A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Abbreviations Legenda | Symbols Legend

fóigu fóiga

fojíle fochíle

fóju fògia 1

fòla , nf Definition contu, paristória chi si narat mescamente po istentare is piciochedhos, fatu a pentzamentu ma a manera de pàrrere una cosa deabberu Synonyms e antonyms contadu, contànsia, palistória Sentences nonnu poniat in mesu de folas de orcos e bandhidos carchi càntigu sardu ◊ narat custa fola chi sas àlvures tenent un'ànima… Scientific Terminology sntz Translations French conte de fées English fairy tale Spanish cuento Italian fiaba German Märchen.

folacàsu , nf: folagasu Synonyms e antonyms abadegasu, maniposa, pirigasu, seisei Scientific Terminology crp Etymon srd.

folàda , nf Definition bólidu de pigiones Synonyms e antonyms nualla Etymon itl. folata.

folagàsu folacàsu

folàgna , nf: folània Definition frache furistera, manna, a lama larga meda e longa de pigare a sa màniga cun ambaduas manos po messare fenu Synonyms e antonyms frullana Sentences disegnant sa morti a folània aguantara Scientific Terminology ans.

folài , vrb Definition bolare, ma nau in su sensu de passare, intostare de is erbas e laores chi si papant fintzes a friscu (fenugu, fae, pisucre o àteru) e, in cobertantza, fintzes de is giòvonos in su sensu de fàere a mannos e indipendhentes Synonyms e antonyms inchimire, indobiri.

folània folàgna

folàu , pps, agt Definition de folai; bolau, nau de erba (fintzes de laore, es. fae) chi at fatu sa chima o chi s'est intostada lómpia Synonyms e antonyms chimidu, dolau 1, inchimiu, siridu.

folchízu , nm: forchizu Definition biraorba, furriada de pàrrere una cosa frochidhada / f. de carrela = gruxeri Sentences inue naschet est unu butiu e curret a folchizos isperendhe de si poder fàghere riu ◊ sa colora s'istirat e cun vàrios forchizos si puntat cun sa coa ◊ sa saeta curret a forchizu in s'aera Etymon srd.

foldèta fadrèta

folfighíta , nf: frofighita Definition cugurra furcaxada, genia de bobboi pitichedhu e longhitu, in colore de castàngia, chi portat sa coa frochidhada coment'e tonàgias Synonyms e antonyms bobborriga, forchidhàdile, isparraguatza, isperragoa, isperragulu, isperravórtighe, malavurcidha, melauridha, pisciafui, tzintzicorra Scientific Terminology crp, forficula auricularia Etymon srd.

folfigiàre , vrb: forfigare, forfijare, fosfixare, frofijare Definition furriare, girare de longu una cosa, pruschetotu orrobba, fune o cosas deasi, de no èssere prus a línia dereta Synonyms e antonyms acordiolai, atrogai, atrotixai, fortzicare, foscigare, incordigliolai, profizare, trozicare | ctr. isprofizare Sentences su carru como est totu folfigiadu, irbandhonadu coment'est dae tempus meda ◊ frofijadu, cun fulchidha bisestra at immannadu ◊ tale ammentu mi frofijat su coro ◊ si est tota frofijada e li falaiat sa salia dae buca puru! ◊ sas fozas, su bentu las degògliat, las atapat apare, las forfígiat ◊ si ponzeit una vestàglia de fémina e comintzeit a si fosfixare chin su dossu pro fàghere a ríere Etymon ltn. forficare Translations French tordre English to twist Spanish torcer, retorcer Italian tòrcere, contòrcere German winden, auswinden.

foliài , vrb: fruliare, fugliare, fuliae, -ai, -are, fulliai, -are Definition imbolare, betare a un'ala, atesu, a terra calecuna cosa chi no serbit prus; lassare o lassàresi orrúere, o fàere orúere a terra; foedhandho de laores, batire o bogare frutu, giare resa / fugliare una cosa a cantu curret bratzu = atesu meda, cantu prus si podet Synonyms e antonyms bessai, bocare, frundhire, ghetai, imbolare, iscavulai, sciuliai 1, strumpai / bundhare | ctr. allogae, collire Sentences pigant su fiascu e nci dhu fóliant a su spirifundu de su mari ◊ fruliade sas falches, manigadores de pane e chibudha! (F.Sechi)◊ gighet bestes chi cherent fruliadas, totu mughedhu ◊ candho mi ant bidu betzu mi che ant fuliadu che un'istratzu ◊ sa carrada est fuliendi: tocat a ndi bogai unu pagu de binu ◊ portu unu tussi… seu sempri fuliendi! 2. sa maladia l'at fulliau a terra ◊ no ti fúlies in terra ca t'imbrutas! ◊ sa mata ndi dh'at fulliara su bentu ◊ fulliau mi so in s'istoja a titillias de fritu 3. suta de sa luna chi frúliat prata, mih s'istradone! ◊ innòi at a cresci trigu de fuliai a trinta! ◊ de issa s'innamorant sos piús pro chi sa gràscia fúliat a mojos (P.Mossa) Translations French jeter English to throw away, to knock down Spanish echar Italian buttar via, buttar giù German wegwerfen, hinunterwerfen, hinabwerfen.

foliàtza Definition genia de idea maca, de disígiu, de gana pagu de giudu Synonyms e antonyms zibbírriu.

fóliga , nf Definition arrexones o contos chi unu cricat po no fàere su dovere Synonyms e antonyms arraghèscia, iscóticu, iscúgia.

fòlla fògia

folladèdha , nf: follaredha Definition genia de erba chi paret edra: erba o folla de funtanedhas; sa edra Synonyms e antonyms candhelalzu, eda 1, èdera, èdola, èlere, èllera, eravera, follaera / cdh. grédhula Scientific Terminology rba, Glechoma hederacea Etymon srd. Translations French lierre English ale-hoof Spanish hiedra terrestre Italian édera terrestre German Gundermann, Gundelkraut, Gundelrebe.