A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

amorài ammoràre

amorajólu ammorajólu

amoràre ammoràre

amoràtu, amoràu ammoràdu

amòre , nm, nf: amori, more Definitzione sentidu e gosu de comunione e bonu fàere de istima e arrespetu, su bòllere bene Sinònimos e contràrios afetu, apegu, istima / ammoronzu | ctr. ódiu, tírria Maneras de nàrrere csn: fàghere una cosa, leare a unu amore amore = cun delicadesa; pònnere a. a unu = ghetai istima; àere amore a ccn. = istimare a ccn.; fai s'amori = fastigiai, ammorare; amori de ogus = sentidu ebbia, itl. amóre platònico; a. de tocamentu = amore 'rassu'; andai in amori (nadu de sos animales) = èssere suados, àere gana de su mascru; èssiri in amori (nadu de laores) = sicau, cannemebi, in sa muta zusta pro ndhe lu messare Frases como ti apo avisadu chi no ti tenzo amore pro ca tenzo in su coro àtera rosa (P.Mereu)◊ su coro màrghinas de chie, Nina, at postu amore a tie! (F.Sechi)◊ sas amores seguras sunt raras ◊ lu fato pro amore tua ◊ s'amori cosa miu est solu unu disígiu ◊ s'amore noa lassat sa betza 2. est abbassiada in s'onore pustis de tantos annos de amore 3. su trigu est in amori ◊ canno sa pasta est in amore, fachenne su pane, tanno sa fémina incomintzat s'aparitzu Sambenados e Provèrbios prb: si cheres chi s'amore si muntenzat cheret chi unu piatu andhet e unu benzat Ètimu ltn. amore(m) Tradutziones Frantzesu amour Ingresu love Ispagnolu amor, cariño Italianu amóre Tedescu Liebe.

amoréntzia , nf Definitzione istima e contivígiu, sentidu carosu e atentu po s'àteru Sinònimos e contràrios ternura Frases pruschetotu is bècios tocat de dhos abbaidae cun amoréntzia Tradutziones Frantzesu tendresse Ingresu tenderness Ispagnolu ternura Italianu amorevolézza Tedescu Zärtlichkeit.

amòri amòre

amoríbbile, amoríbbili , agt: amorívile Definitzione chi ammostat afetu, amore, chi betat istima a s’àteru Sinònimos e contràrios acaritu, afetzionosu, amorile, carosu, istimosu | ctr. odiosu, tirriosu Frases zente amoríbbile ◊ fit zente amorívile e amàbbile ◊ afetu de frade, de amigu amorívile ◊ mamma, amoríbbili, si cantàt is cantzonis po arrí, po drommí Terminologia iscientìfica ntl Ètimu srd. Tradutziones Frantzesu affectueux Ingresu loving Ispagnolu cariñoso Italianu affettüóso Tedescu liebevoll.

amoridàde , nf Sinònimos e contràrios amorosidade Frases in terra no che at piús amoridade! ◊ sa mastra mi cogliat chin amoridade.

amoríle , agt Definitzione chi ammostat afetu po is àteros, amore, chi betat istima Sinònimos e contràrios afetzionosu, amoríbbile, carosu | ctr. odiosu, tirriosu Frases est pitzinna amorile e virtudosa ◊ fit pisedhu bonu e amorile cun totu Ètimu srd.

amorínzu , nm Definitzione su istare o èssere ammorandho ómine e fémina Sinònimos e contràrios ammoronzu Frases pitzinna, no ti fides in s'amore, mih chi est perigulosu s'amorinzu! Ètimu srd.

amorívile amoríbbile

amorosidàde, amorosidàdi , nf Definitzione su àere amore, su èssere amorosu Sinònimos e contràrios amoridade Frases fusteti si ndi bolit abbusai de s'amorosidadi nosta!

amorósu , agt, nm: amurosu Definitzione chi sentit o provat amore po s'àteru; s'ómine (sa fémina: -a) chi si bolet bene po cojuare Sinònimos e contràrios afàbbile, afetuosu, amistantziosu, fatitarzu, istimosu, ternurosu, tiernu / ammoradu, sposu Frases gi est pagu amorosu acomenti arrispundit… parit espi terràina! ◊ chi no fumu istétia amurosa no m'iast istimau a ammachiadura! 2. si ti cheres cuntentu, basa s'amorosa! Ètimu itl. amoroso Tradutziones Frantzesu tendre, affectueux Ingresu loving Ispagnolu amoroso, cariñoso Italianu amorévole, affettuóso Tedescu liebevoll.

amorrànas , nf pl: morrànias Definitzione afodhonadura de is venas de su budhale, in su pertusu, chi podet acabbare fintzes in sàmbene Sinònimos e contràrios aliaga, murenas Terminologia iscientìfica mld Ètimu spn. Tradutziones Frantzesu hémorroïdes Ingresu hemorrhoids Ispagnolu almorrana, hemorroides Italianu emorròidi Tedescu Hämorrhoiden.

amóstu , nm Definitzione cosa ispantosa Sinònimos e contràrios ispantu Ètimu ltn. monstrum Tradutziones Frantzesu prodige Ingresu prodigy Ispagnolu prodigio Italianu prodígio Tedescu Wunder.

amotroxinaméntu , nm Definitzione su èssere o fàere coment'e immadoinaos Sinònimos e contràrios allacanamentu, fiachesa Ètimu srd. Tradutziones Frantzesu lassitude Ingresu weakness Ispagnolu lasitud Italianu fiacchézza Tedescu Schwäche.

ampài , nm Sinònimos e contràrios compare.

ampànna , nf Sinònimos e contràrios afórriu, impanna.

amparàda , nf Definitzione su amparare Ètimu srd.