrispundit… parit espi terràina! ◊ chi no fumu istétia amurosa no m'iast istimau a ammachiadura! 2. si ti cheres cuntentu, basa s'amorosa! Etimo itl. amoroso Traduzioni Francese tendre, affectueux Inglese loving Spagnolo amoroso, cariñoso Italiano amorévole, affettuóso Tedesco liebevoll.

amorrànas , nf pl: morrànias Definizione afodhonadura de is venas de su budhale, in su pertusu, chi podet acabbare fintzes in sàmbene Sinonimi e contrari aliaga, murenas Terminologia scientifica mld Etimo spn. Traduzioni Francese hémorroïdes Inglese hemorrhoids Spagnolo almorrana, hemorroides Italiano emorròidi Tedesco Hämorrhoiden.

amóstu , nm Definizione cosa ispantosa Sinonimi e contrari ispantu Etimo ltn. monstrum Traduzioni Francese prodige Inglese prodigy Spagnolo prodigio Italiano prodígio Tedesco Wunder.

amotroxinaméntu , nm Definizione su èssere o fàere coment'e immadoinaos Sinonimi e contrari allacanamentu, fiachesa Etimo srd. Traduzioni Francese lassitude Inglese weakness Spagnolo lasitud Italiano fiacchézza Tedesco Schwäche.

ampài , nm Sinonimi e contrari compare.

ampànna , nf Sinonimi e contrari afórriu, impanna.

amparàda , nf Definizione su amparare Etimo srd.