impelciadítu , agt: impercaditu, impesciaditu Definition nau de un'animale, chi est iscontriadu, chi si che fichit o che ponet is peis in mesu de pedras, de orrocas, de ue no arrennescet a ndh'essire; chi costumat a si cuare Etymon srd.
impelciàre , vrb: impercae, impercare, imperciare, impesciare Definition cuare, orrúere, pònnere, betare in calecuna pèlcia o in mesu de orrocas; pònnere in mesu de duas perras de calecuna cosa, istichire o fichire in mesu Synonyms e antonyms aggargatare, imbrechilai, infresonare, ingarghilare, ingiassare, intergare Sentences che sunt minadores, impelciados pro duos sodhos ◊ li ant mortu unu fiadu e impercadu sos restos ◊ su becu si est impercau e si at canniu un'anca ◊ su gorropu impercat e irfurrat chin tràpulas, ispéntumas e nurras ◊ connoschet donzi culumberi inuve s'impercat cosas pérditas ◊ amus àpidu s'àinu impercadu, cun s'anca ficada in mesu de duas predas 2. s'arcu de ferru o de atarzu s'impèrciat in sas perras de corru de sa màniga, faghindhe sas resorzas Etymon srd.
impeldàu impedràdu
impelégu , nm Definition
cosa ifadosa, chi giaet ifadu
Synonyms e antonyms
gena,
ifadu,
ifestu,
nischitzu,
pibinca,
pertoja
| ctr.
irbelegu
Etymon
srd.
Translations
French
embêtement
English
nuisance
Spanish
molestia
Italian
seccatura
German
Belästigung.
impeléu , nm Synonyms e antonyms
apeleu,
bataria,
iscrevedhu,
pelea
Sentences
cussas sunt cosas chi nos daent impeleu ◊ custa est sa paga de s'impeleu, de su tantu tribbulare ◊ s'impeleu mi búliat su sàmbene
Etymon
srd.
Translations
French
dérangement,
ennui
English
inconvenience,
labour
Spanish
molestia
Italian
affanno,
incòmodo
German
Sorge,
Beschwerlichkeit.
impéligu , nm Definition cosa chi istrobbat, faet de impedimentu Synonyms e antonyms impédicu, impedizu Sentences no timet impéligu e ne fossu, totu fàtzile li paret!
impèlla , nf Definition ispinta, imbudada, móvia a cropu e cun fortza meda Synonyms e antonyms impédhida, imperta, ispinta Sentences is piciochedhus in iscola fiant a tzérrius, a boxis, a impellas… mancu iscola pariat!
impellàre , vrb Definition atumbare a cropu s'unu a s'àteru, una cosa cun àtera Synonyms e antonyms atumbae, impelli Sentences si sunt impellados chena si ndhe abbizare.
impellériu , nm Definition
genia de ispinta, de fortza
Synonyms e antonyms
impédhida,
ímpetu,
ispinta,
púntzia
Sentences
sos impellérios de su chervedhu e s'enerzia chi frunit s'istòcomu daint bita e motu a totu su corpus
Translations
French
impulsion
English
impulse
Spanish
impulso,
empellón
Italian
impulso
German
Antrieb.
impèlli , vrb: impèlliri Definition ispínghere, fortzare a denanti, fintzes fèrrere, atumbare a ccn. o a calecuna cosa andhandho a ainnanti; nau in cobertantza, cobèrrere / pps. impélliu, impertu / impelli un'idea = catzàresi o bogaresiche un'idea de conca Synonyms e antonyms ispígnere, sprilliri / atumbae / codhai Sentences sa papagalledha impellit e ispítzulat s'atru papagallu e nci dhu bogat ◊ ndi arribbat un'undada forti impellendincedhu fintzas a s'arena ◊ dhi nau de s'asseliai e, chi no nc'impellit s'idea, nc'impellu a issu! ◊ isbentuliadas de bentu mi ant impélliu ◊ is piciocus s'impelliant s'unu cun s'àteru po tocai a Frà Nicola ◊ apu impertu su cancellu po passai cun su cuadhu Etymon itl. impellere.
impéllida impédhida
impellidòri , nm Definition frucone, fuste po che ispínghere bene aintru de su forru sa faschina de sa linna Etymon srd.
impèlliri impèlli
impellitzàre , vrb Definition pònnere o bestire sa pellitza.
impélliu , pps Definition de impèlliri Synonyms e antonyms impertu.
impeltàntu , avb: impertantu,
impestantu,
ispestantu,
impetantis Definition
in su matessi tempus chi…
Synonyms e antonyms
imperistantu,
intere,
intertantu,
istepetantis,
paristantu,
pestantu,
sughestantu,
tramente,
trassintru,
trastempus
Sentences
in s'ispestantu nois semus cabulados a bidha ◊ in s'ispestantu sos pisedhos fint gioghendhe
Translations
French
pendant que
English
meanwhile (in the)
Spanish
mientras
Italian
méntre,
nel frattèmpo
German
während,
inzwischen.
impeltinàre , vrb: impertinare Definition giare istrobbu, impéltinu Synonyms e antonyms agiorridare, ammaciocai, annischissai, ifadare, malifestai, suberiare Etymon itl.
impéltinu , nm: impértinu Synonyms e antonyms gena, ifadu, ifestu, impelegu, innaentu, lassamistai, nischitzu, pibinca Etymon srd.
impèna, impènna , nf: impinna Definition
s'ala de ananti de un'iscarpa, sa chi ammontat su pei
Synonyms e antonyms
bruncale,
mascarina,
runcale,
tígia
Sentences
a is botas dhis at postu is impenas noas
Etymon
ctl.
empena
Translations
French
empeigne
English
vamp
Spanish
empella,
pala
Italian
tomàio
German
Oberleder.
impennàre , vrb Definition pònnere s'impena a is crapitas, a is botinos.