A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Abbreviations Legenda | Symbols Legend

grú , nf Definition genia de màchina po artzare, iscarrigare e carrigare pesos mannos.

grúa , nf: grue, grui Definition genia de pigione cun cambas longas e tzugu longu; màchina po artzare e carrigare o iscarrigare pesos mannos, mescamente in is portos de mare, ma fintzes in trebballos mannos Synonyms e antonyms arrui 1, grughe 1, gruni Sentences funt gruis veras carcaxadas de su stori 2. restaia ispantada a bídere cudha labia manna prena de late supesada dae su bratzu de una grua ◊ in bidha si cumintzabant a bíere grues de ferru fachendhe fràvicas Scientific Terminology pzn, grus grus Etymon ltn. grue(m) Translations French grue English crane Spanish grulla, grúa Italian gru German Kranich.

gruài , iscl: agguai*, guai Definition intima chi si faet proibbendho o ammeletzandho calecuna cosa, o fintzes solu pentzandho a unu dannu chi ndhe podet bènnere Sentences inue ndh'at, guai!, ómines fatos bai, malos pro issos, pro àtere peste ◊ guai de sa pedhi tua! ◊ guai de su chi no trabballat! ◊ mih ca no ti depes furriare po peruna cosa, gruai, ca portat male! ◊ guai a nois si faghimus gai: arruinados semus!

gruaníssa , nf Definition oru chi essit de prus totu a inghíriu de sa teulada, de sa rundha; pedra de sa fentana; genia de cordone de linna chi si ponet totu a inghíriu de unu retratu, de una pintura Synonyms e antonyms cuarnícia, curnisa*, groníssia.

grúche , nf: cruche*, gruge, grughe, grugi, gruxe, gruxi, ruche Definition orrugos de cosa (mescamente linna, ma fintzes solu síngias iscritas) postos unu a istúturu cun s’àteru, unu tempus po dhue incravare is cundennaos a morte; singiale e símbulu de martirizu, de suferéntzia, de comente ant incravau a Cristos; s'àtera bandha de una muneda; foedhandho de matas, su tretu inue su truncu si frochidhat e ispartzit in duos o prus cambos mannos / min. gruxita Synonyms e antonyms cdh. gruci | ctr. grastu Idioms csn: fai o faisí su signali de sa gruxi = sinnare o sinnàresi; in tempus de fai sa gruxi = in d-unu sinnu; pòniri a unu in gruxi = pònnerelu in dificurtade manna, fàgherelu istare sufrindhe; gruxis de bias o de camminus = gruches, rughes, forchidhaduras de caminu, tretu ue abbojant duos caminos, duas carrelas (o si cumpartit su caminu, sa carrela); fai gruxis = istare chentza manigare; fai a gruxis o crastus = ischitindhe, seberare una de sas duas alas de sa moneda; èssiri sentza gruxis e sentza crastus = chentza unu sodhu; nudu che gruche = iscufusu, nudu chei sa bia; a grughes e a crastos = a dortu e a rugadis; secare in gruche = (caminendhe) segare in curtzu, andhare a rugadura Sentences zuchiat una gruche de brunzu apicata a una veta "tricolore" ◊ at zurau a manos a gruge 2. su picu est istau sa gruche in sa vida de su tribbagliante ◊ tristos, iscurtzos e nudos che gruche, chene chenare si ndhe sunt corcaos Translations French croix English cross Spanish cruz Italian cróce German Kreuz.

grúches , nf Definition grughes de bias o de camminos chi si atóbiant Synonyms e antonyms gruxeri, pitzarxu Translations French carrefour English crossroads Spanish encrucijada Italian crocevìa German Kreuzung.

gruciàdu , agt Definition chi est a conca e a ischina incrubada a cara a denanti Synonyms e antonyms ancrucadu, imbassiadu, incruau, indúlliu, ingruxadu Sentences sas tzapitadoras istant oras e oras gruciadas iservendhe su laore ◊ andho, gruciadu: ma ue ti agatas, o bellesa, tue? Translations French penché, courbé English bowed Spanish agachado Italian chino German gebeugt.

gruciòri , nm Synonyms e antonyms druciori*, drucura.

grúe grúa

grufaría , nf: crofaria* Definition sótziu de cunfrades, de cunsorres Synonyms e antonyms germandadi.

grufassòni , nf: crufassoni* Definition gente meda chi camminat totu impare in acumpangiamentu a ccn. Synonyms e antonyms acumpagnamentu, brefessioni, poltiscione.

grufínu gorfínu

grúge, grúghe grúche

grúghe 1 , nf Definition genia de pigione mannu Synonyms e antonyms arrui 1, grua*, gruni Scientific Terminology pzn Translations French grue English crane Spanish grulla Italian gru German Kranich.

grúgi grúche

grúglia , nf Definition genia de moneda antiga Synonyms e antonyms carrainari Etymon itl.p grolla.

grúgliu , nm Synonyms e antonyms lógiu* Scientific Terminology rba.

grugugliòni, grugullòni , nm: gruguzone 1, gruguzoni, grulloni, gurgugione, gurgulloni Definition babbaurru de trigu, bobboi pitichedhu, chi ponet in su trigu incungiau e dh'istampat, totu Synonyms e antonyms alguzone, ilguzone, orguloni, suzone / cdh. giulgudhoni Scientific Terminology crp, calandra granaria Etymon ltn. gurgulione(m) Translations French charançon, puceron English weevil Spanish gorgojo, cuco Italian punteruòlo del grano o calandra, gorgoglióne German Kornwurm, Kornkäfer, Kornkrebs.

grugúllu, grugúrgiu gorgúzu

gruguzòne , nm: gurguzone Definition genia de forma de casu minoredhedha fata (de late bàchinu) coment’e una pira: giughet unu tenaghe inue si dhi ponet un’orrugu de codriola po dh'apicare Synonyms e antonyms casigiolu Sentences inibe límpidu, inibe gruguzone, prusciutu, cassu, sartitza, durches, donzi gràscia de Deus! Scientific Terminology csu.