A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Abbreviations Legenda | Symbols Legend

issutzàre isciuciài

issuzída , nf Synonyms e antonyms istrizida Etymon srd.

issuzídu , pps, agt Definition de issuzire; chi ch'est unu pagu istesiau, trantziu Synonyms e antonyms atesu, istesiadu, istrizidu | ctr. acurtziau.

issuzidúra , nf Definition su issuzire, ispostare istesiandho Etymon srd.

issuzíre , vrb Definition istesiare, trantzire unu paghedhedhu, fàere logu Synonyms e antonyms astesiai, illalgare, istegiare, istirire, istregire, tòlchere, transiri 1 | ctr. acoltziare, acostai Sentences issuzi de s'oru no che ruas in su fossu! ◊ si bos issuzides unu pagu, inoghe che cabimus totu ◊ cussa cosa mi che l'as issuzida e como no bi lompo Translations French éloigner, écarter English to shift Spanish alejar, apartar Italian scostare German wegrücken.

ist , bvrb Definition a logos, tertza persona sing. de s'indic. pres. de èssere: est Sentences ómine tentau ist ómine mortu ◊ su sàmbene no ist abba.

ista- , agt Definition custu, custa: prefissu de unos cantu foedhos (es. istanote, istasero).

ísta! , iscl Definition foedhu de su vrb. istare: nau a solu podet bòllere nàrrere giaemidhu!, lassamilu!, aporri!, o fintzes franghe!, pàrtadi!, trantzidi!, lassa! Sentences ista sa lepa a segare casu! ◊ ístami sa pinna! ◊ ista, curre, ca so colendhe cun custa cosa! ◊ ista, ista, chi bi andho deo!

istabbacài, istabbacàre , vrb Synonyms e antonyms bocare, caciare, incaminare Sentences nci apu istabbacau is serbidoras e no mi ndi seu pentia ◊ no ndi depis istabbacai cosa de stravàciu, po un'interru!◊ custu est su logudoresu chi ne aio istabbacau a pitzoconedhu.

istàbbile, istàbbili , agt Definition chi est firmu, chi abbarrat / bènis istàbbilis = itl. beni immobili.

istabbilidàde, istabbilidàdi , nf Definition firmesa, su istare o abbarrare bene firmu, nau prus che àteru de cosas, fràigos, e àteru Synonyms e antonyms firmesa.

istabbiliméntu , nm Definition prus che àteru, fràigu, logu inue si trebballat cosa a indústria.

istabbilíre, istabbilíri , vrb: stabbiliri Definition decídere o pigare unu determinu, precisare calecuna cosa; arrennèscere a ischire, fintzes misurare cantu leat un'istrégiu (carrada, bastimentu, àteru) Synonyms e antonyms decídiri / apostivigare, iscumbatare Sentences nachi dogni cosa est primu istabbilida cun sos benes e males de sa vida 2. ant istabbilidu chi su velenu de s'abe curat artrosis e mores Etymon itl. Translations French établir English to establish Spanish fijar, establecer Italian stabilire German festlegen.

istàca , nf, nm: istacu Definition genia de istrégiu de pedhe, fatu a acapiare in sa buca cun d-una corria e de pòdere apicare in codhos po dha pigare in palas / s'istaca potet èssere de mannària: merennajola, diàglia, chitajola, o de mesata, po pònnere pane a papare una die, una chida, o unu mese Synonyms e antonyms taschedha Sentences sas istacas chitajolas sont de sas prus mannas ◊ at preparatu sas istacas prenas de límpidu, casu e sarditza ◊ fint tzucatos ambos abbia de sos montes de Lúvula chin s'istachedha a pala Scientific Terminology stz Etymon srd. Translations French musette English haversack Spanish mochila Italian tascapane German Brotbeutel.

istacàre , vrb: stacai Definition istesiare de pare duas cosas postas impare acanta o fintzes apicigadas Synonyms e antonyms ispitzigare, sculiai, spodhai / pesare | ctr. apitzigare, apodhai Etymon itl. Translations French détacher, décoller English to detach Spanish despegar Italian distaccare, staccare German loslösen.

istacàtu , agt Definition prenu che un'istaca, tibbiu Synonyms e antonyms istibbidu Sentences aiat acatatu unu portafógliu cantu unu sonete dae su dinari chi bi fit istacatu (A.Pau) Etymon srd.

istaconàre , vrb Definition segare, bogare su tacone, su cracàngiu, a is iscarpas; prnl., pèrdere su tacone Synonyms e antonyms | ctr. ataconai.

istàcu istàca

istàda , nf Definition su istare, su firmare Synonyms e antonyms frimmada Etymon srd.

istàde , nm, nf: istadi, stadi Definition unu de is bàtoro tempos de s'annu, de su 21 de làmpadas a su 22 de cabudanni, candho faet dies prus mannas (ma menguandho, in s'emisferu nord) e sole prus forte cunforma a sa posidura de sa Terra cun su Sole / in su grofu de s'i. = in su coro de s'istiu, itl. in piena estate Synonyms e antonyms iltiu, istadiale, istiera | ctr. iberru Sentences paret un'eternu istade africanu ◊ s'istadi si fut postu a fai arrassoli ◊ s'istadi nci fiat passau diabressi ◊ su cinixu de un'istadi est imbussendi is sartus de Sardigna ◊ s'istadi est acabbau totinduna ◊ candho alluent is fogorones paret torrada s'istade! Scientific Terminology tpc Etymon ltn. aestate(m) Translations French été English summer Spanish verano Italian estate German Sommer.