A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Abbreviations Legenda | Symbols Legend

impédhida , nf: impéllida, impillida Definition su fortzare a una bandha, pruschetotu a cropu, coment'e ispinghendho; su chi si narat o chi si faet po fortzare a unu, po dhu cumbínchere a calecuna cosa Synonyms e antonyms acollada, afracada, colpu, imbàtida, impella, impellériu, imperta, incannada, ispinta Sentences s'impéllida de sos bentos ◊ at inténdiu s'impillida de si dha basai ◊ is piciocus si fiant pigaus a impéllidas e a corpus Etymon srd. Translations French impulsion, poussée English push Spanish impulso, empellón Italian impulso, spinta German Antrieb.

impedhidòre , nm Definition fuste frochidau in punta po ispínghere sa linna o aconciare su fogu in su forru Etymon srd.

impedhigotàu , agt Synonyms e antonyms apedhigotau, aperradu, coteu, perrónchinu, redossu, testarrudu, turrau Etymon srd.

impedhíre , vrb Definition prnl., nau de animale, giare a pitzu, atacare Synonyms e antonyms afarcai, carrabbusai Sentences cane chi s'impedhit est bonu, po su pastore.

impedhitzàdu , agt Definition impedhitzau, chi si agatat, fintzes chentza dhu bòllere, introbicau in mesu de chistiones o cosas istrobbosas e pagu praghillosas Sentences como seo impedhitzadu in custa fatzienna (Z.Porcu) Translations French empêtré English got involved Spanish metido Italian impelagato German verstrickt sein.

impedhitzài , vrb Definition coment'e arrèschere in mesu (de sa lana) de una pedhe chentza ndhe pòdere essire, su si agatare in mesu de chistiones malas a bínchere Synonyms e antonyms impedhulare, ingarrutzai Sentences no cumintzeus a impedhitzai is cosas: pòngiat a verbali sa proposta chi ant fatu is cuntzilleris! 2. seu andau de un'atopu a s'atru, mi seu agatau mesu impedhitzau e apu tentu abbisóngiu de dinai (A.Garau)◊ no praxit mancu a fustei a èssi impedhitzau in mesu de custas cosas Translations French s'empêtrer English to pitch, to get involved Spanish meterse Italian impegolarsi, impelagarsi German sich verstricken.

impedhítzu , nm Definition totu su chi no lassat fàere una cosa o dha faet prus dificurtosa, istrobbosa, fintzes solu impreu, faina Synonyms e antonyms impedizu, impedu, impédimu, impíciu, isdrobbu Sentences sa pipia dh'ant lassada: depit èssi chi dhis fetzat impedhitzu (A.Garau)◊ dhi fait impedhitzu fintzas sa coa de su gatu!◊ mi seo postu in s'impedhitzu de custa fatzienna… 2. su mastru sighet in sos impedhitzos e su ferronzu totu si che faghet (S.Are) Etymon srd.

impedhòne , nm Definition pilloni annapau, de noti, de su tiàulu o sóriche càmpinu o pinnàdigu: genia de animaledhu múrinu chi essit solu a denote (no biet in sa lughe): assimbígiat unu pagu a is pigiones ca giughet una genia de alas e andhat a bolu, ma est unu mammíferu e faet su fedu che custos Synonyms e antonyms alaepedhe, arratapignata, satzamurredhu, terriolubedhe, tzintzuredhu Sentences su pitzinnu una die at batidu un'impedhone a iscola, in sa bussa ◊ essiant a fora a s'irmurinada che sos impedhones Scientific Terminology anar Etymon srd.

impedhulàre , vrb Synonyms e antonyms impedhitzai, ingarrutzai Sentences sa butechera chin sas cambiales nche los at impedhulaos male chi lis at dau pelea a nche bocare pedes Etymon srd.

impedhuléri , agt, nm Definition chi o chie po interessu o torracontu cricat de impedhulare sa gente Synonyms e antonyms afaniarzu, fatzendheri, imbodhiosu Etymon srd. Translations French mouche du coche English wheeler-dealer Spanish muñidor Italian faccendière German Quertreiber.

impedhutzadúra , nf Definition su impedhutzare Synonyms e antonyms disfalsamentu, disfalsu.

impedhutzàre, impedhutzàri , vrb Definition betare sa pedhe de un'angione mortu a un'àteru biu, po cunfúndhere sa brebè chi dhu depet allatare po dhu lassare súere Etymon srd.

impedicàre , vrb Definition firmare, poderare, fàere istare firmu Synonyms e antonyms impedire.

impediciàre , vrb Definition nau de filos o cosas deasi, betare o intrare apare chentza órdine de no ndhe pòdere tirare su càbudu Synonyms e antonyms acugurrai 1, agghirrisonare, atrobodhare, imbogiare, intrebedhai, trabojare, trobodhicai, trobullai Sentences sos filos si sunt totu impediciados.

impédicu , nm: impéigu Definition calecuna cosa o fatu chi mantenet a unu impreau e no dhi lassat fàere àteru Synonyms e antonyms impecu, impedhitzu, impedimentu, impedizu, impedu, impéligu, impíciu / cdh. impindeu Sentences fit chin sa conca cufusa dae cudhu impédicu (S.Spiggia)◊ poete, canta a boghe piena franca de donzi impéigu su chi sentis in su coro! Translations French empêchement, obstacle English obstacle Spanish impedimento, obstáculo Italian impediménto, ostàcolo German Hindernis.

impedidòre, impedidòri , agt, nm Definition chi o chie istrobbat e no lassat fàere sa cosa Etymon srd.

impedídu , pps, agt: impediu, impiriu Definition de impedire; nau de sa fémina, chi est príngia, cun sa criadura in is intragnas Synonyms e antonyms impaciadu / gràida, prignu, próssimu, próvidu Sentences in custa terra antica bivet nechidada s'ànima de unu pópulu impediu (A.Mura)◊ non apu fuedhau poita ca babbu mi dh'at impediu ca timestus ◊ a s'àcua de s'Atlànticu dhi benit impediu de su giassu de Gibbilterra de intrai a meda in su Mediterràniu 2. sa fémina impiria su chi dhi acucat disígiat ◊ fit dolorosu, o frades, su lassare sa mamma betza, s'isposa impedida (A.Casula)◊ sa fémina impidida si tratat cun delicadesa Translations French empêché, femme enceinte English hisabled, pregnant (woman) Spanish impedido, mujer embarazada Italian impedito, incinta (dònna) German behindert, schwanger.

impediméntu , nm: impidimentu Definition totu su chi istrobbat e no lassat fàere ccn. cosa, fintzes su èssere príngia, nau de fémina Synonyms e antonyms impedhitzu, impédimu, impedizu, impedu, isdrobbu / ingraidànscia Sentences ses sana e no tenes impedimentu perunu pro batire a su mundu fizos ◊ ma ita bolit chi nd'iscípia dèu de is impedimentus! 2. fia ràida e s'impedimentu no est chi fit a fiore! Etymon srd. Translations French empêchement English hindrance Spanish impedimento Italian impediménto German Hindernis.

impédimu , nm: impédumu Definition calesiògiat istrobbu chi no lassat fàere, o no lassat fàere bene, sa cosa Synonyms e antonyms impedhitzu, impedimentu, impedizu, impedu, isdrobbu Sentences a cada urdu arribbavat zente e nois in mesu, chene iscire uve nos pònnere, a impédimu ◊ bos lu at intregau ca si l'aviant mortu si ndhe l'aviat bocau dae impédimu Etymon srd.

impedinàdu , pps, agt Definition de impedinare; chi tenet pentzamentu, coidu, pistighíngiu Synonyms e antonyms apidinadu, apremuradu, penciamentosu | ctr. discodiau, iscontipizau, trancuillone Sentences no mi so mai impedinada de acatare calchi cosa de mi azeretare 2. sunt totu impedinados de nos istranzare ◊ une fit cun sa chiza impedinada Etymon srd.