A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

issutzàre isciuciài

issuzída , nf Sinonimi e contrari istrizida Etimo srd.

issuzídu , pps, agt Definizione de issuzire; chi ch'est unu pagu istesiau, trantziu Sinonimi e contrari atesu, istesiadu, istrizidu | ctr. acurtziau.

issuzidúra , nf Definizione su issuzire, ispostare istesiandho Etimo srd.

issuzíre , vrb Definizione istesiare, trantzire unu paghedhedhu, fàere logu Sinonimi e contrari astesiai, illalgare, istegiare, istirire, istregire, tòlchere, transiri 1 | ctr. acoltziare, acostai Frasi issuzi de s'oru no che ruas in su fossu! ◊ si bos issuzides unu pagu, inoghe che cabimus totu ◊ cussa cosa mi che l'as issuzida e como no bi lompo Traduzioni Francese éloigner, écarter Inglese to shift Spagnolo alejar, apartar Italiano scostare Tedesco wegrücken.

ist , bvrb Definizione a logos, tertza persona sing. de s'indic. pres. de èssere: est Frasi ómine tentau ist ómine mortu ◊ su sàmbene no ist abba.

ista- , agt Definizione custu, custa: prefissu de unos cantu foedhos (es. istanote, istasero).

ísta! , iscl Definizione foedhu de su vrb. istare: nau a solu podet bòllere nàrrere giaemidhu!, lassamilu!, aporri!, o fintzes franghe!, pàrtadi!, trantzidi!, lassa! Frasi ista sa lepa a segare casu! ◊ ístami sa pinna! ◊ ista, curre, ca so colendhe cun custa cosa! ◊ ista, ista, chi bi andho deo!

istabbacài, istabbacàre , vrb Sinonimi e contrari bocare, caciare, incaminare Frasi nci apu istabbacau is serbidoras e no mi ndi seu pentia ◊ no ndi depis istabbacai cosa de stravàciu, po un'interru!◊ custu est su logudoresu chi ne aio istabbacau a pitzoconedhu.

istàbbile, istàbbili , agt Definizione chi est firmu, chi abbarrat / bènis istàbbilis = itl. beni immobili.

istabbilidàde, istabbilidàdi , nf Definizione firmesa, su istare o abbarrare bene firmu, nau prus che àteru de cosas, fràigos, e àteru Sinonimi e contrari firmesa.

istabbiliméntu , nm Definizione prus che àteru, fràigu, logu inue si trebballat cosa a indústria.

istabbilíre, istabbilíri , vrb: stabbiliri Definizione decídere o pigare unu determinu, precisare calecuna cosa; arrennèscere a ischire, fintzes misurare cantu leat un'istrégiu (carrada, bastimentu, àteru) Sinonimi e contrari decídiri / apostivigare, iscumbatare Frasi nachi dogni cosa est primu istabbilida cun sos benes e males de sa vida 2. ant istabbilidu chi su velenu de s'abe curat artrosis e mores Etimo itl. Traduzioni Francese établir Inglese to establish Spagnolo fijar, establecer Italiano stabilire Tedesco festlegen.

istàca , nf, nm: istacu Definizione genia de istrégiu de pedhe, fatu a acapiare in sa buca cun d-una corria e de pòdere apicare in codhos po dha pigare in palas / s'istaca potet èssere de mannària: merennajola, diàglia, chitajola, o de mesata, po pònnere pane a papare una die, una chida, o unu mese Sinonimi e contrari taschedha Frasi sas istacas chitajolas sont de sas prus mannas ◊ at preparatu sas istacas prenas de límpidu, casu e sarditza ◊ fint tzucatos ambos abbia de sos montes de Lúvula chin s'istachedha a pala Terminologia scientifica stz Etimo srd. Traduzioni Francese musette Inglese haversack Spagnolo mochila Italiano tascapane Tedesco Brotbeutel.

istacàre , vrb: stacai Definizione istesiare de pare duas cosas postas impare acanta o fintzes apicigadas Sinonimi e contrari ispitzigare, sculiai, spodhai / pesare | ctr. apitzigare, apodhai Etimo itl. Traduzioni Francese détacher, décoller Inglese to detach Spagnolo despegar Italiano distaccare, staccare Tedesco loslösen.

istacàtu , agt Definizione prenu che un'istaca, tibbiu Sinonimi e contrari istibbidu Frasi aiat acatatu unu portafógliu cantu unu sonete dae su dinari chi bi fit istacatu (A.Pau) Etimo srd.

istaconàre , vrb Definizione segare, bogare su tacone, su cracàngiu, a is iscarpas; prnl., pèrdere su tacone Sinonimi e contrari | ctr. ataconai.

istàcu istàca

istàda , nf Definizione su istare, su firmare Sinonimi e contrari frimmada Etimo srd.

istàde , nm, nf: istadi, stadi Definizione unu de is bàtoro tempos de s'annu, de su 21 de làmpadas a su 22 de cabudanni, candho faet dies prus mannas (ma menguandho, in s'emisferu nord) e sole prus forte cunforma a sa posidura de sa Terra cun su Sole / in su grofu de s'i. = in su coro de s'istiu, itl. in piena estate Sinonimi e contrari iltiu, istadiale, istiera | ctr. iberru Frasi paret un'eternu istade africanu ◊ s'istadi si fut postu a fai arrassoli ◊ s'istadi nci fiat passau diabressi ◊ su cinixu de un'istadi est imbussendi is sartus de Sardigna ◊ s'istadi est acabbau totinduna ◊ candho alluent is fogorones paret torrada s'istade! Terminologia scientifica tpc Etimo ltn. aestate(m) Traduzioni Francese été Inglese summer Spagnolo verano Italiano estate Tedesco Sommer.