A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Abbreviations Legenda | Symbols Legend

mamasílva , nf: mammasilva Synonyms e antonyms badàngiu 1, bidebbianca, erbagràbina, mamaesida, mammelinna, sfundhabingiadas Etymon srd.

mamasóri , nm Definition genia de bobboi de tantas calidades, totu farrancas (bàtoro paja), su chi faet sa napa, ma fintzes solu bobboi de dónnia genia Synonyms e antonyms aragna, aragnolu, arràngiu 2, babbauda, cantupiludu, francadossu, mariavarranca, muldidori, surbadura Sentences est sútile e débbile che tallaranu de mamasori (D.Murru) Scientific Terminology crp.

mamaútzis , avb Definition andhare a m. = a pampas Synonyms e antonyms maucis*.

mamèa! , iscl: mammea Definition mamma mea!: tzérriu chi si betat cracandho agitóriu a sa mama, in disisperu, po dolore mannu, o fintzes chi si narat deasi po cosa chi faet a tímere (mancari atesu) o chi no praghet própriu Synonyms e antonyms ammamia!, odheu!, ojammomia! Etymon srd.

mamedíta mamadíta

mamegherísi, mameghirísi , nm Definition puzone trinu, de turra, de palatu, puzone múrinu o murinatzu: su cruculeo Synonyms e antonyms brufulàgiu, craculeu, crucúciu, fruferarzu, poforinu, trinedha, tziria Scientific Terminology pzn, passer hispaniolensis.

maméntu , nm: mementu, momentu Definition pagu pagu de tempus, un'iscuta, tempus chi durat pagu Synonyms e antonyms àchiu, iscuta Idioms csn: in d-unu mamentu = in d-unu sinnu, in d-unu patrefíliu; unu mamentu est = bi cheret pagu, bi cheret nudha a… Sentences chi intendha su mementu de su dolore chin su gustu de s'amore! ◊ candho ant bidu su Cristos de Gartedhi si lis est astrintu su coro: pariat chi lu aiant cravau in su mamentu ◊ su gosu durat solu unu mementu ◊ Gesummaria, ite mamentu feu: e comente cherides chi la orda?! (Farina) 2. est unu mamentu a rúere in logos goi, ca iscàdrias che nudha! Scientific Terminology tpc Etymon itl. Translations French moment English moment Spanish momento Italian moménto German Moment, Augenblick.

mamídha , nf: mammidha Definition arremu (gràndhula) de sa carena de is animales chi faent fedu, mescamente de sa fémina, de ue sumit su late; su late etotu, mescamente su primu chi bessit, su colostru; de s'atza de una segure, su tretu a corru a sa parte de sa màniga Synonyms e antonyms tita Sentences est chene late in mamidhas ◊ beneigo sa mamidha de sa mama chi ti at allatadu ◊ sos bitelledhos pariant isprigos, suendhe sa mamidha 2. li est intrata sa mammidha Etymon ltn. mamilla.

mamisóri , nm Definition dormidedha, in su foedhóngiu de o cun is pipios; fintzes pantuma Etymon srd.

màmma màma

mammacíca , nf Definition erba, fà de colorus o de mata Scientific Terminology rba, Aetheorrhiza bulbosa.

mammacíca 1 , nf Definition duas calidades de erba, coment'e cicória (a una dhi narant fintzes fà de colorus o de mata) Synonyms e antonyms lataredha, latosa, limpora, lositzu, mammaluca Scientific Terminology rba, Chondrilla juncea.

mammacúa mamacúa

mammadíta mamadíta

mammaerítu , nf Synonyms e antonyms arrenza 1, bocigani, bociguadhus, mutzamanu, segabódhighes, segadidus 1 Scientific Terminology crp.

mammaghèda , nf Definition erba de axedu, genia de erba cun sa fògia chi assimbígiat a su trivógiu e faet unu frorighedhu grogo in sa chimighedha (de sabore aghedu) Synonyms e antonyms allelua, binuvorti, coraxedu, limbassu, pitziabítzia, suciosa Scientific Terminology rba Etymon srd.

mammagòrra , nf Definition satzaluga e tzintzigorru (pruschetotu chentza de corgiolu), bobbois chi si papant sa cosa prantada Synonyms e antonyms lambuga, macioni 1, mammagorra Scientific Terminology crp Etymon srd.

mammagràida , nf: mammaràida 1 Definition genia de pibitziri birde Synonyms e antonyms ateribilche, pibiciri, pibisiu, telaporca, tziabróssima, tzilibrínchidi, tzimpilighe Scientific Terminology crp Etymon srd. Translations French sauterelle English grasshopper Spanish grillo de matorral Italian saltabécca German Laubheuschrecke (Grüne), Heupferd.

mammài , nf: bammai Definition foedhu chi si narat po sa mama etotu (e chentza s'artículu est sèmpere sa mia o sa tua); a logos dhu narant po arrespetu a calesiògiat fémina manna, cojuada o bagadia, acumpangiandhodhu a su númene, mescamente tzerriandho; dhue at logos chi dhu narant a sa mama de sa mama o de su babbu Synonyms e antonyms mama / mae, tzia / ajaja Sentences nosus si furiaus sétzius a papai cuntentus totus impari cun mammai e babbai ◊ tochit, mammai, lessidimí andai! ◊ chi deu narau "a tuis" a mammai mi donàt unu cropu de turra a murrus e mi nd'isciusciàt is dentis! 2. mammai Maria, at nadu mamma a bènnere a domo pro cudhu cumandhu! ◊ si narat "Mammai!", e no a tiatumbis, putzidha, ca est fémina manna! Etymon srd. Translations French maman, madame English mother, madam Spanish mamá, señora Italian mamma, signóra German Mutter, Frau.

mammài 1 , nm Synonyms e antonyms maltza, matéria, sagna 1 Sentences at isprémiu su guroni e ndi est essiu totu su mammai.