A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Abbreviations Legenda | Symbols Legend

lambícu , nm: limbicu, limmicu Definition aparíciu chi serbit a limbicare ccn. cosa (es. binu), fatu de duas partes: un'istrégiu chi si ponet in su fogu cun sa cosa de limbicare, totu tupau bene sidhiu, e unu tubbu chi essit de s'istrégiu, fatu a caragolu e passau in mesu de s'abba frida ca deasi su vapore chi si format aintru budhindho de s'istrégiu torrat a lícuidu comente s'ifridat passandho Synonyms e antonyms distilladore Sentences boint obbrigai sa genti a ponni totus lambicus nous punciaus de su guvernu Etymon itl. Translations French alambic English alembic Spanish alambique Italian alambicco German Destillierkolben.

lambidèsa , nf Definition su èssere làmbidos Synonyms e antonyms agudéntzia, asuréntzia, asuria, asurímini, lambidore, limiore Sentences bio petzi nues nighedhas lubadas dae sa lambidesa de sa zente! ◊ in custu mundhu fràzicu de lambidesas s'ómine cheret bínchere s'ómine, su tortu su zustu, su malu su bonu.

lambidòre , nm Synonyms e antonyms lambidesa Sentences candho at intesu de totu cuss'oro si li sunt allutos sos ogros de lambidore ◊ su tziculate li aggradait a machine ma lassait pèrdere su lambidore suu Etymon srd.

làmbidu , agt, nm: làmbridu, làmpidu Definition chi o chie disígiat e bolet meda o totu issu; chi est disigiau / l. de potéssia = chi bolet cumandhare Synonyms e antonyms aframicosau, agganau, agganidu, disigiosu, famidu, irfamigadu, làmbidu, soriolu 2. su mele est cosa làmbida meda Etymon ltn. languidus Translations French avide, gourmand English greedy, gluttonous Spanish ávido, avaricioso, codiciado, glotón Italian àvido, golóso German gierig.

lambigàda , nf Definition su lambrigare, làmbriga Sentences po mei mancu lambigada, sendu tristu lastimau (G.Solinas) Etymon srd.

làmbria , nf: làmbriga Definition una genia de abba chi bogant is gràndhulas de s'ogu; fintzes cosighedha pagu pagu, istídhigu de cosa (sudore, lentore), is granos de s'orrosàriu Synonyms e antonyms làcrima* / botiu, guta 1, gutiu, lútiu, lútria, istidha, istídhigu Sentences dhi calat, no dhi calat làmbriga ◊ connoscis cantus làmbrias mi ant fatu marigosu su pani! ◊ dhi calat dogna làmbriga che cariasa!… 2. s'afetu no est solu montovadu in sa moda de otavas e tertzinas ma lítzitu che làmbrias cristallinas (G.Ruju)◊ dha gradessis una lambrighedha de cafei? ◊ che chisina in sas àeras frundhida no siat custa làmbriga de vida! (A.Brundu) Translations French goutte English drop Spanish gota Italian stilla, gócciola German Tropfen.

lambrídu , agt: allambridu, limbridu Definition chi si papat o bufat totu, chi no ndhe lassat a is àteros Synonyms e antonyms aframicosau, agganau, famidu, irfamigadu, làmbidu / allimbridu, allupidu, bentranu, inguglione, pasteri, sassagoni Sentences duos lambridos a unu tazeri no andhat mai bene! Scientific Terminology ntl Etymon srd.

làmbridu làmbidu

lambridúra , nf Definition su èssere lambridos Synonyms e antonyms bentrania, ingorrosia, inguglionia, ingurtionia Sentences sa lambridura lu giughet a su fossu primmu de s'ora ◊ est manighendhe a pianu, chena lambridura Etymon srd. Translations French gloutonnerie, goinfrerie English greediness Spanish voracidad, avidez Italian ingordìgia German Gier, Gierigkeit.

làmbriga làmbria

lambrigadúra , nf Synonyms e antonyms lagrimadura Etymon srd.

lambrigài, lambrigàre , vrb: lambrigare Definition nau de un'ogu arteriau, sumire, bogare làmbrigas, fàere a làmbriga; fintzes prànghere Synonyms e antonyms lacrimare*, piànghere 2. acabbamidha de lambrigai!

lambrigaméntu , nm Synonyms e antonyms lagrimadura Etymon srd.

lambrigàre lambrigài

lambrighitài, lambrighitàre , vrb Definition prànghere, fàere calecuna làmbriga Synonyms e antonyms lacrimare, lambrigai, piànghere Etymon srd.

lambrighitósu , agt Definition chi portat calencuna làmbriga; nau de su tempus, de s'àera, chi est faendho istídhigos, istidhigandho Synonyms e antonyms lacrimosu Etymon srd.

lambrighítu , nm Definition su lambrighitai, prantighedhu Synonyms e antonyms ciúnchiu, lamentu Etymon srd.

lambrigósu , agt Definition chi est a làmbriga, lambrigandho, nau de is ogos Synonyms e antonyms lacrimosu, lambrighitosu Sentences po curpa de su fumu portu is ogus lambrigosus Etymon srd.

lambríre , vrb Definition papare a s'airada Synonyms e antonyms allimbrare, irrujonare, limbrire Etymon ltn. lambere Translations French manger comme un goinfre English to eat greedily Spanish engullir Italian mangiare con ingordìgia German verschlingen.

lambúga , nf Definition genia de animaledhu longu, cantu su podhighitu, chi bogat is corros e faet su saliàciu che a su tzintzigorru, ma no portat corgiolu Synonyms e antonyms mammagorra, sassaluga 2. cussu est una lambuga, prodhincu, bovu e culu grai ◊ est tontu che una lambuga Scientific Terminology crp, arion rufus, a. ater, a. circumscriptus, a. subfuscus, limax cinereo-niger, lehmannia marginata, malacolimax tenellus Translations French limace English slug Spanish limaza, babosa Italian limàccia German Egelschnecke.