A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Abbreviations Legenda | Symbols Legend

ispòrta , nf: isportza, sporta Definition istrégiu de giuncu, coment'e un'iscartedha allonghiada, fata po pigare su trigu semenandho o pònnere in su bruncu a is animales candho tréulant po no papare laore / avb. a s'isporta (cun isporta)= nau de pantalones, istrintos in is cambas, de su benugu a su cambúciu, adatos po chie ponet is cambales, cicit a cuadhu Synonyms e antonyms panalza Sentences si fit istada cosa de manicare ndhe aviat cenu chimbe o ses isportas ◊ de mongixedhas ndi bodhiaiaus a isportas prenas ◊ cussa est una piscinàrgia e un'isporta isfundhà! 2. si unu si bestit in giancheta de billutu, gambales de corria e pantalones a s'isporta, est unu pastore Scientific Terminology stz Etymon ltn. sporta Translations French panier English basket Spanish espuerta Italian spòrta German Korb.

isportèdha , nf Definition genia de crobecu a bisura de càlighe ue est atacau su landhe; fintzes isporta pitica, pischedha a un'asa Synonyms e antonyms angudha, càliga, cocotu, croghedha, curcuvedha Scientific Terminology rbr, stz Etymon srd.

isportellitàe, isportellitài , vrb Definition coment'e istare iscurtandho, abbaidandho in is portellitos angenos po ischire chistiones Synonyms e antonyms annariare.

isportellítu , nm: sportillitu Definition genia de apertura pitica, coment'e a fentana in apertura prus manna, fintzes cun imbidru (e genia de crobecu) Synonyms e antonyms importoglitu, isperàglia, poltellitu*, polteta, portedhu.

isportéllu ispoltéllu

ispórtina , nf, nm: ispórtinu Definition genia de istrégiu mannu, de fenu o giuncu, po chistire laore Synonyms e antonyms lóssia, órriu, póntina Scientific Terminology stz Etymon srd.

isportinàda ispoltinàda

isportinàre , vrb Definition pònnere in isportinos s'olia mólia po dha prentzare Sentences semus isportinendhe: su tempus de supressare e amus fatu! Etymon srd.

isportínu , nm: sportinu Definition genia de istrégiu tundhu e ladu a duos pígios apertos in mesu (po intrare in su fusu de sa prentza), fatu de crinu, fatu de crinu po pònnere s'olia mólia a dha prentzare / mata de i. (nadu de unu)= mataudhone, chi portat brenti manna Synonyms e antonyms iscartinu Sentences at cumintzau a carrare sos isportinos, los at prenaos e postos in sa supressa ◊ cada momentu umpriat una túrbia de abba budhia e la ghetabat a sos isportinos ◊ is isportinus si ponint unu apitzus de s'àteru intraus in su fusu de su bancu 2. mata de isportinu chi no est àteru! Etymon srd. Translations French scouffin English big round basket Spanish capacho Italian fìscolo German Beutel zum Auspressen der Oliven.

ispórtinu ispórtina

isportísca , nf Definition genia de musarola (a logos, cofa) chi si apicat a conca de un'animale bestia in murros po no papare cosa de fàere dannu, trebballadho; fintzes istrégiu Synonyms e antonyms mofa 1, sportitza 2. is cadinus, is canistras e isportiscas s'impreant po pònnere medas cosas.

isportívu , agt, nm Definition chi pertocat is isportos; chi o chie faet o si apentat a s'isporto (o fintzes chi ndhe dhi praghet).

ispòrto , nm Definition atividade, movimentu po mantènnere sana sa carena; giogu chi arrechedit abbilesa e pratighesa, mescamente fatu a gara, a trivas Sentences bi at zente meda amantiosa de custu isporto bellu ◊ de ispuntinos e isportos ant brama lèndheche sa pensione a sos mazores ◊ daghi s'isporto ponimus in ballu a lu mirare est unu consolu! ◊ inoghe no sezis po ispidientu, po ispàssiu o po isporto: sezis po istudiare! Translations French sport English sport Spanish deporte Italian sport German Sport.

ispórtula , nf Definition isporta minore Synonyms e antonyms sportitza Etymon ltn. sportula.

ispòrtza ispòrta

isportzedhàre , vrb Definition apèrrere is portzedhos, is butones de is linnas candho isparant e bogant cambu nou, iscupire (o frore po fàere frutu) Etymon srd. Translations French éclore English to blossom Spanish abrirse Italian sbocciare German aufblühen.

ispóru , nm Definition mancamentu o farta de coràgiu, de ibertu, genia de isarcu malu, a s'apretu, de no pòdere arrennèscere in calecuna cosa Synonyms e antonyms dirrenu, disisperu, isalcu, isporamentu, scoramentu Sentences sa soledade m'imbelat sas pupias chin tadharanos de isporu ◊ làcrimas de isporu in pupias de àstragu nighedhu murghendhe est su dolore ◊ dae intzidu e ispera pro no tzèdere a s'isporu! Etymon srd. Translations French démoralisation, abattement, découragement, consternation English demoralization, dejection, dismay Spanish desaliento, desánimo Italian demoralizzazióne, scoraménto, costernazióne German Entmutigung, Niedergeschlagenheit.

ispórula , nf, nm: ispórulu, sporra*, spórula Definition genia de bide chi faet a sola, areste; a logos, ispórulu est s'iscaligione, parte de su gurdone Synonyms e antonyms acratzu, agresti, sarmentuaresti, zàmpina / campaninu, iscaluza, ispérula Sentences custa ua ocannu no est ingranida nudha: paret ispórula de riu! Scientific Terminology mt, Vitis vinifera ssp. sylvestris.

isporuladòre , nm Definition chie est avesu a furare àghina Synonyms e antonyms agratzari Sentences pro tentare una binza a mesapare menzus mi che andho a isporuladore Etymon srd.

isporulàre , vrb Definition arregòllere ispórulu, iscaligione Synonyms e antonyms iscalonare, iscaluzare Etymon srd.