A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Abbreviations Legenda | Symbols Legend

chéssia chénsa

chessiàre chensàre

chessighéssi , avb: chetzighetzi Definition manera de andhare o fintzes de si parare o istare (a sa muda, citios) Sentences si ndi funt torraus a andai chetzighetzi ◊ ca gei torrat, chetzighetzi! Etymon srd. Translations French tout tranquillement, penaud English very slowly Spanish despacio Italian lèmme lèmme, mògio German langsam, schlapp.

chessíle , agt Synonyms e antonyms chessinu, masedu Sentences custa est una elveghe chessile Etymon srd.

chessínu, chéssinu , agt Definition angionedhu pesau in domo a papinu, masedu / leare, giúghere, pesare a c. = coment'e un'angioni pesau in domu o chi si portat avatu tzerriendidhu Chessi! Chessi! Synonyms e antonyms domaresu, masedu, pudhinu Sentences est chéssinu che anzone 2. teniat una crabita pesada a chessinu Etymon srd. Translations French domestique, docile English domestic, docile Spanish doméstico, dócil Italian domèstico, dòcile German gezähmt, zahm.

chessiósu chensciósu

chessíre , vrb Definition coment'e istare a iscràmios, nau de brebès agiummai tzerriandho Chessi!, chessi!) Synonyms e antonyms melare Sentences a tie no ti banto, no so tontu (no méulas, ne chessis, no mujas e no essis): no bi apo torracontu! (G.A.Cossu) Etymon srd.

chèsso , nm Synonyms e antonyms businada 1, imbusinada, pidu, tródhia Etymon srd.

chessòne , nm Definition tupa manna de modhitzi Translations French maquis de lentisque English lentisk brushland Spanish lentiscal Italian macchióne di lentìschio German Niederwald von Mastixbäumen.

chessósu chensciósu

chèsta chèlta

chestàre certài

chestiài castiài

chestiàre , vrb Synonyms e antonyms brugliare, ciogare, ischeltiare Translations French s'ébattre English to romp Spanish jugar Italian ruzzare German tollen.

chestiòne , nf: chiltione, chistione, chistioni, cristione, cristioni Definition s'argumentu de unu chistionu; motivu de briga, fintzes dificurtade, cosa chi tocat a cumprèndhere po dh'arrangiare, po ischire comente fàere Synonyms e antonyms chistionu, fatzienna, tema 1 / certu, perrica Idioms csn: intrai in cristioni, iscúrrere chistiones = intrare in chistionu, leare su chistionu de carchi cosa, fintzas bodhetai; isciòlliri, istèrriri sa chistioni = comintzare unu chistionu, fàghere sa presentada de unu chistionu, de un'argumentu; fàghere o passai chistione de una cosa cun ccn. = murrungiai, chesciaisí po ccn. cosa, chistionàrendhe; segare una chistione = aparixai un'iscórriu, pònniri de acordu duus Sentences sa cristioni de is lambicus… unu remédiu si at a agatai! ◊ toca, isciolli sa chistioni, abbuidandi is serchetus! ◊ toca, isterridhi sa chistioni, aici iscít poita seus innòi! ◊ tui passandi chistioni cun don Vincentzu e intendi a issu 2. a bagadius estus tentu una chistioni manna cun Billoi ◊ proite tantu forroju chi cun ciúncios a toroju ndhe faghides chistiones? ◊ de unu nudha ndhe at fatu una chistione manna! ◊ bisontzat de nche la secare dereta cussa chestione metzana! ◊ e it'est sa chistione, chi sezis a murrunzu? 3. donzi borta chi l'agatas in domo, a custu pisedhu, ndhe faghes chistione! Etymon itl. Translations French question, problème English question Spanish cuestión, pleito Italian questióne, faccènda, discussióne, controvèrsia, problèma German Auseinandersetzung.

chestíre , vrb Definition bestire, pònnere bestimentu in dossu, nau fintzes in sensu metafóricu, e fintzes in su sensu de istichire in calecunu logu, intrare a su corpus Synonyms e antonyms beltire Sentences sa fémina s’at torradu a chestire sos vistires (N.Rubanu)◊ depimus èssere giai chestidos, non nudos! 2. chestídevos de sentidos de misericórdia, de bonedade e umilidade! 3. su vinu chestit afocu ◊ avastat una paja de mizas, una camisa e una paja de pantalones e che chestit totu a su zàinu.

chéstu cértu

chesúra cesúra

chèsva chèba

chétu , agt: achietu, chietu Definition chi no si movet, chi istat firmu, chi no si giaet a fàere / abarrai chietu, abarrai a chietu Synonyms e antonyms assulenu, frimmu, séliu Sentences parat sas palas e s'istat chietu candho lu corpant ◊ mulleri mia, ti giuru chi abarru chietu, a póxiu a póxiu! ◊ ista chietu che pani ciuetu! ◊ istat chietu e apasigadu a un'ala in sa cama de austu Etymon itl. Translations French tranquille, calme English quiet Spanish quieto Italian quièto German ruhig.